|
|
||||||||||
ملتقى الحوارات الهادفة والنقاش حوارات تهم جميع افراد الاسره والمجتمع للقضايا والموضوعات الإجتماعية والنفسية |
|
أدوات الموضوع |
10-07-2002, 02:08 AM | #1 | |||
عضو
|
رسالة شخصيه لابن الريا ض
رسالة شخصيه لابن الريا ض
السلام عليكم أخوي................... في الحقيقة انا قرأة ردك المرفق في موضوع ((صمت الازواج ))........... مشكلتك اخوي وباختصار ان زوجتك تلتزم الصمت معك وهي على العكس من ذلك مع الاخرين وقلت انها بارده في عواطفها اتجاهك مع انك تلاطفها في الحديث (يعني ماتقصر معها ) ......ووصلت الان الى درجة انك تظن فيها الظنون ....؟؟؟ ************************************* أخي العزيز تقبل هذه الاسئله 1—هل زوجتك تندمج في الحديث فقط مع الجنس الناعم بمعنى هل هي تلتزم الصمت مع اقربائها من الذكور 2—هل زوجتك عانت قبل زواجها منك..من قسوة والدها أو اخوتها... واذا كان كذلك فهذا يعني ان زوجتك لديها خوف داخلي منك.... ولا تستغرب من هذا الكلام.... ولعلي اكتب لك هذه القصه التي تعايشت معها عن قرب.. ((وحده من زميلاتي كان اخوها قاسي جدا معها لدرجة الوقاحه... كان يحاول دائما يذلها.... يخوفها... واي شي تسويه يقابلها باستحقار....قدر فعلا باسلوبه يفقدها الثقه بنفسها.....وهي الحين تقولي دائما انها ما تقدر تتكلم مع أي رجال((اقصد اقربائها)) ولاتحب تواجهم وحتى اذا تكلمت تتلعثم في الكلام معهم... ..... انتهى )) *************** 3—هل سبق وتعرضت لصدام بينك وبين زوجتك وصارت تعاملك بجفاف او من الاساس من بداية زواجك وطبعها كذا 4—هل انت حديث الزواج ( يعني توك متزوج) لان فيه كثير من الزوجات تترجم خجلها بالصمت وقد يستمر هذا الخجل لمده طويله بعد الزواج 5—هل زوجتك تتجاوب معاك في المعاشره...!!؟؟ ........بصراحه عندي اسئله كثيره تدور ببالي لاني قاعده اربط مشكلتك بمشاكل كثيره سمعتها وعشتها في نفس الوقت المهم راح اعطيك بعض الحلول واتمنى انها تفيدك 1—انت قلت انك تلاطفها بالحديث وهذا ان دل ..يدل على انك عندك اسلوب وذوق...بس اخوي الملاطفه في الحديث وطريقة الحوار والكلام..فن بحد ذاته .. حاول انك تفهم زوجتك وش تحب بالظبط في الكلام,,, واهم شي لاتضغط عليها وطول بالك عليها 2-- يمكن تكون زوجتك تفتقر لفت التعامل في الحياه الزوجيه (( وما ادري وش مستوى تعليمها..؟؟ بس مو مشكله فيه كثير من المتعلمات تعليم عالي يجهلون فن التعامل.. والحل برأيي اهو واحد من اثنين 1—حاول تطلع انت وزوجتك لاي مكان هادي (يعني ما فيه أي شي يقدر يشغلكم عن بعض )) وابدا صارح زوجتك باللي نفسك فيه بس اهم شي كلامك يكون بالتدريج وباسلوب هادي واذا كانت زوجتك ما تحب المصارحه استخدم اسلوب التلميح قولها على قصص لو انك تألفها من راسك مو مشكله المهم انك تقدر توصلها الي تبيه 2—فيه كتب رائعه جدا ومنها كتاب ((كيف تصبحين زوجة نا جحه وتكسبين قلب زوجك؟! الكاتب يوسف ابو الحجاج )) وهذا انا قريته وكان جدا ممتع ويعلم الزوجه كيف تتعامل مع زوجها... حبذا لو تشتريلها الكتاب وتحطه في أي مكان... في غرفة النوم مثلا.... بحيث ان زوجتك تشوفه وتقراه بس اهم شي لا تسالها اذا هي قرته ولا لا.... ولا وش رايها فيه...لانها احتمال تفهمك غلط وتحس انك قاعد تحاسبها مثلا...... فيه طريقه كمان اخوي من احد الاخوان في برنامج آفاق نفسيه... يقول انه اذا صار بينه وبين زوجته خلاف او كلام حاب انه يقوله لها ومو قادريعبر عته......يكتب لها رساله بكلام رومنسي وموجز ...............طريقته حلوه ولا... لا ........ اتمنى انك تحاول تطبق الي قلتلك عليه وتقولي وشهي النتيجه واتمنالك من كل قلبي حياه سعيده ومستقره وبصراحه اتمنى اني ما اكون تجاوزت حدودي معاك او ان رسالتي ماهي مرغوب فيها؟؟؟؟؟ اختك الامل المصدر: نفساني
|
|||
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|