اطرف موقف مر عليك في عالم الإكتئاب ؟

اطرف موقف مر عليك في عالم الإكتئاب ؟

السلام عليكم ورحمة الله وبركاته ..

أخواني خواتي خلونا نطلع من جونا بأي شكل من الأشكال وصدقوني من تصبر صبره الله

كل واحد يحتسب ويكثف الدعاء لنفسه ولأخوانه هنا وجميع مرضى المسلمين .. المهم

كل واحد يجيب لنا اطرف موقف مر عليك في عالم الإكتئاب ؟

المصدر: نفساني

كنت أمل أن أكتب موقف طريف لكن في الحقيقة لم يحدث لي أي موقف أعتقد أنه ظريف ويعطيك العافية على الموضوع

موضوع غريب ..!

الله يسعدك يارب

عطينا انت بالاول اطرف موقف صار لك بعالم الاكتئاب

ماتوقع في موقف طريف بعالم الاكتىاب ابدا

صعبه فالاكتئاب بالذات بس فالامراض النفسيه الثانيه ممكن بس ممكن اطرف موقف لي اني اقول للناس دايم ان الدواء حقي للحرقان واخاف احد يجيه حرقان ويجربه لاكنا مسافرين ولابالبر

فهد اقول ماله داعي احد يجيه حرقان ثم ياخذه هههههه عشان كذا اذا ماودك تقول لهم وشو أقل شي قل دواء خاص ولا صرف الموضوع بسالفه ثانيه

هههههههه حلو الموضوع

مره كنت بطلع ولبست نعال فيه كعب صغير وانا كنت مريضه وماعندي توازن

وثقل في راسي المهم كنت امشي فيه وروح يمين وجي يسار ههههه كاني سكرانه

هههههه ادري مااضحك بس اذا اذكر هالموقف اضحك

مووفقين

ا

خلاص اجل لا تلبسين كعب

هو ماكو احلى موقف في ازفت واسوا موقف

المهم اطرف موقف حصلي خدت حبه من واحد على اساس انها حبه مهدئه وخذتها وكنت رايح للبنك وانا بكلم الموظف حسيت بدوخه وحاولت اخلص معاه بسرعه وحسيت نفسي بنام على روحي

وحاولت بسرعه اوصل للبيت والسرير وانام

والحمدلله الله سترها

انا مره توني ماكل لي حبه من الحبوب الله يغنينا عنها بالعافية المهم ها الحبه مره تصير اعراضها قويه مره خفيفة المهم رحة اصلي العشاء وبعد الصلاة حسية اني ماش عرق وثقل في الجسم ابي اتسند ولا اصد عن الي جنبي لا يلاحظون وغفوه وقم وغفوه وقم رحة وجلسة اخر المسجد المهم يوم شوي اشوف العالم كلها مشت جاني واحد من شكله تدري انه من الجاليات العربية الي محتاجين المهم الرجال يبي يشرح لي ضروفه انا وقتها عساني اشيل نفسي بس والله شوي شافني كذا الرجال قال لي لا بس بس بس بسألك وين طريق البطحا انا قلت الدائري ولا كملت باقي الوصف الا قالي جزاك الله خير جزاك الله خير خلاص خلاص ورجال معد شفته الا يهربد مدري وش يقول وهو شكله يقول وين الباب بس تحس انه منهبل والله وقتها حسيت انه يحسبني مسوي معه كمره خفيه والحمد الله على كل حال شي بسيط ومر على خير

انا اطرف موقف صار لي هو :-

في احد المرات اصابني اكتئاب شديد جدآ فقررت الذهاب الى مستشفى الامل للعلاج ،المهم رحت لمستشفى الامل وكان زحمه وكل شوي يجيهم واحد مريض جدآ ويمسكونه بالقوه ويبطونه ابره منومه وينام ويدخلونه داخل المستشفى ،،، يوم شفت الموضوع كذا اصابني خوف شديد وقلت الله يستر مايمسكوني بالقوه ويضربوني ابره وحطيت رجلي وانا خايف ونسيت موضوع الاكتئاب.

شكلك من الموقف هذا طبت مشاء الله عليك ههههههههه

وعليكم السلام ورحمة الله

أنا فيني رعشة تجي لجسمي كله احيانا المهم مره كنت بالمسجد اصلي القيام برمضان وبالفاصل قلت خلني

أتسند فحطيت راسي على رجلي ومادريت الا وانا ارعش وجنبي حرمة انهبلت نسيت وش قالت

بس خافت علي وانا اصرف الموضوع ههههههههه الحمد لله حتى يبلغ الحمد منتهاه


وبالنسبة للاعضاء اللي يستغربون من ان المكتئب تصير له مواقف طريفة ليش عادي

اشياء بسيطة لكن تعتبر ظريفة تفائلووو وسعو صدوركم


وشكرا ع الموضوع الرائع

مسكينه الحرمه الي جنبك ههههههه
صادقه والله أنا يجيني أكتئاب ما يعلم فيه الله بس وش خلاص مره اقفلها في وجهي يعني اسكر كل الأبواب وحرم الضحكه علي
بالعكس تمر مواقف ومواقف طريفه وفي حالة الهدو تتذكر وتقول كيف مر علي الموقف عشان كذا لازم الواحد يتفاول خير لأنه خير ومرحلة يبتلي فيها العلي القدير عبده وتمر بإذن الله وهاشي لازم نزرعه بأختيارنا أو غصب عنا ومال الواحد غير الصبر ورضى وربي ما يخليه أحد من عباده

هههههههههههههههههههههههههههههه

حلوه كل شوي يجي واحد ويبطونه ابره
هههههههههههههه