اصعب تجربة رهاب فى العالم....تحياتى لمن دمر حياتى؟؟؟

اصعب تجربة رهاب فى العالم....تحياتى لمن دمر حياتى؟؟؟

انا اولا عمرى 27 عام
انا قصتى مع الرهاب معقدة حبتين بس اقدر اقسمها على مراحل عمرى المختلفة الى الان
1_من ولادتى لحد 4سنوات الله اعلم ياترى كنت كيف بس كنت محبوب عامة
2_عند سن 4 سنوات دخلت الحضانة و ابلتى كانت تحبنى قوى(الله يمسها بالخير يارب ان كانت عايشة و الله يرحمها ان كانت متوفية) و معظم الناس ايضا كانوا يحبونى
3_من 5 سنين (الروضة) حتى 10 سنوات (نهاية المرحلة الابتدائية) بداية الخوف من حاجة اسمها مدرسة كانت المعاملة فى المدرسة اسوأ مايكون مع انها مدرسة خاصة بس كانت اسهل طريقة عندهم الضرب
وانا كنت خايب بالمدرسة قوى فى هذه المرحلة (و خاصة بالانجليزى كنت اكرهه) فلذلك كنت صيد حلو للضرب و السب ...كان لى بعض الاصدقاء و لكن ليس كثيرون ولكن فى هذه المرحلة بالذات يجب ان تكون طالب متفوق لكى
تجنى صدقات كثيرة و تصنع شخصية لها احترامها ..كانوا احيانا و ليس كثيرا زملائى بالفصل يتهكمون عليا...كان مدرس الانجليزى يضرب بى الامثال للتلميذ الخايب ....كنت اخاف قوى من مدرس الانجليزى حتى لو الحصة ليست
حصته كنت مجرد سماع صوته فى الطرقة خارج الفصل اترعب...المهم كانت المدرسة ابتدائى فقط و كنت اعد الايام لاكبر و اخلص منها على الاقل الانتقال لمدرسة اخرى فيها المعاملة افضل
خارج المدرسة كنت طبيعى ما فى مشاكل بس احيانا بكون هادى مع الاقارب عادى و امى كانت تخاف عليا شوية (كنت ولد بين خمس بنات ) و شوية مشاكل فى البيت مع اخوتى
4_من سن 11حتى16 (مرحتلى اعدادى و ثانوى) قلت الحمدلله سبت المدرسة الهم و هروح للعز و خلاص الدنيا هتروق و تحلا معاك يا واد و مفيش ضرب ولا رعب مدرسة حلو ة كانت ايضا خاصة و مشتركة و كانت جميلة .اول سنة بصراحة كانت لوز و فل و كان مستواى فى الدراسة ابتدا يعلا من اواخر سنين ابتدائى فكنت فى اولى اعدادى مستوى متوسط و بيزيد و رحلات و عالم سمسم ...فكانت الدنيا حلوة ..السنة اللى بعديها(ثانية اعدادى) بدايتها كانت حلوة ...بس للاسف شكلى مش مكتوبلى فرح فى الدنيا و ديه كانت بداية اسوأ شىء حدث لى فى الدنيا (شبح الاحمرار)
يوم كنت كل ما اتذكره لحد فتره قريبة اتعب ....دخل مدرس مادة و المشكلة انها مادة ملهاش لازمة اسمها صيانة
و سال عن حاجة و محدش طبعا كان مهتم بها و لا يعرف فيها اى حاجة .كانت حصة واحدة فقط بالاسبوع و ماكانت بتضاف للمجموع......................المهم قال هختار حد يطلع يشرح على الصبورة ......و محدش عارف حاجة خالص.......و لبختى الاسود الاختيار وقع عليا ....قلى تعالا انت ...قلتله انا ؟قلى اه .....
طلعت على الصبورة و مش عارف اعمل ايه و اقول ايه مش عارف حاجة ....و فجأة لقيت وجهى نار يا حبيبى نار و ناس كتيرة عمالة تضحك و انا مش عارف اعمل ايه و وجهى بيزيد فى الاحمرار ...فدخلنى الاستاذ
.....و هذه كانت البداية ...و من هذا اليوم المشأوم و انا كل ما استاذ يقومنى اجاوب سؤال و جهى يحمر احمرار غير عادى حتى لو عارف السؤال....شوية طلاب اللى خدوا بالهم قوى كان بالنسبة لهم الموضوع مسلى يشوفنى و انا احمر و التهكم يشتغل.......كانت بحاول اتجنبهم هم بالذات عشان ما اتفضح و ماحد يعرف بسرى خارج الفصل او حتى بالفصل و البيت و المنطقة......كنت قبل كدة كل ما يقول الاستاذ سؤال اتسابق مع الطلاب على الوقوف و الاجابة و دلوقتى بحاول اختفى باى طريقة.. و رجعت اعد الايام من جديد عشان تخلص مرحلة الدراسة و ارتاح شوية على اساس الكلية اهون ...المهم كانت الايام هم فى هم ولسا بدرى عشان اخلص مرحلة المدرسة بس مرت ثانية اعدادى بخيرها و شرها و احمرارها و كمان تالتة اعدادى و دخلت اول ثانوى كانت سنة صعبة بس كان حظى حلو ...اسوأ طلاب معرفة بسرى اتنقلوا من الفصل بس للاسف اتى لى الاسوأ ...صديق لى فى نفس منتطقتى .... لو عرف الموضوع و ظهر عليا اعراض يبقا اتفضحت فى المنطقة و البيت
يبقا حتى الشارع مش هشوفه بعد كدة...كان معى فى نقس المقعد..لحسن الحظ كان مختار المانى فتم نقله الفصل التانى بعد فترة فقلت الحمد لله ....كان وجهى بيحمر بعد الحين و الاخر بس كان لحد ما الموضوع معتاد لى الى
ان حدثت الفاجعة الاكبر......بجد مش مكتوبلى ارتاح .....مرة ذهبت المدرسة متاخر فوجدت طالب قاعد مكانى
فى المقعد الثانى بجنب الاولاد و مكانه فارغ فى المقعد الاول (المقعد يسع لاثنين) انا قعدت لوحدى طبعا و ابتدت حصة الفزياء و يارتها ما ابتدات...كان فى كلام على الصبورة مكتوب يصعب على البنات فى الركن البعيد قرأته
كانوا يسالوا الاستاذ على الكلامات كثير ما وضحة....فى الاخر قالالاستاذ لوحدة سالته عن كلمة تعالى اقعدى هنا (جانبى) المهم جت قعدت جانبى الشباب استغربوا شوية اول مرة تحصل حاجة زى كدة بس كانوا ملتهين بالكتابة ما حصل حاجة وانا بقول الحمد لله و كتبت و مشيت و يا ليتها ما مشيت ..قامت اخرى بسؤاله عن الكلامات قلها ايضا
تعالى اجلسى هنا( جانبى) اتيت جانبى و الشباب فى التانية ما اتوصوا اصطادونى فى الاول عشان البنت جانبى مش اكتر و ضحك و كان كله و اخد باله منى فوجهى احمر فاستلمونى و تهكم على عينك يا تاجر
اه ...........................اتعقدت كان نفسي الارض تنشق و تبتلعنى ...و على فكرة كنت فى الفترة ديه شاطر فى المدرسة جدا و اجيب درجات حلوة
(والله كنت كل يوم اروح على المدرسة الصبح ادعى ربنا و انا نازل انا و جهى ما يحمر وان ماحد ياخد باله منى)
المهم عديت السنة بس بدعاء ربنا.... و معظم الناس نسيت بس كنت شايل هم اخر سنتين لى فى المدرسة .
انا كنت دايما افتكر انا بس اللى كدة و كنت اقول اشمعنا انا دون كل الناس

اعتقد كدة بيكفى لان اللى بعد كدة اغرب و اصعب مع ان الاحمرار قل كتير

المصدر: نفساني

لا ياصديقي لست وحدك

شي طيب المفروض تقطعه حبة حبة

عارف يا صاحبى كلنا فى مركب واحدة

ربنا يفرجها

كمل القصه من فضلك

ماشى هكمل باختصار
بعد ما انتهت اولى ثانوى وفى اخر سنتين فى المدرسة تانية و تالتة ثانوى ربنا كرمنى بفصل كبير فيه ركن معزول عن الناس كلها (كانوا مسمينه ركن الميتين وكانوا يقولولى انت زعيم ركن الميتين هههههههههههه)
كان فيه 3 مقاعد فقط روحت لحقت المقعد الاخير فيهم جنب الحائط و كان ظابط معاى الموضوع 90 % من الفصل ما يشوفونى
و حتى الاساتذة و لاكانوا يقومونى ولو سالونى كنت قليل ما ياتى الاحمرار و كان فى ناس فى الفصل معانا ما تعرفنا و مرت هاتين السنتين بسلام بل و كانوا قمة المتعة لدرجة كنت
اقعد اهزر و اضحك انا و اصحابى ولا حد دارى بينا...
دخلت الجامعة كانت فى مدينة تانية و لا كان حد معاى من مدينتى و كان الموضوع ديه حلو و مش حلو بس فى المجمل الغربة و الوحدة افضل من مداومة التواصل مع اصدقاء المدرسة فى مرحلة الجامعة
اتعرفت على بعض الاصدقاء و الصديقات فى الجامعة بس اجتماعياتى ما كانت قوية ايضا و كانت بتعدى العملية ما كنت احس بمتعة حياة الجامعة بس كمان ما كان فيه احمرار (الجامعة اسهل من المدرسة)
ولو انه موجود الاحمرار بس فى الجامعة العدد كبير و مافى قيود

المصيبة حدثت فى السنة التالتة من الجامعة و هى ديه نقطة التحول التانية الرهيبة فى حياتى
من السنة التالتة ابتدت الرجفة و الخوف و الرهاب و التلعثم فى الكلام يزيد و الاحمرار يقل بس موجود
موقفين هايفين حادثوا لى ساعدوا على ظهور الرجفة و اصبحت من بعدها اخاف حتى امسك كوب شاى او قهوة و اضع سكر حتى لو لوحدى ساعات

بعد الدراسة اشتغلت 5 سنين منهم 4 بالخارج و حصلت على الماجستير مع ازدياد معدل الرهاب و الخوف و الرجفة و التلعثم فى الكلام و سرعة ضربات القلب و ضيق النفس
كان الموضوع صعب و خنقة بالنسبة لى بس كانت بستحمل بالعافية ..تخيل رهاب فى شغل و دراسة
بس بالدعاء كل شىء ربنا بيعديه و يهونه
الماجستير كنت اقدم برزينتيشين كنت اقعد اجهز نفسة و ادعى من قبلها باسبوع
والله فاكر اول مرة اقدم فيها برزنتيشن كنت من كتر الخوف قبل تقديمه ما كنتش خايف.هههههههههههههه... بس عندما اتى الدكنور حسيت ان جسمى كله متكهرب و مشقدر اقف على رجلى
و نفسى اهرب من القاعة باى طريقة ..بس ندهوا اسمى طلعت اتكلم كان معاى ورقة اتكلم منها والله ماكنت شايف فيها حاجة و طلعت اتكلمت و شرحت من دماغى
من غير ولا غلطة و ماكنت ارجف و كله اثنى على ادائى بشكل كبير
المرة التانية قدمت فيها بس كان عدد الطلاب كبير مدرج كامل اديت كويس بس كان فيه رجفة جامدة بس ماحدش خد باله (المشكلة لازم تمسك مايك)
و حصلت على الماجستير
و مع شغلى الاساسى اشتغلت اضافى فى مركز تدريب محاضر

و بالرغم من كدة الرهاب موجود موجود موجود
الدعاء ثم الدعاء ثم الدعاء
ربنا يشفى الجميع

تجربتك صعبه يااخي ولله صراحه انت شخص عظيم عندك رهاب واوصلت واخذت الماجستير ؟؟؟ شي عجيب
وشلون مانمعك من الدراسه ممكن الي عندك ماهو رهاب اخوي اعتقد عندك خوف مرضي محدد يعني من شي محدد فقط
الرهاب مرض معمم احيان وفي مرض محد يعني مثلا واحد يخاوف من ركوب الطايرة بس غير كذا ماعنده شي
اعتقد الي عند خوف محدد من شي معين بس

كومبلكس عطيتناا امل وبعثة فينا امل بس وش الي عندك احمرار فقط؟؟ بشوف ممكن بيننا شبه اخذت لبكالريوس وافكر اكمل ماجستير برى بالخارج

اخوى فهد اهلا بيك ..اعتقد المرض اللى عندى رهاب اجتماعى فقط لان الكثير من اعراضه موجودة عندى وعلى العموم انا نويت امشى لدكتور قريبا و احكيله القصة كلها
و بدعيلك ان شاء الله تاخد الماجستير و الدكتوراة كمان ..الله يعينك

المشاركة الأصلية كتبت بواسطة كومبلكس

اخوى فهد اهلا بيك ..اعتقد المرض اللى عندى رهاب اجتماعى فقط لان الكثير من اعراضه موجودة عندى وعلى العموم انا نويت امشى لدكتور قريبا و احكيله القصة كلها
و بدعيلك ان شاء الله تاخد الماجستير و الدكتوراة كمان ..الله يعينك

لا ان ابشرك ان شاء الله وضعك جيد جدا وودي اتواصل معك اذا ممكن تطعي الادارة ايميلك يرسلونه لي
وانا ارى انك بتشفى سريع لانك رجل متعلم ومثقف
لكن تواصلي معي ويصير خير

تحيااتي

اخى فهد شكرا لاهتمامك و ان شاء الله كلامك يكون بشرة خير لى

وانتظر تواصلك معى فقد قمت بارسال بريدى للادارة