( جمال الروح ) الشعور بالذنب!!

( جمال الروح ) الشعور بالذنب!!

السلام عليكم
انا هحاول افضفض معاكم شويه وانتو كمان تفضفضو وتحكو عن حاجات بتحسو بالذنب بسببها يمكن تلاقو حل للمشكله .
انا حابه انى اعمل سلسله واسميها(جمال الروح)
علشان كل واحد يدور على الجمال دا جوا
ويحاول يكون انسان مثالى ويقول من انهاردا انا باذن الله هتغير.
عيزين نتغير بجد انا كنت دايما بقول انا لازم اتغير وبتغير بس كام يوم وبعدها برجع تانى
بس حاليا الحمد لله بجد حاسه بتغيرات كتير
راحه نفسيه جميله جدا صحيح بعد تعب كبير بس الراحه النفسيه دى بجد تستاهل .
انا مبدخلش الموقع من زمان بس قلت لازم ادخل واحاول اتكلم مع ناس بجد متضايقه وتعبانه من حياتها زى ما كنت انا واحاول اساعدهم ولو بنصيحه او غيرى يساعدهم المهم المشاكل تتحل
لعله يكون شيئ مرضى لله

اول حاجه حابه اتكلم عنها هى اصل كل المشاكل اللى بتحصل لكل انسان.
وهى البعد عن الله
لما تكون بعيد عن الله سبحانه وتعالى هيكون عندك الاعراض التاليه
1-الشعور الدائم بالكسل
2-ارق وخمول ومفيش اى شعور بالنشاط
3- هتكون دايما عاوز تنام دايما
4- دايما فى مشاكل
5- دايما مش راضى عن نفسك
وكل دا هيئدى لعدم الراحه النفسيه
انت ياللى مش بتصلى اكيد عارف نفسك اكيد عندك كل الاعراض دى ويمكن اكتر كمان
انت ياللى مش بتصلى انت متعرف ربنا خاالص
ايوا انا مش بكلمك انت بس انا كلمت نفسى انا كمان كده لانى فى يوم كنت كده فعلا اكتشفت انى مكنتش عارفه ربنا خالص مكنت عارفه قد ايه هو جميل وقد ايه القرب منه اجمل وكله راحه وسلام
والحياه قرب الله كده هتحسها جميله قوى
انا فى ايام كنت بتمنى انى اموت علشان اكون اقرب منه باذن الله علشان اشوفه
يااأه بجد حياتى اتغيرت
لو تعرف ربنا بجد هتفضل مستنى الصلاه بشوق علشان تنفرد بالله علشان تحس بجمال الروح فعلا
مش هتصلى علشان تأدى الفرض وخلاص
علشان كده بقولك جرب بنفسك كده وقوم اتوضى وصلى دلوقتى حالا من غير تفكير قبل الشيطان مايلعب فى عقلك
وشوف مكان يكون هادى كدة وانفرد بقى مع ربنا لوحدك غمض عينيك وحاول تفهم الكلام اللى بتقوله وعيش فى الخشوع متجرى وانت بتصلى هههههه محدش بيجرى وراك
ولما تخلص اقعد اتكلم مع ربنا مش لازم تكون حافظ ادعيه والكلام دا لا
اتكلم معاه من كل قلبك فضفض يعنى واشكيه وعيط اعمل كل حاجه نفسك فيها قوله كل حاجه مديقاك والله هترتاح
مفيش حاجه بتريح اكتر من الخلوه مع الله
بعد كده انت بنفسك هتحب الصلاه لما تفكر وتحاول تعرف عظمة جلاله الله اكتر وتعيش الخشوع والله هتحب الصلاه بس ابعد عن الشيطان شويه علشان مش ناقصين وسوسه وزن الكلام دا بيخرب بيوت
انا اسفه جدا انى طولت عليكم بس انا لسه عندى كلام كتير ومواضيع كتير
ياريت لو حبيتو موضوعى تردو عليا علشان اكمل سلسلة
(جمال الروح)
فى سلام الله ورحمته وبركاته

المصدر: نفساني