ياليت احد يريحني ويجاوبني

ياليت احد يريحني ويجاوبني

السلام عليكم
انا عدت للمنتدى بعد انقطاع دام اكثر من سنه وذلك بصراحه بسبب عدم اهتمام المنتدى بمشاكلي لاني كتبت اكثر من مره وطلبت حلول من الاطباء ولكن لم اجد اي اهتمااام ولا رد مع اني اكون بأمس الحاجه للرد والجواب والان اكتب لكم مشكلتي الجديده متمنيه منكم التفاعل معي والرد علي..مشكلتي هي الخوف الشديد من فراق عزيز او من الموت او من المرض ودائمااوسوس بهذه الاشياء يعني حين خروج زوجي من المنزل وتأخره ابدأ بالوساوس او حينما اتصل على والدتي ولم ترد ابدأ بالتوهم بأنها مريضه ولاتستطيع الرد او انا حينما اشعر بأي عرض اخاااااف وارتعد ولا اتحمل اي شي احس اني في قمة الضعف..لكن هالفتره هذه بدأ عندي شي جديد وهو التطير يعني اذا سمعت كلمة اخر مره من شخص اتشاءم واقول اكيد انها اخر مره في حياة هذا الشخص..فهمتوني؟؟يعني اخاف واشيل هم من كل كلمه اسمعها وابدأ بالوسوسه والله وبدون مبالغه مره سمعت كلمه من شخص وخفت وتشاءمت منها سنه كاااامله !! تخيلو انها سنه كامله وانا لم اغفل عن هذه الكلمه..والله من شدة ضيقة صدري مو عافه اكتب لكم اكثر لكن اتمنى من كل من مر عليه مثل حالتي ان يكتب لي ويوضح لي وبدعي له من كل قلبي..انا محتاجه الردود والتفاعل والحلووووول..وياليت حتى الاطباء يفسرون هذا الامر؟ وهل كل مره يصدق التطير؟

المصدر: نفساني

حياتي ام فهد

كل شي بيووومه ..

محد بيموت قبل يومه

المهم

رحتي لدكتور نفسي؟؟




لاني اعاني من الاكتئاب وكان عندي مثل هالخوف لكن خفييييييييييف جدا لايذكر

يعني اخاف افقد هلي واقرب الناس لي.. وجذي

وكنت كل ماجاتني هالافكار.. اقول حق نفسي..: ليش افاول على الناس..ماراح يصير شي وايضا مع العلاج راحت الافكار ولله الحمد

اختي هل سبق وخذتي ادوية ؟؟

هلا اختي الدنيا حلوه
نعم انا سبق لي واخذت علاجات منها السيروكسات واخذته لمدة سنه و اكثر وبعدين تركته بالتدريج ورجعت لي الحاله وبعدها اخذت البروزاك سنه ونص وخففته وتركته لأني كنت ابغى انجب والحمدلله ربي رزقني بنت وهي بكري..المهم الان بدت تعود حالة الاكتئاب والخوف والهلع وعدم الاستمتاع بالدنيا وخصوصا اني فقدت اخي قبل ثلاث اشهر مما زاد علي الحاله..ودائما الخوف من الموت مسيطر علي مع اني ادري ومؤمنه بأن محد بيموت قبل يومه لكن هذا يزيدني خوف..مدري ليشكذا ودي ارجع مثل اول لا اخاف ولا افكر وكل شي عندي حلو وممتع..اما الحين مع اني الحمدلله وضعي الاجتماعي والاسري زين بس هالافكار دمرتني وحاست تفكيري وقلبت مزاجي ولا ودي ارجع للادويه لان زوجي يقول الى متى؟؟؟ وهو رافض اني ارجع للادويه ويقول مافيك شي..الحمدلله على كل حال ومشكوره اختي لتفاعلك معي وسؤالك عني عسى الله لايوريك مكروه ويحقق لك كل شي تبينه يااااااارب.

ارجعي الى العلاج

وتاكدي من نفسج قبل لاتقطعينه

انتي يمكن تقطعينه وانتي للحين محتاجه للعلاج ..

انتظري شوي.. وبعدين درجيه


وربج كريم

الأخت / ام فهد المحترمه
السلام عليكم ،،،
اختي العزيره / يجب ان تعلمي قبل كل شئ بأن الادويه نعمه من نعم اللع على مرضى الإكتئاب النفسي وان مخترعيها سهرو الليالي وتعبو حتى يقدمون لنا هذا الإختراع العظيم ، لذا اختي العزيزه إذا كنت لازلت بحاجه للادويه فأرجعي لها فورا وراجعي مع دكتوك بإستمرار لأنه في ضوء كلامك يكون هو الاخبر بتقليل الجرعه اام لا ، وايضا اقول لك رحمة الله على اخوكي الذي فقدتيه واللهم يلهمكم الصبر والسلوان واعرفي اختي العزيزه ان هذا الطريق كلنا سوف نسلكه بس المسأله مسألة وقت لا اقل ولا اكثر .
مع تمنياتي لكي بالصحه والعافيه .

اولا شفاك الله وعافاك اختي ام فهد ورحم الله اخوك واسكنه فسيح جناته.. ثانيا انا مثل حالتك اخاف من ان افقد احد ولكن تجيني نوبات اذا تأخر احد منهم واذا رأيت ميت..هل انت تجيك نوبات ام فقط تخافين تفقديهم وبماانه مات اخوك هل حصل لك شي..

اولا شااااااااااااكره ومقدره لكل اخواني وخواتي اللي تفاعلو مي الله يجعلها بموازين حسناتكم ..بالنسبه للادويه قلت لكم زوجي راااااافض..وبالنسبه لام عمر حبيبتي انا دائما فيني خوف وقلق لكن تزيد اذا احد مات او سمعت ان احد مرض مرض خطير يبدأ الخوف يزيييييييد واتوهم بأعراض المرض وابكي وادوخ... وكذا..تكفون فيه احد مثلي؟طمنوني

أنا مثلك بالضبط أختي :(

الله يشفيني ويشفيك ويشفي الجميع

الاستاذ العزيز (المنهك) : أريد التواصل معك فما الطريقة المقترحة للوصول إليك ، خصوصا أن الرسائل الخاصة غير مفعلة هنا ؟

اهلن بعودتك ياختي ام فهد الى منتداك وبين اخوانك وانا اقراء بحروفك كلماتك حسيت بمدى المعانات الي تعيشينهاا تدرين ليش حسيت ؟ لانه مايحس بالشي الا الي جربه وانا مريت على كل الي مريتي عليه واكثر شوفي اختي لازم انك اتاقلمين على الوضع وتحاولين تراجععين دكتورك وتاخذين ادويتك من جديد واهم من ذلك كله الاراده عندك يعني اذا جتك الافكار لا تسترسلين معاهاا حاولي باي طريقه تشتغلين فيهاا نفسك وبعدين حطي فى بالك انه الله ارحم منا فى عباده وهو ارحم من الام على ولدها وحتى لو نفترض انه فلان من اقرب الناس لنا جاه مرض سرطان هل اقول الي راح يجيني يجيه هذا اكبر خطاء لاني اعرف انا ناس جاهم سرطان ولا عمرهم دخنو وفى ناس تدخن ولا جاهم سرطان وانا بكلامي هذا ما احث على الدخان اعوذ بالله لكن ابين لك انه كل شي بيد الله مكتوب باجل لايمكن الفرار منه واعظم نعمه هي الرضاء والصبر على اقضاء الله وقدره واعلم علم اليقين انه الله ماكتب الشي هذ الا فيه خير لي ولك ولاغيرنا منهاا تكفير ذنوب ومنهاا نفهم هالحياه هذي زين وش حقارتهاا وقول النبي عليه افضل الصلاة والسلام اذا احب الله العبد اتبلاه وفى حديث اخر لايبتلى المومن الا على قدر دينه وبعدين حتى لو فارقونا الاخوان والاحبه ؟ هل يعتبر الشي هذا نهاية العالم ؟ لا والله انظري الى سيرة الايتام الي ولدو ليسس لهم ام ولا اب ولا اخ ولا اخت ؟ انظري كيف يعيششون حياتهم بجلد وصبر وقوه انظري الى سير بعض الي سطرو التاريخ ببطولات ولو تنظرين الى سيرهم كان يتامه ليسس لهم لا ام ولا اب وعاششو حياتهم شوفي هذا انا الي اكتب لك اعاني اكثر من الي تععانين منه انتي فلذذ احمد الله واشكريه

وعليكم السلام..
معاش حق..
أنا أعاني أختي أم فهد من نفس الشيء تقريباً..بس لنقول أقل..وأحياناً..لو ما ردت صديقتي عليّ أو شيء أقول يمكن مريضة أو شيء..
أختي الأمر كله بإيدنا..صدقينا بإيدنا..
وإذا حد جا قالنا إقرأوا قرآن..نتذمر بداخلنا..ونقول نقرأ..وفعلاً بس ما نواصل..
الأمر كله يعود إلى عزيمة وإيمان-قناعة تامة بتحقيق المراد-..
لو عطونا دوا وقالوا هاي مجرب 100% يشيل الوسواس وكل شيء..بنطير من الفرح وناخذ ويبدأ عقلنا يعمل وفق لوهمنا..وقد يكون هالدوا مجرد بندول..!!
إنتي عندش عزيمة لتوقفي هالشيء؟!
إنتي أقوى من الأوهام؟!
إنتي مؤمنة إنه الله بيشفيش وبيفرج عنش لو عقدتي العزيمة؟!
إنتي مؤمنة إنش قادرة تحققي إلي تطمحينه وقد تبلي أحسن من توقعاتش بعد؟!
أختي أجيبيني..وبخبرش وصفة العلاج..

الله يجزاكم خير اخواني وخواتي والله فعلا مااعدكم الا اخوان واخوات وخصوصا بعد الكلام الي قريته حسيت انه فعلا قلوبنا على بعض...الله يشفينا جميعا والله لايوري احد منا مكروه ..ياليت كل واحد يكتب لي تجربته مع التطير او التشاؤم من بعض الكلمات عشان تتضح لي الصوره اكثر واحس انكم فاهميني..جزيتم خييييييراا

أختي أم فهد..
هذي تجربتي..
يوم أوسوس ليش صديقتي ما ترد؟!يمكن مريضة..يمكن صارلها شيء..يمكن عندهم حد توفى..أطلع عذر ثاني..أتوقع صديقتي تقوله لما ترد عليّ..مثلاً يمكن هي بالحمام..يمكن بعيد عن التلفون..وكذي..وكل ما رد الوسواس..وأقول لا لا يمكن مريضة..أقعد أستغفر ربي..وأستعيذ من الشيطان..وحتى أكلم نفسي بداخلي لأدرك هالشيء..يعني ما أقول أعوذ بالله من الشيطان الرجيم اللعين بس..لا وأضيف..يا بنت تعوذي من الشيطان..يبي يغويش يبي يوترش..وأقعد أدعي ربي اللهم إجعله خيراً..وأحاول أشغل نفسي..أروح أتسبح..أشوف تلفزيون..وحتى أحط موبايلي بعيد..يعني ما أنتظر..يوم تتصل بس بركض للموبايل :)!