طريقة عمل الحواوشى البيتى بالعجين وبالخبز

طريقة عمل الحواوشى البيتى بالعجين وبالخبز

طريقه عمل الحواوشى:
المقادير: للحم
1- نصف كيلو لحم فيه دهون حسب الرغبه مفروم او مقطع قطع صغيره حسب الرغبه
2- نصف كيلو بصل مقطع مكعبات صغيره
3- ملعقه صغيره فلفل اسود
4- مكعب مرق دجاج
5-فلفل اخضر مكعباب حار او بارد حسب الرغبه
6-حبه طمام مكعبان
7-ملعقه كمون كبيره
ملح حسب الرغبه
المقادير:للعجين
1-كوبين دقيق
2-ماء
3-رشه ملح
4-ملعقه خميره فوريه صغيره
الطريقه:
اول حاجه هتعملها هى العجين
هنضيف الدقيق والملح والخميره ويفضل انك تدوبى الخميره فى شوية ميه صغار وتضيفيهم الاول على الدقيق فى وعاء وهنضيف باقى الميه عليه بالتدريج وتعجنيهم لما قوام العجينه يكون طرى وقابل للفرد
وبعدين نغطيها ونسيبها فى مكان دافى لمدة ساعه لحد ما تخمر
ونعصج اللحمه
هنحط اللحمه على النار ونضيف عليها باقى المكونات البصل والفلفل والبهارات ..الخ
ونقلب فيها شويه وبعدين نسيبهم على النار ربع ساعه كمان لما المكونات تاخد شويه سوا
وبعد ما العجين يخمر نفرده ارغفه متساويه الحجم
وبعدين هنفرد رغيف ونحط الحشو فى النص ونبل حواف الرغيف بالميه ونقفل على الحشو برغيف تانى ونلزق حواف الرغيفين بالميه
وممكن تدهنى وش الرغيف بالزيت بس او تضربى بيضه وتقلبيها مع شوية زيت وتدهنى بيه الوش
وتحطيهم فى صينيه وتحطيها فى الفرن على درجة حراره متوسطه
لحد ما لونهم يحمر




ولو حابه تعمليه بالعيش
افتحى رغيف العيش من الجنب فتحه صغيره ودخلى الحشو منها فى نص الرغيف وبعدين حطى معلقه زيت فى القلايه وحمريه ويفضل انك تضغطى على الرغيف بالمعلقه او بالهراسه علشان يتحمر بشكل متساوى وخلى النار هاديه وانتى بتحمريه علشان بيتحرق بسرعه

وممكن تدهنى الرغيف بالزيت وتحطيه فى الفرن يتحمر
وتقدميه سخن


وبالف هنا وصحه

* لـولـيـتـا * معجب بهذا

المصدر: نفساني

و اخيرا الحواوشي وصل ههههههه
العيش البلدي حيكون ناشف في الفرن لانه سميك
ينفع اعمله بالعيش اللبناني ؟ بس اظن حتى دا مش حيستحمل
انا كنت باحسب اللحمه تنحط بدون ما تتعصج يعني ني في ني
و كله يستوي مع بعضه.
هوا اكيد بالعجين اطيب بس الاسرع اللي بالعيش.

يعطيكي العافيه يا قمر تسلمي 🌹

* لـولـيـتـا * معجب بهذا

اكيد بالعجين اجمل
احنا بنعمله فى مصر بالعيش البلدى وبيكون روعه بس لازم تدهنيه زيت
اما العيش البلدى بتاعكو بصراحه معرفش اذا ينفع او لا
بس التجربه حلوه جربيه كل مره بنوع مختلف وبعدها شوفى الافضل الك
ممكن متعصجيش اللحمه وتعمليه نى فى نى بس فى العجين بس
وانا بفضل اسويها نص سوا علشان المكونات تتخلط مع بعضها كويس وكمان يكون مضمون انه يكون مستوى كويس لانه مبياخدش وقت كتير فى الفرن واللحمه بتحتاج وقت كتير

* لـولـيـتـا * معجب بهذا

شاف جديد معنا بالملتقى ،، يا اهلا و سهلا بالحواوشي

يعطيك العافية اختي

اهى حياه وهتعدى معجب بهذا

المشاركة الأصلية كتبت بواسطة أمل الروح

شاف جديد معنا بالملتقى ،، يا اهلا و سهلا بالحواوشي

يعطيك العافية اختي

مش شيف حبيبتى دى وصفات بيتى على قدى هههههههههه
انا بحب الطبخ



الله يعافيكى يا قمر

أمل الروح معجب بهذا

المشاركة الأصلية كتبت بواسطة اهى حياه وهتعدى

مش شيف حبيبتى دى وصفات بيتى على قدى هههههههههه
انا بحب الطبخ



الله يعافيكى يا قمر

بما انك تحبي الطبخ فأنت شاف بعيوني انا على الأقل

قدام الشاف لوليتا رح نستمتع بوصفاتكم

و يمكن تشجعوني أشارككم

موفقة عزيزتي

اهى حياه وهتعدى معجب بهذا

الله يوفقك حياتى
تسلميلى

المشاركة الأصلية كتبت بواسطة اهى حياه وهتعدى

اكيد بالعجين اجمل
احنا بنعمله فى مصر بالعيش البلدى وبيكون روعه بس لازم تدهنيه زيت
اما العيش البلدى بتاعكو بصراحه معرفش اذا ينفع او لا
بس التجربه حلوه جربيه كل مره بنوع مختلف وبعدها شوفى الافضل الك
ممكن متعصجيش اللحمه وتعمليه نى فى نى بس فى العجين بس
وانا بفضل اسويها نص سوا علشان المكونات تتخلط مع بعضها كويس وكمان يكون مضمون انه يكون مستوى كويس لانه مبياخدش وقت كتير فى الفرن واللحمه بتحتاج وقت كتير

عندنا كل انواع العيش و الفطير المشلتت و العيش البلدي المصري مخبوز بايدي مصريه و بالرده كمان بينعمل عندنا في كل المخابز و اغلب اهل الحجاز بيحبوا العيش المصري دا و بنسميه عيش بلدي برضو زي مانتم مسمينه انا باحبه في الفته و مع الملوخيه بس مابحبه مع السندوتشات الان في مصر انتشر العيش اللبناني و السوري لاحظت اخر مره اما نزلت
بس صدقتي بالعجينه احلى و اللحمه نيه نص نص افضل و الطبق دا حلو على فطور شهر الصيام ربنا يبلغنا رمضان على خير.
شكرا لك عزيزتي.

امين يا رب العفو حبيبتى