الدكتوره صرفت لي ويلبيترين اكس ال و لامكتال وقالت لي كلام كثير

الدكتوره صرفت لي ويلبيترين اكس ال و لامكتال وقالت لي كلام كثير

السلام عليكم ورحمة الله وبركاته

اليوم بعد المغرب مريت ع دكتورة نفسيه امدحوها لي ناس وبعد ماشرحت لها حالتي شخصتها ع انها اكتئاب وصرفت لي ويلبيترين اكس ال و لامكتال

لا مكتال اعرفه مثبت مزاج. لكن ويلبتيرين وشو ؟

اول مره اسمع في هالدواء

تكلمت معها كثير عن الادويه النفسيه وقلت لها انا مو مقتنع فيها وقلت انها مجرد مخدر قالت من قال لك هالكلام وحلفت بالله انها ادويه معالجه و قالت لي والله العظيم ناس كثير جابوهم لي اهلهم مايدرون هم وين ولا حتى وش اساميهم والحين كلهم في صحه وعافيه وسليمين مئه بالمئه ويمرون علي علشان يسلموون

قالت لي في وحده جاوبها لي اهلها تبكي وتصارخ وماتدري هي وين. والحين وبعد سنه من توقيف العلاج كلمتني امس تعزمني ل زواجها ثالث العيد

تقول اهم شي التشخيص الصحيح وصرف العلاج المناسب

بصراحه طلعت من عندها متفائل والله يكتب الي فيه الخير ويشفيني ويشفيكم جميع



الا ع فكره ويلبتيرين احد قد جربه منكم ؟

وش اعراضه الجانبيه افيدوني

المصدر: نفساني

وش قلت لها عن وضعك

وكم سعر الادويه الي خذتها والله لما اسمع كلام ان ناس تشافو اقول زين بس ليه انا مو زيهم انقهر صراحه احس اني مسكين

تعبت من جد تعبت

ولبترين مضاد اكتئاب ، ياليت تسئلين الدكتورة عن الاشخاص الي قالت لك وش كان مرضهم

الولبوترين ينفع في الحالات التي يصاحبها كسل أو زيادة الشهية للطعام..
الاعراض الجانبية التي (قد) تحدث..
1- ضعف الشهية.
2- قد يجعل حالات و اضطرابات القلق اكثر سوأ.
3- قد يصيبك بالارق.
4- في الجرعات العالية من الممكن ان يتسبب بنوبات صرعية لكن مادام معك اللامكتال لا اظن ان هذه المشكلة ستصيبك لأن من استعمالاته اصلا علاج الصرع..

الحمدلله،، والله فرحت لك،، لقيت دكتوره ممتازه باين عليها، والادوية اللي عطتك بعد ممتازة،
لامكتال من احسن الادوية في العالم واكثر دواء شفت له تقييم عالي من قبل المرضى وانا استخدمته وقتل الاكتآب بسرعة بس تركته حاليا لأن رجعت لي العصبية ( مشكلة مرضي العصبية ولامكتال يزيدني عصبية لكنه بصراحة شل الاكتآب)
ويلبترين مضاد اكتآب ممتاز، ما يسبب زيادة وزن ولا يأثر على الجنس ( بل احيانا يزيد الرغبة وربما بسبب التعافي ) ، كم الجرعة اللي وصتك بيها؟
بصراحة بدايتك طيبة، هذي الادوية ماتسبب انتكاسة واذا لاسمح الله ما نفعت تقدر تتركهن بكل سهولة،، وانا اتوقع انك بتشوف تحسن سريع ( بعد اسبوع اعتقد بتقدر تلاحظ ان شاء الله )
وزين سويت يوم مشيت للدكتورة، ترا الطبيب ما يعض هههه
ننتظر اخبارك الحلوة
وبالتوفيييييييييييييييييق،،

المشاركة الأصلية كتبت بواسطة منتضر الفرحه

وش قلت لها عن وضعك

وكم سعر الادويه الي خذتها والله لما اسمع كلام ان ناس تشافو اقول زين بس ليه انا مو زيهم انقهر صراحه احس اني مسكين

تعبت من جد تعبت

اخوي منتضر الفرحه بقولك شي بس لا تزعل

بصراحه انا اشوف مشكلتك في شخصيتك احس انك ضعيف مره

لا تضعف وانا اخوك خلك قوي واعرف ان الله معاك وفي يوم من الايام راح يشفيك

لا تنظر ل غيرك ولا تقول انا اقل منهم بالعكس الله فضلك ع كثير من خلقه يكفي انك حر طليق يكفي انك تمشي ع رجولك وتاكل وتشرب

غيرك حتى الحمام الله يكرمكم مايقدر يروح له الا معاه احد

قل الحمد لله وكفى

راح تشفى بأذن الله بس قوي من عزيمتك وحاول تشوف دكتور شاطر يشخص مرضك بشكل صحيح ويعطيك الدواء المناسب

الله يوفقك اخوي ولا تزعل مني

المشاركة الأصلية كتبت بواسطة الحزين

ولبترين مضاد اكتئاب ، ياليت تسئلين الدكتورة عن الاشخاص الي قالت لك وش كان مرضهم

اخوي الحزين انا رجال الله يحفظك مو بنت

اخوي انا اتعاطف معاك كثير واذا صار لك سنين طويله تتعالج وماجابت معاك النتيجه الي تتمناها مو معاناتها انك ماراح تشفى لا لا

خذ هاذي التجربتين وقسم بالله اني اعرف اصحابها شخصيآ وهم الي قالو لي تجاربهم بانفسهم والبارح في الليل والله كنت مع واحد منهم

الاول كان يعاني من اكتئاب شديد مره من سنة 97 تقريبآ وماخلا دواء ماجربه يتحسن لكن بشكل بسيط جدآ وكان يأس انه يشفى في سنة 200521l;wqa' قال له واحد في دكتور عراقي ممتاز في مستوصف اسكان الدمام. يقول خوينا قلت له الحين انا ماخليت دكتور مشهور ولا مستشفى مشهور الا جيته وماشفيت وتبيني اشفاء ع يد دكتور عراقي في مستوصف صغير. قال له ياخي جرب منت خسران شي.

يقول جلست في الليل افكر واتخذت قرار بكره اروح له. وفعلآ يقول رحت له دخلت عليه و شرحت له حالتي كلها قال له الدكتور طيب انا ماراح اصرف لك علاج الحين لكن انتظر مني اتصال ع جوالك.

يقول الرجال وفي يوم من الايام الساعه 12 بالليل دق جوالي طلع الدكتور العراقي قال لي اروح الحين للصيدليه وتاخذ علاج كذا وكذا. وتبدا فيه من بكره وبعد ثلاث اسابيع تراجعني في العياده. يقول قلت له ابشر. ورحت للصيدليه وصرفت العلاج ومن بكره بديت فيه

يقول والله اني من اول اسبوع وانا متحسن بشكل كبير ررررر مررره بشكل ماكنت اتخيله وما مرت ثلاث اسابيع الا وانا في احسن حال ومريت ع الدكتور وقلت له هللعلاج ناسبني كثير احس اني تغيرت كثير وبديت اشوف الحياه بنظره جديده كلها تفائل وامل بالشفاء

قال له الدكتور ابيك تواصل ع نفس الجرعه وتجيني بعد شهر من الان يقول وبعد شهر الا انا طيب مررررره وراجعت الدكتور وقلت له يادكتور انا بخير وعافيه واحس اني مبسوط مره قال هذا من فضل الله عليك واصل ع العلاج وتجيني بعد شهر يقول لحد ماتمت 6 شهور وبعدها حسبت اني انسان جديد انسان توه مولود حسيت اني توني اشوف الدنيا واعرف لذتها وطعمها وحلاوتها. قال له الدكتور لازم تستمر سنه ع العلاج كا كورس وقائي يقول وافقت ع طول بدون تردد طبعآ لما كان يقول لي قصته كان له 8 مشهور وقسم بالله يا اخوان ان اخباره منقطعه عني من 5 سنوات تقريبآ بسبب اني تركت الجبيل والحين في ديره ثانيه

الشخص الثاني والله اني البارح كنت معاه

طبعآ هذا مرضه هلع شديد جدآ جدآ جدآ
5 سنوات وهو يعاني من الهلع والله انه يجيه الهلع وهو ع العلاج مواصل ل حد ما يأس من حاله

وفي ليلية رمضان الي راح جاته حاله يقول امشي واصدم الناس ما ادري عن نفسي. طبعآ يصطدمهم بجسمه مو سياره ههههه

المهم راح للدكتوره مها الباشا في المانع الدمام

وصرفت له علاج مكون من 3 ادويه وخلال 3 شهور بس ماشاء الله تبارك الرحمن يقول طلقت شي اسمه هلع ماعاد اعرفه

الله يتمم عليهم بالصحه والعافيه ويشفينا جميعآ

لا تيأس اخوي الحزين راح تلقى علاجك بأذن الله

المشاركة الأصلية كتبت بواسطة محتري الفرحه

اخوي منتضر الفرحه بقولك شي بس لا تزعل

بصراحه انا اشوف مشكلتك في شخصيتك احس انك ضعيف مره

لا تضعف وانا اخوك خلك قوي واعرف ان الله معاك وفي يوم من الايام راح يشفيك

لا تنظر ل غيرك ولا تقول انا اقل منهم بالعكس الله فضلك ع كثير من خلقه يكفي انك حر طليق يكفي انك تمشي ع رجولك وتاكل وتشرب

غيرك حتى الحمام الله يكرمكم مايقدر يروح له الا معاه احد

قل الحمد لله وكفى

راح تشفى بأذن الله بس قوي من عزيمتك وحاول تشوف دكتور شاطر يشخص مرضك بشكل صحيح ويعطيك الدواء المناسب

الله يوفقك اخوي ولا تزعل مني

اي انا ضعيف لان المرض هدني انا مو توني اعاني لي سنوات المرض لاهجم هجم

وياحبيبي الله مو معاي لو الله معاي ماصار وضعي كذا انا انسان ماعرف امثل هذا الي احس فيه اقوله ياخي ماعشت الحياه نفس الناس والله ماعشتها انا اشوف الناس واعرف كيف عايشين استغرب ليه مو مثلهم

عموما انا حالتي اكتئاب شديد جدا يعني تشوفني من قوه الاكتئاب اسفل بنفسي واسبها واخليها ماتسوى شي

انا بحياتي ماتوقعت بوصل لهالمرحله من الفشل والحزن والضعف وووو

ترا الوضع ماساوي ياخوي وللحين مالقيت العلاج الي يرجعلي الحياه الي فقدتها

ياليت تقولي كم اسعار الادويه الي صرفتها لك الدكتوره واتمنى انها تفيدك يامحتري واكتب لنا كل تطوراتك مع الدوا

استغفر الله العلي العضيم من كل ذنب عضيم ارجو السعاده للجميع يا رب العالمين
اللهم اشفي كل مسلم مرضان

الله يكتب لك الشفاء يارب وان شاء الله تبشرنا

المشاركة الأصلية كتبت بواسطة منتضر الفرحه

اي انا ضعيف لان المرض هدني انا مو توني اعاني لي سنوات المرض لاهجم هجم

وياحبيبي الله مو معاي لو الله معاي ماصار وضعي كذا انا انسان ماعرف امثل هذا الي احس فيه اقوله ياخي ماعشت الحياه نفس الناس والله ماعشتها انا اشوف الناس واعرف كيف عايشين استغرب ليه مو مثلهم

عموما انا حالتي اكتئاب شديد جدا يعني تشوفني من قوه الاكتئاب اسفل بنفسي واسبها واخليها ماتسوى شي

انا بحياتي ماتوقعت بوصل لهالمرحله من الفشل والحزن والضعف وووو

ترا الوضع ماساوي ياخوي وللحين مالقيت العلاج الي يرجعلي الحياه الي فقدتها

ياليت تقولي كم اسعار الادويه الي صرفتها لك الدكتوره واتمنى انها تفيدك يامحتري واكتب لنا كل تطوراتك مع الدوا

حاس فيك والله حاس فيك

كلنا ذقنا الامرين من الاكتئاب لكن وش نسووي مالنا الا الصبر والأمل بالله انه يشفينا
الصبر مفتاح الفرج

ان مع العسر يسرا

لامكتال 45
ويلبتيرين 75 ريال

اخواني المفروض ابدا بالدواء لا مابديت لاني خايف منه

انا شريت امس حيشية القلب و مود ايد من شركة ارمال

وش رايكم اجربها ؟

كيف طريقة استخدامها ؟

الولبوترين أكثر نجاحا لحالات الاكتئاب من حشيشة القلب..خذ الولبوترين و لا تخاف و توكل على الله..
حبيت اضيف..
ولبوترين 300 136 او 137 ريال
لامكتال 100 شيء في السبعينات ..قد تجد اللامكتال في المستشفيات الحكومية كالصحة النفسية..لست واثقا من الولبوترين لكن اظن انه غير متوفر في تلك المستشفيات حتى الان..

المشاركة الأصلية كتبت بواسطة محتري الفرحه

اخواني المفروض ابدا بالدواء لا مابديت لاني خايف منه

انت اظن لو ما مشى اول دواء تستخدمه ما بتشوف الطبيب النفسي مره ثانيه!
ياخي لاتخاف خلك ثقيل وانا اخوك،، ناس تستخدم مخدرات علشان ترتاح وانت خايف من ادوية يستخدمها ملاييين الناس يوميا،
انا جربت 6 ادوية وامس بديت ف السابع، واليوم حاس بإحساس جميل ومتفائل وأملي بالله،
شكلك تحب تتدلع :)
الله يشافيك،،

المشاركة الأصلية كتبت بواسطة اوروهارا كيسك

الولبوترين أكثر نجاحا لحالات الاكتئاب من حشيشة القلب..خذ الولبوترين و لا تخاف و توكل على الله..
حبيت اضيف..
ولبوترين 300 136 او 137 ريال
لامكتال 100 شيء في السبعينات ..قد تجد اللامكتال في المستشفيات الحكومية كالصحة النفسية..لست واثقا من الولبوترين لكن اظن انه غير متوفر في تلك المستشفيات حتى الان..

والله من كثر ماقريت المواضيع الي تسب الادويه النفسيه خفت منها

انا حالتي مستقره وخايف الادويه النفسيه تدخلني في دوامه مقدر اطلع منها

لامكتال يقولون يسبب الوفاه احيانآ

وليبترين يجيب الصرع

وشلون ماخاف منهم


لامكتال قوة 25. ب 45 ريال