💜💜

💜💜

السلام عليكم
عندي مشكلة ماني عارفة افكر فكرو عني عقلي ماعاد صار يستوعب خلاص ارهقت

الموضوع ماابيه ينتقل يضل هنا
ابي اتكلم مع احد

ارشدوني الى الطريق الصحيح فقد تعبت واضللت الطريق
من فترة طويلة جدآ اتتني افكار لاذاكر بالضبط كيف بدأت معي
انو ممكن الجن او الي مو انسان مثلنا يتزجونا وانو اذ وافقنا يصير زواج
وممكن يعتدون علينا بالاحلام او او بغيرة
وهل اذ اعتدو يعتبر زنا
وطلعت لي علامات بجسمي زي طقة
انا جتني هذا الفكرة من زمان واتذكر انها وضعت اسم لشخص جاء على بالي ونو من الجن وانهم بيتزوجوني وكذا لا تذكر بالضبط
ومرت سنين
وانا الان متملكة وزواجي قريب
ورجعت هذي الفكرة لي ونفسي صارت تقول متعمدة
انو عادي عندها
انا ماذا افعل
واحس احيانا بحركة بالفرج واحيانآ بشهوة فجأة
انا اخاف ان كون زانية واخاف انم يعتدون علي
واصبحت تأتيني احلام واشعر بشهوة ايضآ
وانهم تزوجني او شي كهذا
المشكلة والخوف انو نفسي قالت عادي عندها متعمدة عشان كذا اخاف انهم تزوجوني صدق انا الان اشعر وكأني سأصاب بالجنون هل فعلآ من الممكن ان يحدث ذلك وهل هذا يؤثر على موضوع زواجي وهل اعتبر زانية

تعبت من التفكير
وهل فعلآ ممكن ان يحدث ذلك
وزواجي قريب هل اتزوج ام لا
هل بعد ماقالت تفسي انو عادي متعمدة اعتبر زانية
ويتزوجوني
هل الاعتداء يحدث بوضوح لا شك فيه وليس مجرد احلام واحساس بشهوة فقط



ماذا افعل وضحو الصورة لي كرهت نفسي وحياتي
وايش تصير لي هذا الاشياء ومين السبب فيها
انا السبب بما قلت
وهل هم حقنا وراء ما اشعر به

المصدر: نفساني

لا يا اختي ابعدي الفكره عن خيالك نهائي
لا لا لا شو زانيه اسال الله يحميكي من عنده هذا مجرد وسواس ، لا تخافي انتي بخير مافيكي شي ولا تحملي نفسك فوق طاقتها من خوفك توهم لك هالشي ،
ما صارت انها تصل بين الانس والجن للزنا اعوذ بالله
ولا سمعناها بكتاب الله ولا سنة نبيه 😓

لا طبعا أختي هذه كلها أوهام
عالم الجن عالم موجود لكنهم خلق بعيدون عنا ولا علاقة لنا بهم
ولا يوجد شيء اسمه علاقة بين الجن و الانس هذا كلوا تخريف وليس له أساس من الصحة

يا اختي استعيذي بالله من الشيطان الرجيم
وتزوجي وعيشي حياتك

لا طبعا شي غير صحيح
ابدا ماقد صارت ولا سمعنا فيها
والكلام اللي يقولونه الناس كذب
و افكارك مجرد اوهاااااام
لا تفكري وتبالغي فيها انو ممكن تكوني زانيه بعيد الشر
بالعكس تزوجي وانبسطي بزواجك
والله يتمم لك على خير

الله يجزاكم خير

لكن ايش تفسير الاشياء التي اشعر بها
بي اعرف عشان ارتاح ولا عاد افكر

يعني اكيد مايعتدون علينا انتو عارفين وش اقصد
طيب اذ كان هذا تلاعب من الشيطان يعني اعتداء منه
ولا ممكن هذا شي يصير صرت اخاف ادخل الحمام وصرت اخاف اغير ملابسي


طيب هذا شي ماصار الي من كلامي
واذ هذا شي يصير لناس كلهم
انا صارلي بعد كلامي
ربي رح يعاقبني مو مثل الناس
انا السبب

المشاركة الأصلية كتبت بواسطة أنا فقط

الله يجزاكم خير

لكن ايش تفسير الاشياء التي اشعر بها
بي اعرف عشان ارتاح ولا عاد افكر

يعني اكيد مايعتدون علينا انتو عارفين وش اقصد
طيب اذ كان هذا تلاعب من الشيطان يعني اعتداء منه
ولا ممكن هذا شي يصير صرت اخاف ادخل الحمام وصرت اخاف اغير ملابسي


طيب هذا شي ماصار الي من كلامي
واذ هذا شي يصير لناس كلهم
انا صارلي بعد كلامي
ربي رح يعاقبني مو مثل الناس
انا السبب

السلام عليكم ورحمة الله وبركاته


يا أختي ضروري تعرفين شيء واحد وتحطينه قدام عيونك في كل الأوقات ... إبليس وشلّته من آلاف السنين موجود على الأرض وعنده هدف واحد فقط ... كيف يضر البني آدم

ورغم إن الشيطان كيده ضعيف إلا إنه يوسوس لنا وكل ما صرنا أضعف كل ما كان هو أقوى ... يضرنا بالوسوسة ... ويبث الحزن في قلوبنا .. يشغلنا عن ذكر الله .. يبث اليأس والقنوط في أنفسنا .... الخ


لذلك تأكدي إن السبب هو الشيطان ... لا تكوني يائسة وتلومين نفسك بالشكل هذا


أما حلمك هذا يشبه كثير من أحلام الموسوسين هنا ... أحد يوسوس له أحلام بالموت وأحد يوسوس له بالمرض وأحد يوسوس له في دينه وأحد يوسوس له في أهله ... ووو الخ


سبق ومرّت علي حالة انه وحده يجيها أحد في المنام ويقول لها (( هل ترضين تتزوجين من غير البشر ؟؟ )) طبعا ارتعبت جدا مثل وضعك حاليا .. ويمكن هي أشد لأن الشيطان بالمنام يلعب عليها ويقول هل تتزوجين من غير البشر .. وفي النهاية ينقلع وييأس إذا وسوسته ما جابت نتيجة .. و صدقيني من تلتزمين بالأذكار والنوم الطبيعي بدري ... كل هالشيء يتلاشى لأنك من الممكن انك كنتي تمرين بضغوطات وقلق


حاولي تبتعدين عن المسلسلات اذا كنتي تتابعينها .. وحاولي تنامين على وضوء وتقرأين آية الكرسي قبل المنام وتحطين صلاة الفجر بين عيونك ... يمكن راح يحاول يؤثر عليك بالبداية ويزيد من وسوسته ولكنه في النهاية يبقى ضعيف متى ما كنا أقوياء ومحافظين على الذكر


الإحتلام يمر على الكثير ... ومافيه إحتلام يا أختي بدون متعه ... دائما و أبدا حطي هالشيء براسك ... لو ما يحس الشخص بالمتعه معناته مو إحتلام هذا


أما إنك تقولين راضيه ومن هالكلام ... أحب أقول لك المسألة مو مسألة رضى المسألة لا إرادية وكل هالعالم تتجاوب معها وقت هالنوم لأنها لا إرادية .... يعني لا تحطين في بالك إن الشخص في الحلم بيقول استغفر الله ويوقف عن إكمال الحلم بمزاجه .. ولا تفكرين إن الشخص يحط راسه على المخده ويقول صراحه أنا ودي أحتلم الليلة وينام ويحتلم ... لو يخطط من هنا الى نواكشوط ماهو على كيفه يحتلم


ولو كان زنا كان كل من إحتلم معناها إنه زاني .... وللمعلومية ... وراح أتكلم عن وضع الرجال لأني ما أعرف إذا النساء كذا أو لأ ... الرجل الطبيعي لو كان غير متزوج أو مبتعد عن زوجته فترة لابد يحتلم .. ويصير إفراغ عنده وهذا الشيء الطبيعي إنه ما يصير عنده إحتقان ... الخ


والراحة خلال الإحتلام هو بسبب إفراغ الشحن .. مو رضى وتعمد لأن الإحتلام لا إرادي وفي قصص للصحابة اللي يسألون الرسول صلى الله عليه وسلم عن الإحتلام


انتي معك وسواس بسيط لا أكثر ولا أقل .. لا تخلينه يكبر واشغلي نفسك عنه لأن الشيطان يستغل الأوقات الحساسة في حياة البني آدم .. مثل وضعك حاليا مقبلة على زواج وحياة جديدة ومتخوفة فيلقى له باب يخش معه عليك ويوسوس فيك


إذا تزوجتي بإذن الله ما راح يكون عندك إحتلام ... ونفس الشيء مع زوجك إن شاء الله ما راح يكون عنده إحتلام ... لأن حتى خطيبك الآن يمر عليه الإحتلام بين فترة وفترة اذا كان غير متزوج


نصيحتي لك ...اكثري من الذكر والصلاة على رسول الله و نامي بدري وحافظي على الأذكار صباحاً بعد الفجر و مساءاً من بعد العصر ... نامي على وضوء واقرأي آية الكرسي ... ابتعدي عن الإرهاق والمنبهات من شاي وقهوة .. عليك بكل شيء يساعد على الإسترخاء بابونج ينسون زهورات نعناع .. الخ .... إنشغلي بأشياء مثل الرياضة وقراءة الكتب المشوقة .. ابتعدي عن المسلسلات وتابعي القنوات الوثائقية والبرامج المفيدة ... اطلعي من الموقع ولا تسهرين هنا توسوسين وتتعبين نفسيا


الكلام هذا ما يجي بالساهل .. يبي لك تكافحين ويبي جهد منك وثقة بالله
أما التشاؤم والقنوط وتقولين ربي راح يعاقبني أنا مو مثل الناس فراح تتعبين نفسك كثيييير وتؤثرين على حياتك .. الشيطان ضعيف .. ماهو مسؤول عنك ويحركك هو يوسوس لك فقط وانتي تتجاوبين مع هالوساوس .. والمشكلة إن الوساوس هذي مالها أي علاقة بالواقع واللي يمر عليك شيء عادي


بيدك الخيار ... تبين تستسلمين لوسوسته ؟ ولا تبين تعيشين حياتك وتدعسين عليه ؟ إنتي قرري وتذكري إن أنتي معك الله وهو ضعيف جدا .. لدرجة إنه من يسمع الأذان يولي وله ضراط

اما هذي الاشياء
وفكرة جتني مو بالحلم

انا ابي اعرف وبعدة برتاح
هل يمكن يكون فيه اعتداء ولا مستحيل
وما اشعربه مستحيل توهم.
مني
ام انه ممكن حدوثة
انا بطنش ولا اهتم لكن
انا كلمتي الي قلت ذبحتني
انو نفسي قالت عادي عندها متعمدة

بعد هذا شي
انا هنا خفت
ولا بقول هذي اشياء مو بيدي
لكن كلمتي ذبحتني
واخاف ربي يعاقبني

والاحلام الي تأتيني احلام عادية بس اشعر بشهوة فيها وكل يوم تقريبآ
واحيانآ وانا صاحية اشعر بحركة اشعر بشي واشعر بشهوة



اذ كان هذا من الوسوسة والشيطان
ويحدث لكل الناس فعادي
يحدث لي لكن انا بسببي بسبب كلمتي
عشان كذا يمكن ربي يعاقبني
لان الناس لو صار لهم مثلي غصب عنهم
انا بسبب كلمتي

كلام الاخ عبدالله سليم الله ينفع به ،
اخرجي هالاسواس من راسك يا اختي لو يواخذنا الله ع كلامنا والله فقد هلكنا وانتهى امرنا ، استعيذي بالله من الشيطان ما تمرين به عادي قد يمر باي بشر ، انسي وحافظي ع الاذكار هي سلاحك ضد هالاسواس والشيطان كله الله يكون عون لك على نفسك والشيطان آمين ،

السلام عليكم ورحمة الله وبركاته


يا أختي راح أمشي معك للآخر .. وراح نحط فرضيات اوك ..؟؟ لأنك بوسط المعمعه والوسواس مسيطر عليك ولا إنتي قاعدة تحكمين عقلك .. مثل اللي يفحص ضغط ويطلع تمام .. يرجع بعد ربع ساعه يقيس الضغط مره ثانية .. أنا واحد من هالناس سابقا



راح نبدأ بالمستحيل

1 - إن هالأشياء اللي مرت عليك كلها إرادية وإنك غلطانة من ساسك إلى راسك.... إتفقنا ؟

أولاً لنفرض إن فيه شخص حرامي ولا يصوم ولايصلي ولا يزكّي وزاني ومقطّع أربع على قولتهم .. أوك ؟

أبيك تعطيني حل له ... الرجل أعترف انه غلطان .. وش يسوي ؟

هل إنتهت الدنيا ؟ هل مصيره النار ؟؟ ماله توبة ؟؟

أو إنه يتوب ويندم ويصحح وضعه وباب التوبة مفتوح ؟


أكيد يا اختي إن باب التوبة مفتوح ... الله تاب على باغية لأنها سقت كلب والله تاب على قاتل المئة نفس .. فما بالك بوضعك إنتي ؟؟ وإنتي شريفة عفيفة بس يوسوس لك إبليس وأصلا إنتي بنفسك ما انتي عارفة هل إنتي غلطانه أو لأ ولا تعرفين اش الحاصل معك .. فبالله عليك يكفي إنك جاهلة من شان يسقط عنك أي ذنب تتخيلين إنه موجود




الفرضية الثانية والواقعية


2 - إن هالشيء اللي معك لا إرادي وحسيتي معه بمتعة

ماهو ذنبك الإحساس بالمتعه بشيء لا إرادي ... سواءاً كان في حلم .. أو كان واقعي لوجود مشكلة مرضية سواءاً وسواس أو مرض عضوي يسبب لك هالشيء

زوري طبيبة نساء وشوفي يمكن تكون عندك مشكلة .. لأني ما أعرف .. ممكن تكون فيه مشكلة عندك بسيطة ... بعض الرجال يكون عندهم حساسية شديدة عند ملامسة شيء لأعضائهم ويعانون من سرعة القذف .. وطبيعي يحسون بالمتعه ولو انهم يتضايقون من هالمشكلة ويسعون في علاجها


لذلك (( لو )) جاريناك وافترضنا إنك غلطانه يا أختي أنتي مكبره الموضوع جدا جدا جدا ... وش زنا ووش خرابيط الله يصلحك ودخلتي نفسك بدوامة ... تعوذي من الشيطان وباقي ردّي هو كما في الرد السابق


بالتوفيق ووسعي خاطرك .. إنتي ما إهتميتي كل هالإهتمام إلا إنك إنسانة تخافين ربك ... ولا يلعب عليك الشيطان