|
|
|
 |
|
 |
||||||||
|
||||||||||
 |
 |
 |
||||||||
| ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
 |
|
|
أدوات الموضوع |
12-04-2009, 10:56 AM
|
#1 | ||||
|
عضو نشط
|
رسالتي ..
بسم الله الرحمن الرحيم
السلام عليكم ورحمة الله وبركاته أما بعد .... إخواني أخواتي ... أسعد الله أوقاتكم بكل خير ... أكتب لكم لأنني أعلم أعلم أنكم أنتم من سيتفهم مشاكلي .. أولاً سأعرف بنفسي الإسم علي العمر 22 السكن الرياض عاطل حاليا وموظف في بنك العربي سابقاً توجهت للتجاره بعد ما تركت العمل في البنك ولكن إرادة الله كانت أقوى من كل شئ ما قدرت اواصل في عملي أو في تجارتي وذلك بسبب نوبات الهلع اللي لازمتني خلال الفتره الماضيه بدأت قصتي من خمسه أو ستة شهور كنت طالع مع بعض الأصدقاء وكانت الساعه وحده بالليل تقريباً حسيت بأول نوبه في حياتي ولو قيمتها من عشره بعطيها 7 وقبل حدوث أول نوبه كان هناك أعراض سبقتها بمدة حسيت وقتها أنه لا معنى للحياة وانه في يوم من الايام ستكون نهايتي وقريب بدأ الخوف ولكن ماعطيت الموضوع أهمية مرت أسبوعين على بداية هالأعراض ولكن ما تخيلت أنه في يوم من الأيام سيهاجمني هذا المرض مثل ما قلت لكم كنت طالع انا وبعض الأصدقاء وفجأه ودون سابق إنذار أحسست بالنوبه لأول مره ما قدرت أتمالك نفسي وصرخت في صديقي وهو اللي كان يسوق السياره وقلت له وقف هنا ما أبي أموت بينكم وفعلا وقف ومشيت على رجلي وأنفاسي في صعود ونزول وجلست أتشهد وأتذكر أيامي اللي مضيتها في الحياه وأتذكر مواقفي مع ناس أحبهم و وش راح تكون ردة فعلهم لو سمعوا مثل هذا الخبر أستمريت على هالحال لمدة تزيد عن النصف ساعه أخذني أصدقائي و ودوني للمستشفى والدكتور يشخصني ووضع جهاز قياس الضغط وتحلليل للقلب وقياس التنفس ولكن ولله الحمد لم يظهر شئ وقال لي الدكتور أنت تفكر كثير .. أبعد عن التفكير وارتاح ونام طبعا انا اقول بيني وبين نفسي ... كيف أنام وأنا ما أحس بالراحه شعور غريب عجيب أول مره أحس فيه طبعا أعتقد انه شعور مو جديد على البعض ويمكن يكون البعض أشد مني مر يوم ويومين وثلاثه وأنا أعاني من ضيق التنفس لكن الحمدلله ما جاتني النوبه ومرت فتره بسيطه يمكن أسبوع أو عشره ايام وجاتني النوبه مره ثانيه وهذي بالذات لو قيمتها من عشره بعطيها 100 من عشره كانت أشد وأقوى نوبه مرت علي وأستمرت لمدة ساعتين او اكثر شوي والحمدلله تجاوزتها على خير وانقطعت عن فتره حتى اني قلت الحمدلله اللي شفاني منها وبعدين رجعت لي مره ثانيه ولكن هالمره كانت أعراضها أقوى كنت أحس بتنميل في كل جسمي لدرجة انه حتى لساني احسه ثقيل ومنمل والحمدلله على كل حال استمريت على هالحال لمدة ثلاثة أيام وبدأت تخف تدريجي قلت أكيد هذا هو الهدوء اللي يسبق العاصفه الله يستر ومع مرور الايام بديت انسى تدريجي وكل يوم اقول الحمدلله على كل حال إلى ان انقطعت عني تماما وبديت أحس ببعض الراحه يشوبها شوي من الذكرياات اللي مرت علي ومن الحاله اللي انا عانيت منها الكلام اللي فات هذا في غضون 3 شهور حصل معاي من بداية النوبه وحتى نهاية الشهر الثالث وفجأه رجعت لي مره وحده ووقتها قررت أني اروح للمدينه ومكه وأطلب من الله انه يشفيني وبديت في تصفية جميع حساباتي مع جميع الناس ابتعدت عن الاغاني ولله الحمد رحلتي الاولى كانت للمدينه والله يا جماعة الخير اني حسيت فيها براحة نفسيه غريبه عجيبه اتميت زيارتي لمسجد الرسول ودعيت الله من قلب صادق انه يمن علي بالشفاء العاجل وبعدها توجهت لمكه وأخذت عمره ودعيت الله من كل قلبي ان الله يشفيني ويشفي جميع المسلمين من هالمرض ومن كل الامراض وأتميت عمرتي ولله الحمد ورجعت للرياض بديت أحس بالراحه تدريجياً لين انقطعت عني مره وحده الآن مر 4 شهور من بداية اول نوبه وفجأه حسيت فيها تدريجيا تتمكن مني كنت اشوف الناس يضحكون وأحسدهم والله العظيم أحسدهم الله يمتعهم بالصحه والعافيه ورب البيت حالتي ما تمنيتها لعدوي وتوقعت اني الوحيد اللي يخوض هالتجربه الفتره اللي فاتت ما كان فيه أي شخص يدري عن الموضوع ولا يدري عن المعاناه والاحساس اللي كنت احس فيه ولاحظ علي الوالد هالتغير وسألني وقتها قررت إني أتكلم معاه وبصراحه وفعلا حكيت له عن كل اللي فيني وتفاجأت فيه يضحك قال والله العظيم يا ولدي ان كل هاللي تمر فيه مريت فيه وانا بسنك وقتها طمني بكلامه وفعلا تحمست وقلت الحمدلله اني مو لحالي اللي احس بهالشئ وقالي هذي فتره وتعدي ان شاء الله واقنعني بكلامه وفعلا حسيت بالراحه بعد الكلام اللي سمعته منه وبديت احاول اني انسجم مع الموضوع تدريجي وفعلا انسمجت معاه لكن فجأه القشه اللي قسمت ظهر البعير رجعت لي مره ثانيه لكن هالمره غير صرت اخاف ادخل المسجد وصرت اخاف اطلع من البيت لدرجة اني صار لي اسبوعين ما طلعت من البيت صحيح اني مرتاح بالبيت لكن اللي اخاف منه اني آخذ على هالراحه وما عاد اقدر اطلع من البيت والله يا جماعة الخير ما اقدر اصلي بالمسجد اخاف تهاجمني وانا بالمسجد وصرت ما اقدر اطلع بالسياره لحالي لازم يكون معاي شخص طبعا انا ما خليت مستشفى الا ورحت له وعملت فيه فحوصات وتحاليل والحمدلله كل النتائج ايجابيه وتبشر بالخير لكن إلى الآن ما راجعت أي دكتور نفسي أولا أنا شخص ما أحب الأدويه ومستحيل اني اكلها وأبي اعرف اذا كان اني اقدر اتعالج بدون ما اتعاطى ادويه وهل تنصحوني اني اراجع دكتور نفسي ومن احسن دكتور نفسي طبعا بعد الدكتور الحبيب لأني سمعت ان مواعيده بالشهور واتمنى من الاشخاص المختصين بمثل هالأمور ينصحوني ويعطوني مرئياتهم حول الموضوع ويقولون لي وش اسوي ..؟؟ وهل نوبات الهلع هي نفسها القلق النفسي ..؟ اتمنى النظر في الموضوع بشكل جدي تحيتي للجميع .... المصدر: نفساني
|
||||
|
|
12-04-2009, 11:57 AM
|
#2 | |
|
عضو نشط
|
بسم اللى الرحمن الرحيم ...
السلام عليكم ... أخي الحبيب بالبدايه أهنيك .. فإنك لجأت إلى الله و هذا دليل على صريح إيمانك بالله. و الله أعلم أنت لست محتاج لطبيب بإذن الله ... تحتاج الى أن تقسوا على نفسك (قليلا) و تداوم على الفرائض بالمسجد ... وقراءة القرآن ... و أذكار الصباح والمساء.. وفعل الخيرات . و الأهم ثم الأهم أنت تتحلى بالصبر ... و لا تستعجل !! لا تستعجل!! لا تستعجل !! و أعلم أخي الحبيب .. اذا صعبتها على نفسك راح تصعب معاك .. دع إيمانك بالله و أعمالك الطيبه هي سلاحك ضد أي فكره شيطانيه دخيله . إقنع نفسك .. إقنع نفسك .. اقنع نفسك... "إن هذا شيطان يريد أن يفسد عليك حياتك" .. و أكبر دليل على هذا خوفك من الخروج من البيت و دخولك المسجد.. نكتفي بهاذين الدليلين. عانده لا تطيعه إفعل عكس ما يأمرك "خله يتحسف ليش وسوس لك" استغفرالله و أتوب اليه وسلامتك. |
|
|
|
|
12-04-2009, 12:25 PM
|
#3 | |
|
عضو نشط
|
اخي بوننوس
أشكر لك هذه الاطلاله الرائعه وتعليقك على موضوعي المشكله يا اخي العزيز اني حاولت اكثر من مره طلعت من البيت لكن رحلتي للعالم خارج حدود البيت ما استمرت لمدة 15 دقيقه ورجعت للبيت مسرعا وكررتها مره ثانيه لكن هالمره 30 دقيقه ولكن جاتني النوبه وانا خارج البيت للمره الثالثه ومن وقتها ما طلعت من البيت إلى الحين لكن الآن اللي ابي اسأل عنه مثل هالحالات ممكن تستمر مع الشخص لفتره معينه او تتفاوت من شخص لآخر واذا كان انت مريت بهالحاله اتمنى تكتب لي عن تجربتك وهل شفيت من هالحالات او لا امنياتي للجميع بالشفاء العاجل ــــــــــــــــــــــــــــــــــــــــــــــــــ ملاحظه أتمنى من كل شخص يعلق على موضوعي يعلمني كيف كانت تجربته مع المرض وهل يعاني منها إلى الآن ... تحيتي للجميع |
|
|
|
|
12-04-2009, 12:44 PM
|
#5 | |
|
عضو نشط
|
دوام النوبات تتفاوت من شخص إلى آخر ..
فمنهم من تستمر معهم النوبه سنين و منهم أشهر و منهم أسابيع ... و منهم من يتعالج و يتماثل بالشفاء ثم ينتكس و تأتيه النوبه مضاعفه ... أسأل الله السلامه والعافيه .. الحل مو بالأطلاع على قصص الغير .. ممكن تقرأ بقصتي شيء جديد ثم تتأثر به و تضيف على أفكارك الوسواسيه فكره جديده . هذي قصتي http://www.nafsany.cc/vb/showthread.php?t=49755 توكل على الله الله يفرجها عليك. |
|
|
|
|
12-04-2009, 02:56 PM
|
#6 | |
|
عضو نشط
|
أشكرك أخوي بوننوس
سؤالي لك هل تعاني من النوبات إلى الآن وإن كنت تعاني منها هل تحس بتقلصات في عضلات جسمك في أماكن متفرقه وهل تفقد الشعور أحياناً بأقدامك وتحس بثقل في لسانك ولا تستطيع التحدث إلا بصعوبه أرجو منك التواصل معي على الإيميل انا في حاجه الى التواصل مع بعض المرضى ممن يعانون من نفس حالتي تحيتي لكم .. |
|
|
التعديل الأخير تم بواسطة أمورة نفساني ; 12-04-2009 الساعة 03:10 PM
سبب آخر: ممنوع وضع الأيملات
|
|
12-04-2009, 04:38 PM
|
#8 | |
|
عضـو مُـبـدع
|
اخي الكريم
انا مرت علي نفس حالتك تقريبا امامك خياران اما ان تخضع نفسك لعلاج سلوكي مكثف مع اخصائي نفسي وهو حل يحتاج الى صبر وتحمل وتدرب على المواجهة او انك تذهب لطبيب نفسي ليصرف لك دواء اغلب ظني هو سيروكسات بعد شهر من تناول الدواء ستشعر بالتحسن السريع وهو حل سريع لكن لابد ان تستمر بالدواء اقل شيء ستة اشهر وانصحك بان تجرب الطريقتين الدواء مع العلاج السلوكي الخوف الذي عانيت انت منه عانيت انا منه خاصة السيارة والمسجد وكنت كلما جتني النوبة اكلف اخي بالذهاب بي للمستشفى ليقومون بعمل تخطيط للقلب ثم في النهاية يقولون سليم اذكر انني اجريت 20 تخطيط للقلب وفحوصات كثيرة الحمد لله اموري الان طيبة وتركت الدواء وتوقفت عن العلاج السلوكي لكن اقتنعت قناعة كاملة لو جتني النوبة بالسيارة اركن السيارة جانبا واسترخي اغمض عيوني واقوم بعملية شهيق عميق وزفير واتجاهل الازمة تماما سوف تياس منك النوبة وستنتهي بسرعة ولن تعود وكلما واجهت النوبة بقوة وشدة وصمود كلما ضعفت في المرات السابقة وتلاشت نهائيا واذا واجهتها بخوف وهلع وتوتر سوف تزيد عليك في المرات القادمة عموما الحمد لله كل حال طالما انت انسان مستقيم ومحافظ على صلاتك وصحتك جيدة وسليمة فانت بنعمة كبيرة غيرك يعاني الامراض الحقيقية من سكر وضغط وروماتيزم وقلب وحساسية الخ ...... بينما انت ماتعانيه من مجرد توهم امراض اتمتنى لك الصحة والعافية |
|
|
|
|
12-04-2009, 07:06 PM
|
#9 | ||
|
الزوار
|
اقتباس:
او طلب ايميل من تريد من المشرف العام .! |
||
|
|
|
17-04-2009, 10:08 AM
|
#11 | ||
|
الزوار
|
اقتباس:
بامكانك طلبه من االاستااذ الحوراني من خلال ايقونة اتصل بنا .! |
||
|
|
|
17-04-2009, 01:13 PM
|
#12 | |
|
عضو نشط
|
سالفه السيارات ما تصير معي الا اذا كنت مع احد غير ابوي
مثلا مره كنت في باص المدرسه والطريق من بيتنا للمدرسه حوالي ربع ساعه او اكثر ،، طول ما انا في الباص ما قدرت اجلس نفس الناس والعالم كل شوي اقوم واقعد ،، افتح زرارات القميص ،، احس بحر وخنقه والمكيف فوق راسي !! مو قادره اتنفس ،، فسخت الجاكيت وبعد ما اقدر اتنفس ،، قمت وقعدت وقمت وقعدت ــ اللي بجنبي يتهامسون وهذا وترني اكثر ، كان ودي اصارخ ولا اوقف الباص بس كنت اذكر نفسي اني بعيده من البيت ولو زلت وين بروح وانه شو بيقولون عني الناس والمعلمات وراعي الباص هذولا مجتمعي وكل يوم معاي ،، كيف بينظرون لي بعدين ؟؟ كل هذا تم في العشر دقايق الاولى من ركوبي للباص ،، يوم قربنا لمكان قريب من بيتي قلت لثنتين من البنات انا مو قادره اتنفس اطلعو وياي ، والحمدلله طلعو وياي وصلوني للبيت مشي!! غير كذا كل يوم صباح اقوم خايفه وما ابغى اطلع من البيت بس غصب عشان المدرسه كل شوي اذكر نفسي انها اخر سنه وافتك بس الله يعين اهنئك على على تصرفك اللي يدل على شخصك المؤمن ،، وان شاء الله ربي يوفق الجميع |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
