واخيرا : اجريت عملية تدبيس العصب السمبثاوي

ربي يسعدك دوووووووووما
ويحفظك ويحقق لك كل ماتتمنى

أسعد الله أوقاتك بكل خير ملك الإرهاب وش اخبارك؟.... وحشتنا ياغالي ..

انا تمام لكن انتظر الوظيفة على احر من الجمر عشان اقترض واسوي العملية ودعائكم بالتوفيق لنا ولكم يارب
المهم حبيت اتطمن عليك والحمدلله شكل امورك طيبة من زود الى أزود يارب ياكريم ولكل المسلمين دعواتي لك بالتوفيق ياغالي ...

بعد مروح ثلاث شهور م اجراء العملية

النتيج هي : ذهاب الاحمرار والعرق لكن الخوف مازال موجود للاسف ولكن يصعب على الناس ملاحظتة الا انه يبقى مؤذي بالنسبة لي .

مساء الخير على الجميع ..

اخبارك اخوي ملك الارهاب من زمان ما شفتك الحمدلله انك بخير ..

مشكورة اختي اطرائج لي اختي ريم انا بخير والعملية مثل ماسبق وقلت دمرت الاحمرار وقضت عليه ومعه العرق لكن يبقى الخوف يعشعش في صدري يا اختي الكريمة .

الحمدلله على كل حال

اخوي ملك ...

ايش سويت في رئاسة نادي الطلاب ..

كيف الاخبار ان شاء الله انها طيبة ..

يامعوده جيت على راسي سقطت هههههههههههههههه بس زين طلعت الثالث من بين عشره

ما شاء الله الثالث طيب جميل جدا ..

يعني عندك قدرات انك تكون قائد او مسئول ..

ان شاء الله في المرة الجاية باذن الله ..

انا اعتقد انك انسان ما عندك رهاب لكن نظرتك لنفسك هي المشكلة ..

يعني مو المشكلة انو ما عندك قدرات او مهارات بدليل ترشيحهم لك

لكن انت مو قادر تشوف هذا الشيئ و هذا صراحة شيئ يزعل ..

يعني ان شاء الله المرة تمسك المنصب باذن الله ..

المهم خلينا من هذا كله ..... قبل يومين كان عندي برزنتيشن ( البرزنتيشن هو شرح باللغة الانجليزي امام مجموعة من الطالبات والطلاب ).....ودكتورتنا امريكية شديدة الجمال بشكل اسطوري لايصدق .... المهم نادت على اسمي وكان هذا اول مره اشرح فيها برزنتيشن امام المليء والحمدلله ماحمر وجهي ولا حرارة ولا عرق بس ربكة خفيفة لم يلاحظها احد اخذت تسعة ونص من عشره وطلعت الثاني وكلهم قالوا ماشاء الله عليك عندك لغة وطلعت الاول في بحثي لان تكلمت عن موضوع شائك ومتشعب واسهبت فيه مع لغة سليمة .

تصدقين الحين قاعد اتشجع لان نوبة الاحمرار الجنونية ماجتني

طيب عال الحمد لله ..

ريم انتي شنو منه تعانين

اعاني من اكتئاب ..

الحمدلله على سلامتك اخوي ملك

من خلال كلامك فهمت انه العمليه ما تصلح لي لانه الحمدلله ماعندي تعرق ولا احمرار

اللي تعبني وعذبني الخوف تجيني نوبات فجأه عند الناس وارتبك واذا سولف معي احد وقت نوبة الخوف امشي الكلام بس اقول ايه ايه واسكت ويبين علي واحس ابي اطلع من المكان بعدها احس بالفشل واكره نفسي
الحمدلله على كل حال

ملك الرهاب ممكن تتنازلي عن الاسم انت الحين ماعندك رهاب

انا الي رايح فيه .

ووعدك لحافظ على هذا المنصب لين الله يفرجها .

وسوالي هل كان عندك قبل العمليه رعشه عند الوقوف امام الجمهور

وهل زالة بعد اجراء العمليه.

تكف انا في انتظار ردك .

واتمنا انك تقول كانت عندي وبعد اجراء العماليه اختفت . والله لسويه لو 100الف

وتقبل فايق احترامي

سهم / اسمعني الله يحييك ويبقيك لعين(ن) ترجيك .

انا بعد العملية تحسنت بنسبة خمسين بالمية ولو يرجع فيني الزمن اسوي العملية دون تردد . انا قبل صلاص شهور وشوي سويت العملية وقبل اسبوعين كان عندي برزنتيشن بالكلية ( البرزنتيشن اختبار قدام الناس عن طريق الكلام والشرح )..المهم ماطول عليك يالحبيب :
نادت على اسمي الدكتورة : وقمت قدام بالفصل وحطيت لوحتي وشرحت للدكتور والطلاب ماصار معي احمرار ولا صار معي عرق بالوجه وماصار معي ضربات قلب بس كان معي ربكة خفيفةحتى الناس اقسم لك بالله محد لاحظها وطلعت الاول بالفصل في هذا الاختبار . انا طلعت من عقب الاختبار مرتاح نفسيا لاني اشوف اني افضل من ايام ماقبل العملية لاني في ايام ماقبل العملية كان وجهي يصب عرق بشكل جنوني ويشتعل نار كأن في وجهي حريقة عياذا بالله وقلبي يضرب لدرجة احس اني ابموت .

لكن اعيد واكرر ياخوي ترا انا الى الان معاي خوف لكن الخوف قل ولله الحمد بشكل خفيف بس الاحمرار والعرق راح نهائيا وضربات القلب معي خفيفة جدا .

بس شوف طال عمرك : ترا العملية في ناس ماتضبط معهم وفي ناس تضبط معهم وانا واحد من الناس اللي اضبطت العملية في اقتلاع الاحمرار والعرق وخخفت من ضربات القلب بشكل كبير وخخفت من الخوف الداخلي بشكل خفيف والربكة الخارجية لاعضاء الجسم مثل الشفايف والصوت خف بشكل كبير جدا .