أريد دكتور لتدبيس العصب بسبب العرق واحمرار الوجه

أريد دكتور لتدبيس العصب بسبب العرق واحمرار الوجه

يا اخوان انا تعبت من التعرق الزائد واحمرار الوجه ،،
ابغى دكتور يسوي عملية تدبيس العصب في الرياض ..
أبغى رقم الدكتور ماجد المورقي ، لاني سمعت انه في الحبيب
وتواصلت مع المستشفى وقالوا مو موجود ..
ابغى رقم جواله تككككككفون

المصدر: نفساني

مسااااعدتكم تكفووووووون

عندي رقمه
بس لمنتدى ميسح الارقام والخاص معطل عندي

السلام عليكم و رحمة الله تعالى و بركاته

صحيح يا صدى الكلمات ... ممنوع وضع ارقام الهواتف

و اي استفسار الرجاء فتح موضوع في الاقتراحات اخ محمد و ان كان بامكان المشرف العام مساعدتك ما رح يقصر ان شاء الله الله يعافيك

تم فتح موضوع في الاقتراحات وبانتظار تواصلهم معك اخوي

يا اخوان مطلوب رقم الدكتور بحثت عنه في المستشفى فلم اجده

إذا كان للعرق ممكن تعملها
إما للخجل فلا وألف لا

اخوي محمد السلام عليكم اول شي
انت تبغى تلفون الاستشاري ماجد المورقي فهو في أجازه مفتوحه هذا كلام مستشفى الحبيب فرع طريق خريص
ثانيا أنا سويتها بمستشفى سعد التخصصي بالخبر وانت تبغى مستشفى بالرياض عندك مستشفى المملكه استشاري مناظير / الدكتور عبدالله الضحيان ممتاز يمدحونه جدآ
بعدين أنا يوم سويتها مستشفى سعد قلت لهم قبل العمليه عندي تعرق بالأبط واحمرار بالوجه قالو نسوي حق التعرق بس الاحمرار ما نسوي عليان نظرية هورنر (ارتخاء جفن العين ) قلت سومها على مسؤوليتي قالو لا طبعا عملية الاحمرار بالعقدة الاولى
والله يوفقك ويساعدك

معليش على الأخطاء الأملائيه الآيباد وطريقته كذا فشلنا الله يفشله