واخيرا : اجريت عملية تدبيس العصب السمبثاوي

مرحبا أخي العزيز :

بصراحة اخوي لايهمك الاستقبال انا انشالله يستقبلوني على الرصيف ماعندي مانع اهم شيء العملية ونجاحها .

قبل لاتسافر تسوي العملية لازم تتصل على الدكتور وتشرح له حالتك بدقة عندها اما ان يوافق او لايوافق .

واذا وافق راح يخليك تدق على السكرتارية ويسوولك موعد .

عاد شوووووووووووووووووف في اي مستشفى طبعا وللاسف الشديد النصب والاحتيال في القاهره( تكاسي القاهره) شغال على سنة ورمح للاسف الشديد لم يعبروك راح ينصبون عليك خاصة اذا رأوك خليجي اما ان لقوك شعرك اصفر وعينيك زرق ( اوروبي *) راح يحترمونك ويقدروك ويتحاشونك لذا احذرك من الاشقاء العرب( وهذا مايدمي القلب ويعصره حزنا ).

المهم
عزيزي:
عزيزي العملية ساعة واحدة فقط لجميع التدبيسات يخدرونك بأبرة وتروح بنومة عميقة والله ماتدري عن الدنيا من حولك حتى تستيقظ على تأوهات تطلقها من دون ان تشعر وتستيقظ كالحلم ( انا سافرت مصر اعملت العملية كالحلم ورجعت من مصر كالحلم ) انا اشعر اني في حلم.

انا لم يأتيني الاحمرار الى الان ومع مرور الوقت اجزم انه سيكون منسي ومن ذكريات الماضي الاليم.

بالنسبة للاحمرار اصلا انا قبل العملية حتى وان صليت في المسجد وتكلم مع احدهم لايحمر وجهي انا مصيبتي في العمل يحمر وجهي ويضرب قلبي ولا اعرف لماذا .

قلت لك كل شيء واذا تبي زيادة من عيوني

أخــوي ملك العملية للرهاب يعنـى اقولك يعنى مثلآ
للخوف والرهاب والرعشة ولا للاحمرار الوجه
انا عندى رهبا بس ماعندى احمرار بالوجه الا قليل
تآتينى رعشة بالوجه خصوصا الضحك.. مايصلحلى بالمرة بيجينى رعشة بالوجه
فأيش رايك لو تعطينا رقم الدكتور نستشيره لو تكرمت ....





لك منـى احرٍ التحايا.........

مشكوووووووووور الف شكر على المعلومات القيمة صراحه ياملك طبعا اكيد مايهمني الاستقبال كثر مايهمني نجاح العملية وطبعا انا راح ادعي ربي يوفقني الحين واتخرج باقي 15 يوم من الان واذا عديت مادة براسي خايف منها زانت اموري واكلم الدكتور واقترض المبلغ واروح اسويها والله ييسرها من عنده صراحه مااقول الا الله يجبر خاطرك ياملك ويكتب لك الاجر والصحه والعافية تقبل تحياتي

انا سبق اني قلت اني في طور التجربة اخي جبران : لكن اليوم كنت جالس عند صديق ورجل غريب عني وركزوا علي وطال التركيز قليلا فحسيت بخوف بس من دون عرق ولا سخونة وجه مع الم خفيف جدا في الوجه .

لالالالا عادي يااخوي انت صدقني لاعاد تفكر ابدا بمجرد احد يطالع لك خل روحك اكبر يعني بالعربي رد عليه بنفس النظرات بدون ماتفكر انك انت الي بتنحرج يعني ابيك تفكر انت كيف تحرجه عشان كذا تتخلص من الاحساس وكذا تكون كسرت نظراتهم وقلبي معك

مساء الخير
ملك وش اخبارك يالغالي ؟
يارب تكون بااحسن حال ممكن رقم الدكتور حسام ابيه لو سمحت يالغلا
ويارب يحقق لك امالك
آآآآآآآآآآآآآمين واحنا معاك.

اخوي روح حق موقعه تلاقي كلشي.... رقمه ورقم السكرتارية وكل اللي تبيه روح لقوقل واكتب اسم الدكتور حسام أحمد فؤاد ويطلع لك كلشي

الله يعافيك مشكور انا عارف بس كنت متوقع انو مغير ارقامة او شي زي كذا ماقصرت

يا اخوان انا سويت العمليه وما استفدت منها والله العظيم بالعكس سببت لي انتكاسه
وسبق اني نصحت اخوي ملك وهو ماسمع نصيحتي

مافيهـأ فايده يعنـى اخوى نواف

سلام هليكم ملك كيفك يالغالي

ان شاء الله طيب هاه كيف وضعك ؟
عسى العملية تمام معاك مافي نوبات شي ؟ الإحمرار الأهم والعرق هذا الي يهمني ولا انا اجتماعي وعادي عندي التحدث قدام الناس بس السخونة بالوجه والإحمرار عند بذل مجهود عصبي او جسماني اي طاقة وبالنسبة للعرق على طول سواء مجهود او لا

الف الحمدالله ع سلامتك عمووووووووووور وربي اني دخلت عشانك ابي اشوف وش صار معك اتذكر انك قلت لي بتسويها بعد شهرين يلا اهم شي تطمنا عليك وصرت بخير

ورود البنفسج : انا الان صار لي شهرين تقريبا من يوم سويت العملية . الحمدلله الاحمرار راااااح وفتكيت منه والعرق راح بعد ولله الحمد .

كان في عرق تعويضي في ارجولي بس الحمدلله خف بنسبة خمسة وسبعين بالمية والحين احس اني صج مرتاح ولما اتكلم بالجامعة قدام الدكتورة او صارت العيون مركزه علي مايحمر وجهي بس احس بحرارة خفيفة جدا لاتكاد تذكر .

بس ما اخفيكم اني اشعر بخوف داخلي.

المهم ان النتيجة مرضية لي الحين ما افكر اني اخاف من اسألة الدكاترة او من العيون اللي تخزني بالمحاضرة مو مثل قبل ( اعوذبالله ) الله لايعيدها من ايام .

وابشركم الحين قاعد ابني شقة عشان اتزوج لاني تخلصت من عقدة الاحمرار ولله الحمد .

ولكن اعيد واكرر ان الخوف مازال معي لكن اهم شيء واكبر عقبة تخطيتها ان احمرار الوجه وعرقة راااح بلا رجعة .

تقبلوا تحياتي

طيب كم كلفتك العمليه ؟؟

اربع الاف وخمس مئة دولار