|
الطبيب والأدوية المقيدة (المهدئات)
باختصار. كان عندي قلق سبب لي حالة هلع ووسواس من المرض
الحمدلله خفت الحالة كثير بفضل الله ثم بفضل الأدوية ولا أنسى فضل كثير من اللي في هذا المنتدى ونصائحهم (ابن دايم ولا يهونون البقية)
حالياً أتابع عشان اخفف جرعة مضاد القلق واخذ مهديء الفاليوم عند الحاجة أو المواقف الحرجة
مشكلتي مع الطبيب اني خجول واذا صرف لي مضاد القلق وقلت له : هل ممكن تصرف لي معه مهدي عشان الاوقات الحرجة ..يروح يكتب لي دوغماتيل مثلاً ويقول هذا كويس او يكتب اندرال …فأخجل اني اقول له اني احتاج مهديء اقوى لأني مابي ينظر لي اني مدمن وجاي اترجاه عشان الوصفة المقيدة
أتفهم ان الدكتور حريص على المريض وما يبيه يدمن واتفهم انه يمر بحالات اشخاص فعلاً يهمهم المهديء عشان المزاج وليس العلاج …لكن المفروض انه يسأل ويقيم الشخص ويشوف استهلاكه للمهدي (انا مثلا تجلس معي علبة المهديء 3 شهور اقل شي)
الطبيب لازم يعرف انه يتعامل مع شخصيات مختلفة فيهم اللي نفسه تعز عليه انه يكون لحوح وفيهم اللي فيه حياء …المفروض يعطي من وقته عشان يقدر مدى احتياج الشخص وماينتظر ان المريض يلح عليه وبعدين يكتب له
وش رايكم؟
|
22-06-2022, 06:56 PM
