التصالح مع النفس

التصالح مع النفس

مساء الخير على الجميع
كثير مننا بالذات من هم يمرون باوقات نفسيه عصيبه ياخذه التفكير بحالته واسبابها ويبحث عن مخرج
اهم اسباب الخروج من حلقة الاكتئاب والضيق هو التصالح مع الذات تصالح مع ذاتك راح تلاقي طرق كثيره انفتحت وانت ماكنت تدري عنها او مو شايفها .. من طرق الوصول للتصالح مع الذات امثله :
١_ ابتعد عن مراقبة الناس ومقارنتهم بنفسك .
٢_ ارضى بشكلك بوضعك الاجتماعي والمادي والصحي مهما كان يمكن فيها صعوبه لكنها مع البرمجه والاصرار راح توصل .
٣_ ابتعد عن المشاحنات وفرض الرأي يعني لما تشوف المناقشه طالت قفل الموضوع وقول للطرف الاخر انت حر وانا حر وهذي قناعتك وهذي قناعتي وخلاص .
٤_ تذكر دائما انك انسان وانك مكرم من رب العالمين .
٥_ تأكد ان حسن الظن بالله راح يوصلك لاكثر من طموحاتك وتأكد ان بعد كل ليل طويل مظلم صبح .
٦_ابحث في نفسك دائما عن ايجابياتك وصلح سلبياتك وماهو عيب ابدا لأن كل انسان فيه سلبيات لكن الذكي من بحاول يصلح من نفسه .
٧_ لاتنشغل في الخلق ابدا ابدا ابدا .
٨_ لاتكثر التشره والزعل على الناس سواء اهلك او اصحابك كثر العتب والزعل ينفر الناس مهما كانو قريبين .
٩_ تذكر انك انت بعد لك عيوبك فلا تحاول تتطفل على الناس بتوجيههم
١٠ _ لاتتدخل في الناس واخلاقياتهم وعاداتهم وتتلقف عليهم وتذكر اننا في المملكه حفظها الله مناطق متراميه وعادات مختلفه واطباع وبيئات متعدده لذلك عليك بنفسك واهل بيتك فقط .
١١_ تذكر دائما ان الله اعطى لكل انسان نعمه ابحث عنها وستجدها واشكر الله عليها تزيد .
١٢_ ابتعد تماما عن التذمر هو اللي يجلب النحس والفشل والحياه الكئيبه لأني لاحظت ان هناك شخصيات كئيبه بطبعها غير راضيه مايعجبها العجب وخذها قاعده ان الانسان مراية نفسه مثل مايشوف بمرايته تكون حياته .
يارب التوفيق للجميع والسعاده

صابر معجب بهذا

المصدر: نفساني

نصائح جميلة
الله يوفقنا وياك

الله يفتح عليك ما شاء الله تبارك الله قمة الابداع والتميز

يالها من نصائح كل مرء يحتاجها
لاتحرمنا من جديدك

مشكورين اخواني اندريه ومحمد البدراني وصابر ..
هي خلاصات الحياه استنتجتها بعد سنين فيه اشياء من طبعي واشياء كثيره قلت ياليت وياليت ماصار وياليت ماسويت .
الله يوفق الجميع ويسعدكم سعاده ابديه