تجمع لتتبع نتائج عملية تدبيس عصب السمبثاوي

لا تنسى ذكر الله انا ما اتلعثم انا يحمر وجهي فقط وابي اسوي العمليه لـ الاحمرار فقط ومستعد اتحمل الجفاف لان الاحمرار صعب تحمله

مرحبا

اخوي ستروتمان اش صار معاك ؟

كلمت الدكتور ؟ وشنو قررت ؟

انا ولادتي قربت وخايفه من استقبال الناس والزيارات

مرعوبه من الناس اكثر من ألم الولاده

يارب ترحمنا برحمتك الواسعه

:(

اختي همي رضى زوجي .. الله يسهل عليك ولادتك يارب وتقومين بالسلامه
انا والله مثل حالتك ، ادرس بالجامعه وكل يوم اصير خايفه ومرعوبه
مع اني بديت اتأقلم مع الاحمرار واقول عادي واذا حمر وجهي
احاول بقدر الامكان اخلي الموضوع طبيعي الين القى حل له :"(

المشاركة الأصلية كتبت بواسطة ذات الهاء

اختي همي رضى زوجي .. الله يسهل عليك ولادتك يارب وتقومين بالسلامه
انا والله مثل حالتك ، ادرس بالجامعه وكل يوم اصير خايفه ومرعوبه
مع اني بديت اتأقلم مع الاحمرار واقول عادي واذا حمر وجهي
احاول بقدر الامكان اخلي الموضوع طبيعي الين القى حل له :"(

هلا اختي ذات الهاء شخبارج ؟

مممممممم

تدرين من كثر الاحباط اش سويت ؟

اخذت ماء ورد وقريت فيه الرقيه الشرعيه وكثرت من سورة الناس

حطيت الماء في بخاخ صغير وخليته بالثلاجه

وقريت عليه هذه الايه : (قلنا يانار كوني بردا وسلاما على ابراهيم ) 7 مرات

من يومين قعدت افكر مع نفسي بما ان الاحمرار ناتج عن عين قويه ، ليش ما ارقي نفسي بنفسي؟

اولا: ماء الورد تكرهه الشياطين وخصوصا الماء البارد .

ثانيا: كل ماحسيت بحراره في وجهي ابدا باسم الله و أرش على وجهي .

ثالثا :الايه اللي قريتها 7 مرات قريتها لاني احس بحراره في وجهي .

رابعا: سوره الناس تبعد عني الوسواس لاني دايما اوسوس ان وجهي بيحمر !

تقريبا من 6 الى 8 مرات ارش على وجهي باليوم

بصراحه حسيت بتحسن بسيط وملحوظ وثقه اكبر ..

بحاول استمر على هالطريقه لين ماربي يفرجها علي

وراح اكتب لك النتايج اول باول :)

دعواتك لي ..

والله يا اختي انا رجال على وشك زواج وخايف من احمرار وجهي حيل انا اجتماعي بس الاحمرار يحطني في مواقف جداً بايخه ومع هذا ما اقطع عن الناس ،، دقيت على المستشفى قالو اذا تبي تكلم الدكتور دق يوم الاثنين وطاف الاثنين نسيت ادق انا والله ودي اسوي العمليه اليوم قبل باجر ابي اعيش حياتي ،، بعرف اذا رحت اسوي العمليه علطول ولا في اجرائات قبلها مو قادر انطر الاثنين عشان اسأله !

اي اخوي اكيد فيه اجراءات

انا اخذت موعد عن طريق السكرتيره ورحت له وحدد لي العمليه بعد اسبوعين

بس استشاري التخدير رفض لاني حامل وتأجلت العمليه الى بعد الاربعين

لاتتكيسل طمنا عليك اول بأول

بحاول الشهر هذا اروحله واذا في شي جديد راح ابلغكم

انا حجزت موعد عند الدكتور سامي النصار سبعه اكتوبر وعلى ما اخذ موعد العمليه راح تطول السالفه

مصر راح اقدر اسويها بسرعه

شرايج في مصر الدكتور حسام

او اي احد موجود يشاركنا
الدكتور حسام او سامي النصار وين اسويها والله احترت !!!!

مرحبا يا ستروتمان..

الله يشفينا ويشفيك ويشفي جميع مرضى المسلمين

أنا مثلك عندي موعد مع الدكتور سامي النصار بتاريخ 7 أكتوبر.. وما أدري متى راح يحدد العملية.. ودي فيها بأقرب وقت ممكن

فيه موضوع كتبته قبل فترة جمعت فيه آراء الأعضاء حول عملية التدبيس على هالرابط

http://www.nafsany.cc/vb/showthread.php?t=89266

فيه أشخاص يمدحون الدكتور حسام وفيه أشخاص ضده وبنفس الوقت بعضهم يمدح الدكتور سامي النصار.. يعني كل شخص وحسب نتيجة عمليته
بالنسبة لي مصر الأن وضعها صعب ما بين ثورات ومظاهرات يعني مخاطرة لو أروح.. عشان كذا قررت أسوي العملية عند الدكتور سامي..

والله يكتب لنا جميعا الله فيه الخير

نفسيتي زفت والله تعبت من الاحمرار حياتي لاتطاق اليوم بالذات انحرجت بالجامعه كثيييير لدرجه ان صديقتي سألتني ليش وجهك احمر :"( والله غصب عني يحمر مو بكيفي رجعت البيت وجلسست اصيييح بقهر من الحاله اللي انا فيها
ابي اعيششش حياتي طبيعي ، كل شي سويته بس مافي فايده

ذات الهاء انا الشهر هذا راح اسوي العمليه في مصر بإذن الله وراح اوافيج بالنتائج ان شاءالله

الله يسهل عليك وتقوم بالسلامه يارب ..
بأنتظارك .

اليوم سألت الدكتور هاتي العبدلي فالتويتر عن اعراض عملية تدبيس العصب السمبثاوي ومنها سواد الوجه وجفافه فقال انه لم يسمع بهذه الاعراض ولكن ممكن انها تعود حمرة الوجه مرة أخرى :"(

عذرًا هاني **

أنا سويت العمليه مع الدكتور سامي النصار قبل 10 شهور تقريبا في مستشفى الملك خالد الجامعي, بعد اول زياره استشاريه رحتها له في مستشفى الحبيب التخصصي.

وضعي قبل العمليه: كنت اعمل بمكتب مع ثلاثة اشخاص, وكان عندي عرق شديد في رأسي بحيث من كثرته تطلع في شعري ريحه مزعجه وملحوظه. ايضا عرق الأبط كان غزير, و يكون ريحة مزعجه ومكانه في ملابسي الداخليه صفراء. يوم رحت له كنت كارهه وضعي وبغيت العمليه بأسرع وقت. سويتها بعد الموعد بأسبوع.

بعد العمليه الى ثلاث شهور: كان في الوجه واليد جفاف ملحوظ. احمرار الوجه ونبظ القلب السريع اختفى. الرهاب مازال موجود ولكن اعراضه من حيث التعرق, الاحمرار ودقات القلب السريعه اختفت. بعد العمليه بشهر سويت شاركت في محاضره وبدعت افضل من الموظفين الآخرين من حيث الثقه والراحه اثناء التقديم. كان شعور لا يوصف.

بخصوص جفاف اليد كنت اعاني ببعض المشكال كمثلاً لمّا احاول افتح الاكيس بالبقاله او مطعم عشان احط اغراضي اواجه صعوبه لأن يدي جافه وماتمسك بالكيس. كانت الناس تناظرني ولكني كنت مبسوط وابتسم لأني ماكنت اعرق مثل قبل.

طبعاً الخوف مازال موجود وصار الخوف يظهر بأعراض اخرى كمثل الخوف للنظر بعين الناس. قبل كنت مااكلم الناس لأني خايف اتعرق واتفشل قدامهم. بعد العمليه كنت اكلم الناس بدون مشاكل لكني اخاف اناظر فيهم

بعد العمليه بأربعة اشهر تقريباً: الخوف ظهر بأعراض اخرى غير التعرق والاحمرار, وهي اهتزاز الصوت. صرت دايم اتكلم كأني خايف, وبعض الاوقات اتكلم وصوتي يتغير لدرجه انه يتغير تماماً ما كأنه صوتي. الآن صارت عندي مشكلتين الي هم التهرب من النظر في عين الناس واهتزاز الصوت. صرت اخاف اتكلم مع اي حد لأكثر من نص دقيقه لأنه تواصل النظر راح يختل والخوف يكون واضح من الصوت.

مشكلة الصوت كانت محرجه بقدر ماكان التعرق محرج.

بعد فتره رجعت استخدم انديرال, في الأيام الي اسويها فيها محاظره, عشان اخفي مشكلة الصوت وكان فعال.

في الثلاث الاسابيع الاخيره لاحظت انه تعرق الوجه بدا يرجع, والصوت بنفس الوقت يعتدل…

الاحمرار في بعض المواقف الي جداً حرجه يقولون لي زملاء العمل ان وجهك احمر سخرياً, لكن ما احس بحراره بوجهي مثل قبل العمليه

تعرق الابط اختفى من وقت العمليه, ولكن ظهري وبطني يعرقون بغزاره, ويكون واضح جدا لما البس قميص بدون فانيله داخليه.


لو يرجع الوقت, كان سويت العمليه بقطع الأعصاب, لأني بصراحه انا شخص رياضي ولما اجري بسرعه احس بألم بصدري بمكان العمليه, وأظن انه بسبب الدبابيس. رحت الرياض تقريبا مرتين بخصوص الموضوع هذا احاول اشوف فيها الدكتور سامي النصار لكني ماقدرت اشوفه. مره ماكان موجود فيها, الثانيه كنت جاي متأخر وشافني احد مساعديه دكتور هندي او باكستاني الجنسيه.

بصراحه ماكنت ادري انه سوى العمليه بالتدبيس, لأنه قاللي قبل العمليه انه راح يقطع الاعصاب. مادريت انه دبس لي اياهم إلا لما شفت الدبابيس بصورة الاشعه في آخر زياره, اربعه يمين واربعه يسار. ماكنت مرتاح نفسياً يوم شفتهم…