يلا نضحك ونفرفش

يلا نضحك ونفرفش

احلى مساء
جايبه الكم شويه نكت بتجنن



محشـّـش يسأل زوجته :


وش تفكـّـرين فيه ؟
قالت :
نفس اللّي تفكـّـر فيه !
قال :
الله ياخذك .. بتتزوّجين عليّ ؟!!

*****************

وحده تقول لزوجها :
إذبح خروفين بمناسبة مرور 10 سنوات على زواجنا ..
قال :
وش ذنب الخروفين في غلطة إرتكبها حمار ؟!!


*******************************

رجاجيل بإستراحة قال لهم واحد :
اللّي يخاف من زوجته يقعد في الجهة اليسار ..
كلـّـهم قاموا إلاّ واحد !
قال له نفس الواحد :
إنت ماتخاف من زوجتك ؟!
قال :
هي قايلة لي قبل ما أروح الإستراحة (( روح الإستراحة بس إن تحرّكت من
مكانك .. لعنت والدي والديك ))


****************************************

فيه محشّش يركض منحاش ،
سألوه : ليش ؟
قال : ياخي افرض صار شيء فجأة !

********************************************

سواليف السعوديين على الأكل /

1ـ لاتتاغر .
2ـ سكر فمك وأنت تاكل .
3ـ لاتناشق ولاتلمس خشمك .
4ـ كل صحنك .
5ـ الله يقرفك لاتطلع صوت وأنت تاكل .
6ـ شف كبيت اللبن .
7ـ شوي شوي الصحن موب طاير .
8ـ يابنت عليك المواعين اليوم .
9ـ كل من مكانك .
10ـ فلاااان حطينا الغدا .!

***********************************************

مدرس في التحفيظ يسمّع للطلاب ..

راح للأول وقال له : ما اسمك ؟
رد : إبراهيم ..
قال : اقرأ سورة إبراهيم .
راح للثاني : ما اسمك ؟
رد : محمد ..
قال : اقرأ سورة محمد
راح للثالث : ما اسمك ؟
رد : اسمي يوسف بس يدلعوني كوثر !!

********************************************

سعودي يقول لخويه : نفسي أتزوج لبنانية ، لأن اللبنانيات مثل التفاح ... وإلا
سورية لأن السوريات مثل الخوخ ..
رد عليه : التفاح والخوخ يومين ويخربون .. خذ لك سعودية مثل (التمرة) خمسين
سنة ماتخرب !!
انشر تؤجر ( حملة جبر الخواطر )

************************************************** **

* أكاذيب الحريم :

1 عيالي ما يأكلون
2 زوجي يموت فيني
3 تزوجت لأني حلوة
4 الحمل خرّب جسمي
5 محد يصبر صبري
6 كل ما رحت عرس خطبوني
7 من يشوفني يقول صغيرة
8 محد يصدق إن هاذي بنتي
9 من أمس ما رقدت إلا ساعة
10 حملت بالغلط

*****************************************

محشش يقول للدكتور : أنا عندي مشكلة .!

قال الدكتور : إيش هي ؟!
قال : أكلم ناس بس ماأشوفهم .!
قال الدكتور : متى تجيك الحالة ؟!
قال المحشش : إذا كلمت بالتليفون .


*****************************************


للحياة معنى ،
ومعنى الحياة بحروفها ،
وحروفها ست ،
وست يعني حرمة ،
والحرمة تبي رجال ،
والرجال يبي عيال ،
والعيال يبون حليب ،
والحليب عند البقر ،
والبقر يبي حشيش ،
والحشيش يخليك مدمن ،
والمدمن يصير مروج ،
والمروج يروح السجن !
الاستنتاج /
السجن هو مصيرك إذا دخلت حياتك حرمة .
"تحليل محشش"

******************************************

* مراحل نمو المرأة السعودية :

طفلة معقدة
مراهقة مكبوته
شابة مكروفة
زوجة مقهورة
ام صبورة
عجوز ملقوفه !!


* مراحل نمو الرجل السعودي :


طفل جني
مراهق متهور
شاب صايع
زوج خاين
اب مهمل
شايب يطفي اللمبات !!

*****************************************

ا الثلاجة السعوديّة
* رز من أمس
* حبحب بكيس
* علبة ببسي مشروب نصفها
* شطة ضايع غطاها
* لبن منتهي تاريخه
* أسكريم مدسوس ورا اللحم
* مرّة منقعة في فنجان
* مويّة مقري فيها

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههه

المصدر: نفساني

خخخخخخخخخخخخخخخخخخخخخخخخخخخخخخخخخخخخخخخخخ

فطست ضحك الله يسعدك

اما هذي تحفة يكفي انه التمر ثمرة مبروكة

سعودي يقول لخويه : نفسي أتزوج لبنانية ، لأن اللبنانيات مثل التفاح ... وإلا
سورية لأن السوريات مثل الخوخ ..
رد عليه : التفاح والخوخ يومين ويخربون .. خذ لك سعودية مثل (التمرة) خمسين
سنة ماتخرب !!
انشر تؤجر ( حملة جبر الخواطر )