هذا ما حدثَ لي في صالة كبار الزوار !!!

هذا ما حدثَ لي في صالة كبار الزوار !!!

عندنا بالجامعة في صالة لاستقبال كبار الزور .. يعني الشخصيات الرفيعة اللي بيجو يزورو الجامعة .. الصـالة فخمة جدًا .. و الكنب فيها بجنن أحلى من الكنب اللي ببيتنا هع هع طبعــًا سيادتي أعطيت حالي هذا الصباح تفويض كامل بالجلوس فيها .. و قعدت فيهـا شي ساعة زمن .. ما في غير أنـا و صوت التكييف و بس ..


المهم بعد ساعة غادرت القاعة لأنو كان عندي موعد مع صاحبي في مكان متواضع بالجامعة و بايخ جدًا .. لما اجا صاحبي.. قلت لو فلان شو رأيك أوديك على مكان حلو عمرك ما رح تروح عليه .. قال طيب .. قلت لو يلاا وراي .. و رحنـا سوى ع صالة كبار الشخصيّـات ..و فوتو عليها و قعدتو بزاوية حلوة بالصالة .. صاحبي كان مسلّم تمامــًا لأوامري >>> واثق فيني هع


المهم .. الأخ سموّ فضوولي جدًا جدًا .. أول ما فتنـا ع الصالة تركتو لصاحبي بالزاوية .. و رحت أتفرج ع المرافق .. اتوجّهت أول شي على غرفة الإجتماعات .. و وقفت قدام الباب .. و فتحتو بهدووء .. و اطلعت بطرف عيني .. ما لقيت فيها حدا .. كملت فتح الباب و فتت .. و أخدت لي لفة و اتفرجت ع الموجودات بالقاعة >> للحظة حسيت حالي بمتحف هع هع عندنا في بالجامعة نظام لبعض الأبواب جهة بيفتح منها الباب .. و من الجهة التانية ما بيفتح .. و لحسن حظي و لأني طلعت من البيت و أمي داعية لي بالسلامة والتيسير .. لما اجيت بدي أطلع .. و مسكت إيد الباب عم أفتحو .. إيد الباب ما هي راضية تتحرك .. حاولت بقوة أكتر .. ما عم تتحرك .. أنـا هون أدركت مصيبتي و بجد سلمت على رووحي و قريت الفاتحة .. و أول شي سويتو طلعت جوالي و شفت الشبكة .. و حمدت الله و شكرتو إنو عندي شبكة بالجوال .. لو ما في شبكة كان متت و اتعفنت جوى و ما حدا عرف عني شي هع هع
عندنـا بالجامعة أماكن كتييرة ما فيها شبكة .. فهاد الشي خلاني أرتعب بجد .. اتصلت على صاحبي .. و قلت لو تعاااال أنقذني .. و ما سكرت الخط مع صاحبي إلا بعد ما فتح لي الباب و شفتو .. و سلم علي .. الحمد لله إنو عرف الباب الصحيح و اجا فتح لي فورًا .. لو ما عرفو كان ما بعرف شو مصيري الآن بأي مغسلة .. مو مغسلة كوي ملابس مغسلة أموات هع هع هع المهم يا جماعة طلعت و حمدت ربي على العافية و النجاة .. و سجدت سجود الشكر >>> كذاااااب خخخخخخخخخخ


طلعت و ما تبت .. رحت قعدت شوي ع الكنب مع صاحبي .. وما إن بدأنا نتجاذب أطراف الحديث .. و إلا بذاك الباب الفاخر يلوح لي .. باب خشبي من النوع الكلاسيكي الفـاخر .. و فيو قزاز واضح إنو فخم جدًا .. يعني شي من الآخـر .. بس في شي بالباب جنني .. اللي جنني إنو الباب ما إلو ادين عشان يفتح .. فحضرتي شو سويت .. رحت اتوجّهت نحو الباب بكل ثقة .. بدي أشوف كيف بيفتح .. و شو فكرة عمل الباب المتخلف اللي ما عندو إدين .. و ما كدت أن أقترب منه .. حتى فتحَ لي باب المغـارة .. حتى قبل أن أقول كلمة السرّ .. ألقيت على ما خلف البوابة نظرة سريعة جدًا .. و إذا بها غرفة العميد و الأربعين حراااامي .. لحظتها ما فكرت غير بالنجااة .. الكل ورى الباب كانو عم يحدقو فيني .. بشكل بخوف .. يمكن ما لاحظو ملامحي .. لاكن لاحظو الشكل العام .. لحظتهـا حسيت إنو رح تيجيني قوات الأمن و الحرس و الإنتربول و العسس >> شطحه هع هع فعلا ً حسيت إنو رح ييجو من كل مكان و يحاصروني و يودني مقيّد لعند العميد .. بعدين هو يسوي لي فلكة أو بساط ريح أو كرسي كهربا .. يعني يستعمل معي واحد من هي الإختراعات الحلوة .. و يربيني من أول و جديد هههههههه


المهم .. بعد كلّ اللي صـار .. اتـأدبت بجد .. و رحت و قعدت بالزاوية مع صاحبي .. و سوينـا اجتماعنـا السري .. و شوي و طلعنـا و توته توته و خلصنـا هع هع هع


بدكم الصراحة .. لا والله لحد هلأ ما تبت .. قبل شوي طلعت من باب البيت .. عم أتـأمل بشارعنا الجميل .. و إذ بسيارة غريبة أمام باب بيتنا .. و الشبابيك تبعها مفتوحين شوي .. اممم بصراحة أثار موضوع الشبابيك المفتوحة فضولي .. فقربت عن السيارة و إذ بالشباك يفتح من تلقاء نفسه .. و يخرج رجلٌ و يقول :
يا ابني لا خوف عليك .. نحن الهيئة ... في مهمة .. كان يتكلم و أنـا قلبي درقن درقن درقن والله طبل ههههههههههههههههههههههههه ههههه


المهم نخلص من هذهِ القصة المفيدة جدًا جدًا بعدّة عبر .. أهم عبرة .. لا تقتربوا من الأبواب الغريبة .. فخلفهـا ستكمن حتمــًا مفاجأة مرعبة .. يلاا وروني شطارتكم و ابدأو تفتيح الأبواب هع هع هع هع

المصدر: نفساني

عزيزي سمو الغامض!
نازل فتح في ابواب الجامعة والمغامرات شغالة وما تبت منها
بتفكر حالك بمسلسل مغامرات السندباد مثلاً؟؟؟
:biggrin::biggrin::biggrin:
هاد آخرة الناس الفضوليين
بتمنى تاخد عبرة مع اني أشك ههههههههههه

حلوة سمو:wink:

أنا هالحين اكتشفت ان اسمك "سمو" مجرد تمويه :cool:

والمفرووض نركز على الجزء الحااامض أقصد اللغااامض من اسمك,

اسمح لي ما اعرف اضحك زيك

هههههه :biggrin:احسن من هع هع :tongue:

ياحليلك ،،،،،