الوسواس و مشاكلنا معاه

الوسواس و مشاكلنا معاه

سلام عليكم ،كيفكم؟
لاحظ انه في كذا شئ من مخاوف كلنا نفس حال فيها وكلنا تقريبا نفس تفكير ،يعني نخاف من النوم لأننا نخاف اذا نمنا ما نصحى وبعض يخاف من الحسد وبعض من نحف وبعض من الاكل وبعض ......الخ
وأغلبنا هنا وسواس الموت صح!؟
برائي لو في طبيب نفساني في هذا منتدى احسن يعني يفيدنا لان في بعض ما يقدر يزور طبيب نفساني وما عنده غير هذا منتدى ف حلو شئ لو في طبيب نشارك معاه حالتنا ويفيدنا ،والي يروحون عند طبيب نفساني ممكن تخبرونا شو نصائح الي يخبركم عنها وشو برامج الي تسونها واستفدو او لا وكذا لو ممكن
والي عنده خبره بعد في هذا منتدى ياريت بعد يساعدنا
وبسالكم ضغوطات نفسيه وتفكير زايد ممكن يسبب وسواس وخوف من الموت ولا !؟
وممكن كل حد فيكم يكتب مخاوفه الي تؤدي الى زياده وسواس وقلق وخوف عنده

الشمري خالد معجب بهذا

المصدر: نفساني

1:خوف من النوم
2.خوف من الاكل يعني اني اتسمم او أتقيا
3.اي شئ يصير في وخاصة صداع وغثيان ودوخه يزداد عندي وسواس
4.عند اقتراب اي مناسبه يزداد بعد
5.ما أتحمس اني اشتري ملابس او شئ أريده يعني احيانا عادي بس احيانا اقول في نفسي يمكن ما استخدمه اصلا ليه أشتريه وكذا
وما ادري اذا نسيت شئ

جرب ارقي نفسك بسورة البقره

الشمري خالد معجب بهذا

انا مثلجججج اخاففف
مره وحده اتعببب و يجيسني ضيييق و كآبه
و تعععععب );

و لا واقعيييه
و ربيي الي يخوف اكككثثررر انه يحدددلي تاريخخخ و شهررر و كييففف
و احساس انه اخر يوم

تحسين مراتتتت انه اخخر يوم لج

ايوه صح اغلبنا كذا
ومخاوفنا تقريبا تتشابه
خوف من النوبه خوف من الموت خوف من الدوام من المناسبات خوف من الطلعه خوف من النوم خوف من المناسبات و التجمعات
لأن اغلب هذي المواقف صادفتنا فيها نوبة هلع وحسينا بإحساسها المزعج وماعرفنا كيف نتصرف
عشان كذا صرنا نخاف و ننعزل ونكتئب و افكارنا بس وسواسيه و سوداويه
ويمكن بعضنا جرب الرقيه وبعضنا لا
وبعضنا نفع معاه و بعضنا رجع انتكس شوي لأنه غالبا شي نفسي اكثر من انه روحي
و الدليل انه برمضان كانت افكارنا سلبيه جدا جدا و مخاوفنا زاااادت
أفضل وجود طبيب نفسي او خبير او مستشار يساعدنا
او ممكن أصحاب الخبرات يساعدونا

فعلا خوف عند الطلعات وخوف من المناسبات أكثر شي حقت الاهل.
وخوف من مجيء نوبة هلع والخوف من أنها قد تميت، غير أن الوسواس يقول انت الوحيدة احساسك حقيقي، والأفكار السلبية خصوصا عند بداية النوم لازم يجيني إحساس بخوف وكتمة غثيان وخفقان احيانا
عند أي إحساس بألم يبدأ الوسواس
هذه أغلب الأفكار والأمور التي تحدث معي حاليا
كنت أتناول دوا واوقفته بعد التحسن لا أدري أعود له أم ماذا
اعاننا الله على التخلص من هذه المشاعر
يبقى الأمل بالله أولا وأخيرا

سبحان الله وبحمده

صدق كلنا هنا نفس الحاله ): ضروري طبيب او حد في هذا منتدى يتابع حالنا ،يعني رجعت من دوام احس بغثياااان من الباص و حر وتعب ف على طول وسواس بدا يشتغل ب افكار عندي ): يعني حتى غثيان بدا يخف بس الافكار بعدها احس بضيق وكان قلبي يدق بسرعه خوف و حزن و مالي مزاج ل شئ ف ضروري حد يتابع حالنا ،صعب نروح عند دكتور نفسي ):

بالاضافه الى وسواس العين والحسد
كل شي كل شي عين حسد سحر
على اشياء سخيفه
وكل عرض صرنا نفكر أكيد عين :/
ومن كثر ما يقولون أرقوا أنفسكم
تخوفونا زياااااده
يعني احنا اساسا خايفين ونتوهم فينا حسد والا مس
و يزيدووووووون علينا
ومن كثر السوالف اللي نقرأها عن العين والحسد صرنا نخاف اكثر

الشمري خالد معجب بهذا

صدق والله صرنا موسوسين بزيادة عن العين والحسد حتى على الاشياء بسيطه نقول عين او بحدسنا ...
بسالكم شو علاج غثيان ما اريد اسوي بحث في قوقل و يزيد عندي وسواس اذا قرأت عن شئ !؟

من جد على سالفه العين او الحسد مره قلق

الغثيان حتى انا معاي ودوخه اتوقع من التعب للنفسي والقلق
يمكن علاجه الاكل والنوم المنتظم


انا مشكلتي الدوخه والشعور بالخوف طول الوقت
الله يعين

المشاركة الأصلية كتبت بواسطة انعكاسات

بالاضافه الى وسواس العين والحسد
كل شي كل شي عين حسد سحر
على اشياء سخيفه
وكل عرض صرنا نفكر أكيد عين :/
ومن كثر ما يقولون أرقوا أنفسكم
تخوفونا زياااااده
يعني احنا اساسا خايفين ونتوهم فينا حسد والا مس
و يزيدووووووون علينا
ومن كثر السوالف اللي نقرأها عن العين والحسد صرنا نخاف اكثر

قال رسول الله صلى الله عليه وسلم قال: "العين حق، لتُورِد الرجل القبر، والجمل القِدر، وإن أكثر هلاك أمتي في العين"
انكار العين والحسد مشكله كبيره
وبسبب انكارها الناس يقعدون سنين عمرهم يعانون
وكثير منهم يلجأون للادويه ولا يفكرون بالرقيه
والمشكله انهم ماستفادوا يعني فوق المرض زيادة مرض
العين حق والاصابه فيها مؤكده اذا كان الشخص يتهاون بالتحصين
وحتى وقت المعصيه يصاب باعين الشياطين او الانس
وحتى ان كان محصن لان مع المعصيه تجتمع الشياطين وتروح الملائكه الحافظه للانسان
وحتى في وقت الفرح الشديد والحزن الشديد يدخلون فيه
الانكار راح يزيد من كبر المشكله وهي اساسا بسيطه باذن الله ماتحتاج الا الوثوق بالله والرقيه والبعد عن المعاصي
اما الادويه للاسف تخلي جسم الانسان مرتع خصب لهالشياطين
اتوقع لو انكم ترقون انفسكم كثر ماتشتكون وتوسوسون كان طبتوا من زمان
الكلام الكثير والتشكي وكل واحد يجي يقول ريحوني بكلامكم
طيب ليه ماترتاحون بكلام الله؟
لهادرجه ثقيل على انفسكم؟
ولا الشيطان ينفركم منه علشان ماتكتشفون اللي فيكم؟
قراءة القران اجر عظيم ولا راح يضركم ابد بالعكس الحمد لله منفعته مليون بالميه ومضرته صفر
ومسالة الخوف من هالمواضيع الى متى طيب؟
لازم تواجهون الواقع.
واخيرا ابسالكم انتم تحافظون على تحصينكم وصلواتكم وما عندكم معاصي؟
اذا جوابكم لا فتاكدوا ان العين راح تصيب الجسد باي لحظه وفي الوقت اللي ربي كاتبه

المشاركة الأصلية كتبت بواسطة ندى الزهر

قال رسول الله صلى الله عليه وسلم قال: "العين حق، لتُورِد الرجل القبر، والجمل القِدر، وإن أكثر هلاك أمتي في العين"
انكار العين والحسد مشكله كبيره
وبسبب انكارها الناس يقعدون سنين عمرهم يعانون
وكثير منهم يلجأون للادويه ولا يفكرون بالرقيه
والمشكله انهم ماستفادوا يعني فوق المرض زيادة مرض
العين حق والاصابه فيها مؤكده اذا كان الشخص يتهاون بالتحصين
وحتى وقت المعصيه يصاب باعين الشياطين او الانس
وحتى ان كان محصن لان مع المعصيه تجتمع الشياطين وتروح الملائكه الحافظه للانسان
وحتى في وقت الفرح الشديد والحزن الشديد يدخلون فيه
الانكار راح يزيد من كبر المشكله وهي اساسا بسيطه باذن الله ماتحتاج الا الوثوق بالله والرقيه والبعد عن المعاصي
اما الادويه للاسف تخلي جسم الانسان مرتع خصب لهالشياطين
اتوقع لو انكم ترقون انفسكم كثر ماتشتكون وتوسوسون كان طبتوا من زمان
الكلام الكثير والتشكي وكل واحد يجي يقول ريحوني بكلامكم
طيب ليه ماترتاحون بكلام الله؟
لهادرجه ثقيل على انفسكم؟
ولا الشيطان ينفركم منه علشان ماتكتشفون اللي فيكم؟
قراءة القران اجر عظيم ولا راح يضركم ابد بالعكس الحمد لله منفعته مليون بالميه ومضرته صفر
ومسالة الخوف من هالمواضيع الى متى طيب؟
لازم تواجهون الواقع.
واخيرا ابسالكم انتم تحافظون على تحصينكم وصلواتكم وما عندكم معاصي؟
اذا جوابكم لا فتاكدوا ان العين راح تصيب الجسد باي لحظه وفي الوقت اللي ربي كاتبه

انا ما أنكرت العين ولا قلت اني ما اصدق فيها
بس صرنا نوسوس فيها
واللي فيه عين او حسد ما يدري شفيه واذا قالوا له فيك عين ينكر
في ناس كثيييييييييييير أعرفهم واقرأ عنهم واسمع فيهم عندهم نوبات هلع و وساوس و افكار سلبيه
بس هل معناته كلهم فيهم عين او حسد !!!
لا ما أظن
النوبات و الافكار السلبيه و الوساوس صارت مثل الكحه
الأغلب يشتكي منها خصوصا فئة الشباب وشي علمي ومعروف ان الشباب من عمر 18 الى 25 تقريبا اكثر تعرض للقلق والتوتر من غيرهم
لأنها مرحلة النضج والتكوين والاندفاع
ولا تنسين ضغوطات العمل والدراسه اللي لا تطاق و الأحداث من حولنا
ومشاكل البيت والعمل و حالات الوفاه كلها تأثر في الشخص مره !
وبعد نقص الفيتامينات و فقر الدم وشرب المويه وقلة النوم اقدر أحلف ان نقصها او خلل فيها يحسسك انك ممسوس
وهل يعني ان الناس اللي فيهم فقر دم ونقص فيتامينات معيونين ! لا طبعا
وبعد قصص الناس اللي جاتهم العين و التهويل و كل ما صار شي او موقف الكل يقول عين عين عين
صرنا نخاااف و الافكار السلبيه تترسب في عقولنا

طيب لما يضايقونك امرين وانت تفكر فيهم واحيانا تشك بسبب هذا الامرين هي اللي خلت نوبات الهلع والوسوايس تجيني
بنفس الوقت عندك خوف من هذي الامرين يضرونك في يوم من الايام
لما افكر فيهم لاحظت ان تضايفني اكثر من التفكير بوسواس الموت
مسببه لي حزن وضيقه وعدم تركيز

فعلا كل الكلام اللي كنت هكتبه لقيته موجود يعني المعاناه وحده
بالاضافه ليه انا الخوف من التعرق وطول الوقت متوقعه حدوث نوبه هلع تانيه
والتركيز مع كل الأصوات والخوف من سماع صوت كلب او طير معين
وكمان بالنسبة لي المناسبات كتيره عندي اليومين دول عشان كده التفكير معايا زائد جدا

الخوف من الموت هو الوسواس المسيطر علينا بالغالب وعن نفسي لا أخاف من الموت بقدر ماأخافه على أهلي


لكنني في بعض الأحيان استيقظ منتصف الليل بدون سبب ويغيم هاجس الموت علي واتذكر انه يوم لا مفر منه وان قلبي سيتوقف في يوم من الأيام


ثم أتذكر ماذا فعلت لتنجو بنفسك وماذا قدمت في حياتك لآخرتك فلا أجد الا الخزي في أعمالي وهذا يؤرقني جدا أكثر من الموت نفسـه


وفي بعض الأحيان تقوى عزيمتي وأقول تبا لكل شيء سوف أمضي ولن أبالي ومرحبا بالموت فهو برحمة الله راحة من الدنيا وشقائها


ثم أنطلق لأشغل نفسي بأي شي عن هذه الوساوس حتى اذا لم اجد شيئا أتصل بصديق لي لأفتعل معه مشاجره ههههه