|
حد جرب مضادات الذهان لعلاج القلق أو الوسواس والاكتئاب
السلام عليكم، شكراً لحضراتكم جدآ
أنا صاحب الاستشارة رقم 2410373 ، أنا فعلاً ذهبت للدكتور النفسي اللي كنت بتابع معاه قبل كده وحكتلوا كل حاجة وقاللي فعلاً ده مش فصام لأن مرضى الفصام بيكونوا غير مدركين أصلاً وكتبلي برشام إسمه سيكولانز 25/6 ولما جيبت البرشام وقريت عنه عرفت إنه مضاد للذهان فخوفت جدآ إن الدكتور يكون مخبي عليا بالقصد إني أعاني من أعراض ذهانية، فذهبت له تاني وسألته إن حضرتك قولتلي إن معنديش فصام واللي عندي قلق نفسي وإكتئاب ليه حضرتك كاتبلي برشام مضاد ذهان مع إنك ف كل مرة بتكتبلي مضادات قلق وإكتئاب، قاللي بالفعل أنا عند رأي وإن أنت عندك قلق وإكتئاب ومفيش فصام ولا أعراض ذهانية خالص، وإن إحنا كدكاترة أحياناً بنكتب مضادات ذهان بجرعات محدده لمرضي القلق والوسواس والإكتئاب وأنا شايف إن الدوا ده مناسب لحالتك جدآ.
فهل كلام الدكتور صحيح؟ ولا ممكن يكون مخبي عليا بالقصد؟ وهل فعلاً مضادات الذهان اللي زي سيكولانز بتتكتب لعلاج القلق والٱكتئاب؟ وليه الدكتور كتبلي الدوا ده تحديدا وهل هستمر ع الدوا ده قد إيه؟
|
02-08-2019, 06:04 AM
