الى كل من اجرى عملية التدبيس للعصب السمبثاوي

اهلا اخوي مستر احمرار

مستشفى سعد بالخبر سويتها عند دكتور جراحه عامه ومناظير

اذا انت من الرياض عرفت من خلال بحثي عن دكتور شاطر اسمه ماجد المورقي في مستشفى الحبيب الموجود في الريان بس ظروفي ماسمحت اروحله

انا من سويتها وانا الحمدلله مرتاحه واقوم من النوم وانا احس اني بحلم ما اصدق اني سويت العمليه واحس اني صرت واثقه بنفسي اكثر والخوف والحمره والاضطراب من اي شي راح باذن الله بس الى اللحين خايفه من المستقبل وش راح يكون تاثير العمليه بعد كم شهر ومثل ماقلتلك مابعد جربت اثر العمليه علي بشكل اكبر لاني ماطلعت وشفت الناس

طيب ياقويه اول مشكورة

ثاني شي كم تكلف العملية عند ماجد المورقي اللي في الرياض وكم تكلف عند الدكتور اللي سويتي عنده في الخبر

وياليت تعطيني اسم الدكتور اللي سويتي عنده العملية

وهل سوا لك العملية تدبيس العصب ولا قطع العصب

وهل تنصحيني اروح عند الدكتور حسام المشهور اللي في مصر ولا اجازف واروح للخبر او الرياض بحكم انهااقرب ابغى نصيحت اخت لأخوها

وشكرا لتفاعلك معي

في انتظار ملك الرهاب يرد على استفساراتي

وشكرا

كلفت 15 الف ريال واتوقع في كل المستشفيات بهذا السعر

انا اشوف هنا احسن من تجهيزات المستشفى وانك تكون بين اهلك ولا تروح وتسافر وانت خايف ويمكن ينصب عليك ودكاترتنا فيها الخير والبركه

قبل كم سنه ماكان معروف التدبيس بس القطع اللحين صار معروف واتوقع شهرة الدكتور حسام من الموقع اللي الله يجزاه خير عرفنا بهذا المرض واستفدنا منه الله يجعله بميزان حسناته

الدكتور اللي سوا لي العمليه اسمه خالد بخش بس ترا انا اول حاله يسوي لها تدبيس حمره بدون تعرق يقول جتني حاله قبلك حمره وتعرق بس حمره فقط ماسويت

مستر : ياخوي المؤخرة لاتعرق بعد التدبيس اشفيك شايل هم المؤخرة . وبعدين مسلم وافتخر انا قبل لاسوي العملية كنت استخدم انردال ومافاد معي ابدا . وبعدين انا قعدت ثلاث ايام من بعد العملية .

اما قصة انها تؤثر على القلب في المستقبل وحتى وان صرت شايب. هذا السؤال لازم تساله حق الدكتور .

مشكورة يا اخت قويه بس عندي استفسار صغير

هل صدق اختفى الاحمرار ولا كلام فاضي يعني هل احمر وجهك بعد العملية ولا لا تكفين تجاوبين بكل امانه

وهل تنصحيني اسويها عند مستشفى سعد ولا الحبيب في الرياض

والله مرررررررررررررره متردد لاني ابغى دكتور خبرة زي الدكور حسام ماابغى دكتور ماقد سوىالعملية الا مره وحده بس اخاف يلعب فيني والله مرررررررره محتار تكفين نصيحتك يااخت قويه

وبغيت اسئلك ك يوم قعدتي في المستشفى بعد العملية

وكيف العرق التعويضي معاك هل هو غزير ولا خفيف ومتى يطلع كل وقت ولا متى

وهل سوى لكي الدكتور العملية في الناحيتين اليسرى واليمنى ولا بس ناحية وحدة
وشكرا مقدما

اخوي مستر احمرار

وين ساكن باي منطقه بالسعوديه..احتمال فيه دكاتره كويسين وخبره في نفس منطقتك..ابحث وكلم المستشفيات واسأل ترا انا جلست شهر من اقوم من النوم الى الظهر وانا ادور على دكتور يسويها وطبعا اللي بالاستقبال عادي يفتون ويقولون مانسوي هالعمليه مثل ماصارلي في مستشفى سعد لين عصبت عليهم وقلت بكلم الدكتور شخصيا

بالنسبه للتدبيس دبسلي الجهتين العقده الثانيه والثالثه يعني اللحين انا فيني ثمان تدبيسات كل عقده فيها دبوسين جلست يوم في المستشفى وطلعت وانا تعبانه شوووي

اما بالنسبه للاحمرار الى اللحين ماصار بس راح اوافيكم بكل جديد اذا شفت الناس واجتمعت معهم ....والعرق التعويضي يجيني وقت الحر يعني لما اعرق احس ظهري شوي فيه رطوبه واقدامي مرطبه بس ترا يختلف العرق التعويضي من شخص لشخص

اخوي انا اشوف انك مقدم على عمليه ما اقول انها هينه ..ونتائجها مومضمونه ميه بالميه واعراضها الجانبيه تختلف من شخص لاخر....اعتبرها عمليه غامضه نصيحتي لك انك تستخير ربك ...مو مره ولا مرتين ولا ثلاث وادعي بكل وقت ان الله يكتبلك اللي فيه الخير وان انكانها خيره لك ربي بيسهلها لك ويريح بالك ...الله يشفيك يارب ويعافيك فيما ابتلاك ويشفيني ويشفي جميع المسلمين امين يارب

مشكورة

لو فيه في مكة ياليت والله او حتى جدة عادي قريبة مني مره

وحبيت اسئلك مين الخبرة الاكثر الدتور اللي سويتي عنده العملية ولا الدكتور ماجد المورقي اللي في مستشفى الحبيب بالرياض

اخ ملك الرهاب :
قرأت في احد المواضيع بان السيروكسات مفيدة لمنع الاحمرار والتعرق فشو معلوماتك عنها ؟؟

اتوقع خبرة المورقي اكثر

الحمدلله انت عند جده وميه بالميه بتلقى في جده انت بس ابحث وكلم المستشفيات اتوقع في السعودي الالماني وجده مليانه مستشفيات كبيره ابحث فيها والله يكتب لك اللي فيه الخير

طيب لو مثلا رحت مستشفى السعودي الالماني اذا دخلت عندهم ايش اقول واللهد مدري وش اقول يعني اقول لحقين الاستقبال ابغى عملية تدبيس العصب ولا ايش اقول

واللهد = والله

مسلم وافتخر : انا جربت الاندرال ... بس ماجاب نتيجة معاي . وبعدها فعلا قررت اني اجري العملية .

اخوي مستر احمرار

كلمهم قبل واسأل عن العمليه يسوها ولا لا

اول شي خلهم يحولونك على قسم الجراحه العامه وبعدين اسألهم تسون عملية تدبيس العصب السمبثاوي للتعرق وحمرة الوجه