شفيت من الهلع ووساس الموت وتبقى أمر واحد مزعج!

شفيت من الهلع ووساس الموت وتبقى أمر واحد مزعج!

السلام عليكم ، كيفكم اخواني عساكم بخير ، ربي يشفي كل انسان مريض يعاني ، انا عانيت من نوبات الهلع ووسواس الموت والحمدلله انني شفيت وعلاجي كان هو الإيجابية في الحياة و التفكير المنطقي و بدون أدوية ولله الحمد

وقريباً سأكتب ان شاء الله تفصيل عن طرق وأفكار وخطوات التخلص من الهلع والوسواس حسب تجربتي الشخصية

ولكن تبقى امر واحد لم اجد له حل وهو دوخه خفيفه مزعجة ملازمه أغلب الوقت يتبعها خفة أعلى الرأس و عدم تركيز ، تزيد بعد الأكل وعند التكلم مع شخص (اثناء الحديث)

علماً انها اصابتني عندما أصبت بنوبات الهلع ووسواس الموت والان انا لم اعد اعاني من النوبات ابداً ولا وسواس ولكن بقيت هذه الاشياء المزعجة وفحوصاتي العضوية سليمة والحمدلله

هل من حل حسب تجاربكم ؟

المصدر: نفساني

هلا بك مستر نشمي
انا نفس حالتك بالضبط الهلع تقريبا اختفى لكن هالدوخه اللي تزعجني وعدم توازن والفحوصات سليمه وسألت الدكتور قال سببها القلق قلت له مافيه شي مقلقني قال قلق مترسب من فتره وكلامه صحيح .. اخوي مستر تحس بألم باكتافك ورقبتك من ورا ؟ طبعا الاسترخاء مفيد للقلق لكن لما اغمض عيني احس بدوخه خفيفه .
الله يطمنك ويطمنا جميعا

حياك الله اخوي
طبعا كانت فيني زمان وبشكل متعب سويت كل التحاليل والفحوصات
لين عرفت ان سببها نفسي وهو القلق
القلق النفسي ماهو القلق اللي انت تعرفه مثل ماقالت قطرات قلق مترسب وشخصيتك اصلا قابله للقلق
عن نفسي تعلمت كيف اتعامل معها وكانها غير موجوده ولله الحمد لما خذت العلاج زمان اختفت
بالتوفيق

بن دايم الله يجزاك كل خير دايم تطمنا الله يطمن قلبك .
بن دايم بسألك هل لما اخذت العلاج اختفت الدوخه وعدم التوازن تماما والا خفت ؟

المشاركة الأصلية كتبت بواسطة قطرات الندا

بن دايم الله يجزاك كل خير دايم تطمنا الله يطمن قلبك .
بن دايم بسألك هل لما اخذت العلاج اختفت الدوخه وعدم التوازن تماما والا خفت ؟

في البدايه خفت بعدها بديت اعلم نفسي كيف اتعامل معها بعدها صارت ماتهمني نهائيا
للمعلومه التركيز على الدوخه يزيدها 50٪

بن دايم بالبدايه خفت وبعدين رجعت وصرت ماتهتم فيها والا شلون ؟ مافهمت عليك

المشاركة الأصلية كتبت بواسطة قطرات الندا

هلا بك مستر نشمي
انا نفس حالتك بالضبط الهلع تقريبا اختفى لكن هالدوخه اللي تزعجني وعدم توازن والفحوصات سليمه وسألت الدكتور قال سببها القلق قلت له مافيه شي مقلقني قال قلق مترسب من فتره وكلامه صحيح .. اخوي مستر تحس بألم باكتافك ورقبتك من ورا ؟ طبعا الاسترخاء مفيد للقلق لكن لما اغمض عيني احس بدوخه خفيفه .
الله يطمنك ويطمنا جميعا

هلا ( قطرات الندا)

بخصوص الم الرقبة لا ما عندي بس احيانا الظهر من الاعلى يالمني شي بسيط
انا بصراحة ما كتبت هالموضوع الا انه هالشيئ مزعج ( مؤذي ) ليس من ناحية ألم ولكن يتعكر المزاج بسببها ووحدها كافية هالدوخة الخفيفة انها تجيب الاكتئاب للشخص ولكن بإذن الله سأجد حل نهائي لهذا الامر
والدكتور الي قال لك انه قلق مترسب نعم هو صادق واعتقد انه علاجها مسألة وقت فقط لاغير,, لانه لا يوجد لها سبب منطقي واساساً هذه الدوخة لو نركز فيها قليلاً سنعرف انها مختلفة عن الدوخة العادية التي يعرفها الجميع .
سؤال عندك شعور بخفة أعلى الرأس خصوصا لما تزيد هذه الدوخة ؟

ايه اخوي نشمي خفه وكأنه بيغمى علي او ثقل على الراس وشد واحيانا نبض براسي واحيانا يجيني دوار سريع لمدة ثواني واحيانا اعراض ماعرف اوصفها واحيانا حراره بفروة الراس المهم انها تسبب ضيق وتنكد علي وحتى لو هفت اقعد طول الوقت افمر فيها غصب .
وكل يوم دوخه مختلفه وغريبه ماعرف حتى اوصفها للدكتور

المشاركة الأصلية كتبت بواسطة قطرات الندا

ايه اخوي نشمي خفه وكأنه بيغمى علي او ثقل على الراس وشد واحيانا نبض براسي واحيانا يجيني دوار سريع لمدة ثواني واحيانا اعراض ماعرف اوصفها واحيانا حراره بفروة الراس المهم انها تسبب ضيق وتنكد علي وحتى لو هفت اقعد طول الوقت افمر فيها غصب .
وكل يوم دوخه مختلفه وغريبه ماعرف حتى اوصفها للدكتور

حالتي نفس حالتك ، عندك حساسية من الاضاءة؟ يعني عيونك كأنها ما تتحمل الضوء العالي؟
لانه عيوني تتاثر مع الدوخة مني عارف كيف اوصفها

ههه خلصنا من الهلع وما خلصنا من آثاره ،، الحمدلله

الاضاءه وما ادراك ما الاضاءه صرت اعصب اذا طلعت من انوار السيارات يجيني زي الزغلله .. المهم شي غريب عجيب وكلها قالي الدكتور من القلق الحاد صحيح تخلصنا من الهلع ولكن بقى القلق اللي اذا زاد تحس انك بتمر بنوبة هلع جديده صح ؟

واصلا لو قاعد في امان الله والدوخه مفارقتك شوي تقعد على اعصابك قلقان تفكر فيها خايف تجيك وهالشعور بحد ذاته ينكد عليك كل يومك .. اخوي انت تاخذ ادويه نفسيه ؟ انا ما اخذ ولا دواء عطاني الدكتور برنتلكس بس خايفه ادخل عالم الادويه بصراحه

مزبوط كلامك احس باثر للنوبة (نادراً) (مثل تسارع ملحوظ بالنبضات) لكن ما تاتي ، صار عندي مناعة يعني النوبة ما تكتمل والحمدلله
وبخصوص الادوية لا الحمدلله ما اخذ اي دواء
وموضوع الاضاءة زاعجني -_- يجي ع بالي احيانا اكسر اضاءات البيت ههههه
الحمدلله عكل حال مسألة وقت وتنتهي القصة مثل بدأت .

ايه كأن النوبه تحارشك وتقعد انت بين وبين منت عارف ترتاح وتنبسط ولا انت عارف وش صاير قاعد متوجس منتظر شي .
انا ارتحت لما صرت ما افتح السبوت لايت مره مزعجه وزعت اباجورات بصالتي وارتاحت عيوني كثير لكن من اطلع اتضايق .
الله كريم يعافينا ويرفع عنا هالبلاء

قطرات الندا ومستر نشمي
والله كنت مثلكم زمان حتى النهار اكرهه
ومافي شي اسمه تخلصت من الهلع وبقى اثاره اللي سويتوه انكم قدرتوا تقللون نسبة القلق لكن مااختفى لسه
مشكلتم قلق نفسي تماما

ايوالله عارفه يابن دايم والحل الدواء عسى الله يقويني واخذه