|
|
|
 |
|
 |
||||||||
|
||||||||||
 |
 |
 |
||||||||
| ملتقى أصحاب الإكتئاب أكره مرض الإكتئاب بنفس القدر الذي أحب به مريض الإكتئاب .. فهو أرق الناس وأصفاهم وأصدقهم .. و من لا يدمع قلبه حين يعايش مريض الإكتئاب ، فإن قلبه من حجر ، أو أشد قسوة " |
 |
|
|
أدوات الموضوع |
13-10-2012, 03:32 PM
|
#16 | ||
|
عضو نشط
|
اقتباس:
اخوي ابوعلي احترمك كثيرآ رغم اني لا اعرفك ولكني احترم تفكيرك وعقلانيتك ومنطقيتك اوعدك بأذن الله اني افكر جديآ بالذهاب الي الطبيب النفسي بس بعد ما اجرب حشيشة القلب والمود ايد الله يوفقك ويوفقني والجميع لما يحب ويرضى |
||
|
|
14-10-2012, 05:38 AM
|
#17 | ||
|
عـضو أسـاسـي
|
اقتباس:
بس ليتك تقولي وش اسم الشيخ اللي تقصده الأول ؟ |
||
|
|
|
14-10-2012, 08:39 AM
|
#18 | |
|
عضـو مُـبـدع
|
محتري الفرحة كلامك صح بخصوص انه الرقية اصبحت مهنة من لا مهنة له ,,, يضحكون على الناس الا من رحم ربي .
انا رحت حق واحد مرة وحدة وتبت من عقبها , لاني حسيت بجهلي . الرقية هي ان ترقي نفسك لا يضحكون عليكم الناس بعسل مقروء او ماء مقروء او مادري وشو . انت ارقي نفسك , اشتر عسل واقرا عليه او ماء او زيت . اذكر اني شاركت بمنتدى للرقية الشرعية وهو معروف بالانترنت وطرحت مشكلتي وجتني رسالة خاصة من مشرفة من دولة مجاورة ومن مدينة مشرفة تبغي رقمي لتفسر حالتي وانا للياس والاحباط اللي فيني عطيتها رقمي وبالفعل اتصلت فيني وكانت الساعة متاخرة جدا !! وقالت اللي فيني سحر ماكول ,,, ودلتني على واحد من بلدي عشان اروح له وقالت لي اذكر له اسمي .. يعني نصابين درجة اولى ,, ما يخافون ربهم حسبي الله ونعم الوكيل ,, يستغلون جهل الناس . اذا النبي عليه الصلاة والسلام ما كان يعرف انه اللي فيه سحر الا لما نزل عليه الوحي !! والله شي يقهر . |
|
|
|
|
14-10-2012, 10:35 AM
|
#19 | |
|
عضـو مُـبـدع
|
وانبه النساء خاصة ... لانه الجهل مستفحل عندهم وانا اسف لهذه الكلمة لكن الحريم بسرعة ينقص عليهن خاصة في هذه الامور .
|
|
|
|
|
14-10-2012, 11:18 AM
|
#20 | ||
|
عضو نشط
|
اقتباس:
والله هالخزعبلات والترهات تخليني اضحك من قلب ههههه الي يسعدك يابوتركي ممكن سؤال ؟ وش معنى كلمة مخاوي ؟ اوكي انا بجاوب بالي افهمه اعتقد كلمة مخاوي يعني مثلآ فلان مخاوي فلان يعني يمشي معاه ويتبادلون الزيارات يعني اصدقاء طيب السؤال الي يطرح نفسه الان هل فيه احد شاف رشيد يمشي مع صديقه الجني وطاق حكي معاه ههههههه هل في احد شاف الجني حاظر عشا ولا غدا عند رشيد وجالس في صدر المجلس هههههه طيب اثبتو بالدليل القاطع ان رشيد مخاوي جني كلام عواطف ما ابي. ابي اثبات حسي ملموس يثبت هالشي .. طيب لو فرضنا ان الشيخ رشيد مخاوي جني او مجموعة جنون. طيب ليه ماتستفيد منه الدوله ؟ ليه مايطلبون منه يرسل جنونه ع صواريخ ايران الي موجهه للخليج ويدمرونها بدل هالخوف الي عايشين فيه من ايران وتهديداتها ... ليش رشيد مايرسل اخوياه الجنون ل بنك سامبا ويسرقون له كم مليون ويغتني ويرتاح من الرقيه وتعبها ههههه الحين سليمان عليه السلام مو قاله عفريت من الجن انا أأتيك بعرشها قبل ان تقوم من مكانك ؟ يقصد عرش بلقيس طبعآ طيب ليه الجني خوي الشيخ رشيد مايجيب له عرش اليزابيث ملكة بريطانيا ههههههههه طيب بقولكم قصه صارت مع واحد اعرفه معرفه شخصيه وهو الي قال لي قصته بنفسه يقول صاحبنا انه بعد انهيارات الاسهم تعب نفسيآ وجاته حالت اكتئاب وراح ل شيخ يرقيه والشيخ كلكم تعرفونه او اغلبكم. قاله الشيخ انت معاك مس واضح من الاعراض الي عندك المهم جالس ثلاث شهور وهو يقرا عنده وخسر تقريبآ 10 الاف في ثلاث شهور ع العسل والزيت والما والاعشاب وكل يوم رقيه ب 50 ريال. المهم بعد فتره قاله انا متاكد فيك مس لكن يبي له وقت علشان ينطق المهم صاحبنا وسوس وصار ماينام وصار يجلس دايم لحاله راح للشيخ وقاله الاعراض الجديده قاله الشيخ هذا المس بدا ينضغط وراح ينفجر في يوم. المهم عايش ع امل انه في يوم ينطق هالجني بعد فتره تعب اكثر و قال للشيخ شوف لي لحل قاله الشيخ برسلك ل شيخ ثاني صديق لي مخاوي جني مسلم وهو راح يفهمك كل شي المهم راح صاحبنا ل المطوع وصار يقرا عنده وقاله فعلآ معاك مس جني مكابر مايبي ينطق لكن اوعدك مع الوقت اخليه ينطق المهم صاحبنا جلس ع ذا الحال تقريبآ شهرين ووصل لمرحله صار ماينام في اليوم كله الا ساعه او ساعتين المهم اخوه الي اكبر منه قاله انا بروح معاك للشيخ وبتفاهم معاه عاد اخوه الكبير رئيس كبير في شركة ارامكو ومعاه هندسه ميكانيكيه ورجال مثقف المهم راحو للشيخ ويعد الرقيه جلس مع الشيخ وقاله انتو وخويك امرضتوو اخوي وجبتو له الوسوسه وانا راح اشتكيكم ليه تقول لاخوي عندك مس لين صار موسوس قاله الشيخ فعلآ اخوك عنده مس قال خوينا طيب وليه مانطق طول هالفتره. تدرون وش قال له الشيخ ! قال الجني الي داخل جسد اخوك اطرررم ومايسمع ههههههههههههههههههههههههه ااااه يابطني شفتو كيف الاستغلال والجشع الي عند هالجهله النصابين الي يستخدمون عالم الجن والاوهام لاكل اموال الناس بالباطل المهم اخوه الكبير وداه ل دكتور نفسيه في مستشفى فخري في الخبر وعطاه علاج اسمه سبرام والحين الرجال طيب وبخير في شخص ثاني مريض نفسي قاله شيخ في الجنوب في خميس مشيط تحديدآ انت مسحور وسحرك مكتوب ع الكواكب ههههههههه يالله عاد روح كلم وكالة ناسا يرسلون رائد فضاء يبطل السحر حقك ههههههههه يا اخوان ابي منكم شي واحد بس ! ناظرو في كل الي يدعون انهم مشايخ ويرقون الناس. هل فيهم دكتور ؟ هل فيهم مهندس ؟ هل فيهم رجل اعمال ؟ هل فيهم اديب ومثقف ؟ ليش اغلب الي يمتهنون هالمهنه اغلبهم جهله ومامعاهم شهادة كفاءه ؟ لانها مهنة من لا مهنت له اخواني بقولكم قصتي لعل الله ينفع بها انا خسرت في الاسهم مبالغ كبيره مره وبعد خسارة الاسهم بسنه صارت لي مشكله اضغتني نفسيآ لمدت 7 شهور تقريبآ المهم اني تعبت نفسيآ مرره وطبعآ مثل اي مواطن سعودي اول مايتعب نفسيآ اول شي يفكر فيه المشايخ او بمعنى اصح الرقاه. المهم اني رحت ل راقي وجلس يقرا علي وقال لي معاك عين قويه طبعا شريت عسل وزيت وما واعشاب وغيره. المهم جلست اقرا عنده تقريبا شهر وتعبت نفسيا اكثر لان جو الرقيه والناس الي تصايح والي ينصرعون يجيب الاكتئاب. قلت له ياشيخ انا تعبت اكثر وانا جايك ادور الراحه. قال هذا مو انت الس يتعب هذا الجني قلت الله يعين. استمرينا ع هالوضع وفي يوم من الايام. جلس يقرا علي وركز عيونه فيني وطيرها انا بصراحه خفت وقام قلبي يضرب بسرعه وقلت في نفسي خلاص انا بنصرع وبينطق الجني وانفضح قدام الناس المهم حسيت بتوتر شديد وقلق وضيق في النفس وصرت اخذ النفس بسرعه بسرعه ل حد ما تشنجت. قام صب علي ماء مقري فيه وقال لي هذا الجني بدا يتاثر شفت كيف ماتاثر الا بعد شهر ونص لانه عنيد انا بصراحه صدقت المهم صرت كل يوم ع ذا الحال اذا جيت الرقيه توتر شديد قلق ضيق نفس تنفس بسرعه ثم تشنج. وفي يوم من الايام جلست مع نفسي وقلت انا لازم اوضع حد لهالموضوع كلمني واحد من اخوياي شمري بالصدفه وحس ان صدري ضايق قال لي وش فيك قلته له ياولد السالفه كذا وكذا. قال لي تعال لي في البيت ابيك ضروري المهم جيته وعطاني كتاب عن القلق والتوتر واعراضه قال اخذه واقراه جلست الليل كله اقراه لقيت ان القلق والتوتر اذا صار شديد مره يجيب ضيق نفس وتسارع في نبضات القلب وتشنج. قلت في نفسي اهااااا يعني انا يوم الشيخ خزني بعينه وطيرها فيني جتني افكار اني راح انصرع وينطق الجني واطيح قدام الناس وانا اساسآ متوتر من جو الرقيه ف زاد القلق والتوتر وضاق النفس وزادت نبضات القلب وجاني التشنج. وحسيت اني فهمت حالتي من بكره رحت للشيخ جلس يقرا وسوا نفس الحركه الس يسويها دايم طير عيونه وخزني قلت في نفسي انا مافيني شي مافيني شي مافيني شي. والله العظيم يا اخوان ماجاني لا ضيق نفس ولا نبضات قلب ولا تشنج. بعدها تاكدت انها مجرد اوهام. وزادت ثقتي في نفسي و ارتحت. المهم جلسنا ع ذا الحال اسبوعين وبعدها قلت للشيخ وين الجني ماعاد فيه تشنج ونبضات قلب ولا غيره. قال لي شكله تعب وطلع منك و ان شاء الله مايرجع لك. ضحكت باستهزأء وقلت له لا شكله قاطع اشاره ومسجون وبعد ثلاث بيطلع. قام الشيخ يضحك ضحكه مجامله وحس اني فهمته. ومن يومها قررت ما اروح للرقاه وارقي نفسي بنفسي. والله ثم والله ثم والله اني بعد ما بعدت عن الرقاه ارتحت نفسيآ وبديت ارجع ل طبيعتي تدريجيآواسترد عافيتي. تدرون ليه ؟ لان عقلي ارتاح من الاوهام والتفكير اليومي كنت كل يوم افكر انا فيني حسد لا لا شكلها عين لا لا الشيخ يقول مس عنيد. لا لا لا يمكن سحر. ومن هالافكار لين ضعف تركيزي وزادت حالتي سوء و زاد الاكتئاب في النهايه نصيحة اخو لكم لا تأجرون عقولكم لأحد مهما يكون وخلك واثق من نفسك وتفكيرك و اتبع مايمليه عليك عقلك مو عاطفتك وتاكد ان الراقي مو افضل منك بشي بالعكس يمكن انت افضل منه بكل شي لكن الفرق انك مبتلى وهو معافى وحتى الدكتور النفسي مو افضل منك الا بتخصصه فقط حتى عالم الفلك مو افضل منك الا بتخصصه حتى عالم الكيمياء مو افضل منك الا بعلمه فقط يمكن انت افضل من كل هؤلاء في باقي امور الحياه حتى رئيسك في الدوام مو افضل منك الا في الكرسي الي هو جالس عليه يمكن انت افضل منه في برك بوالديك افضل منه بمحبة الله لك افضل منه بمحبة الناس لك. افضل منه بثاقفتك بمعرفتك افضل منه بامانتك وصدقك ازرع الثقه في نفسك واعتز بشخصيتك مهما تكون عندك من نواقص لان مافي احد كامل الا الله سبحانه لا تخاف من الدخول على اي مسؤل مهما يكون ابعد عنك كل الافكار السلبيه طور من نفسك في كل شي. شوف انت وش هوايتك وحاول تنميها وتطورها لا يقف طموحك عند شي تقبل نفسك وشخصيتك كما هي لا تحمل نفسك فوق طاقتها لانك لن تخرق الارض ولن تبلغ الجبال طولا اسئل الله العظيم ان يكتب لناجميعآ خير الدنيا والاخره وان يتم علينا نعمة الأيمان والصحه في الأبدان والأرواح اسف ع الاطاله |
||
|
|
|
14-10-2012, 02:30 PM
|
#21 | |
|
عـضو أسـاسـي
|
اخوي بالنسبه للشيخ ارشيد العنزي انه مو بس شخص حالتي حتى الوالد اول ماشافه قاله انت عندك إلتهاب بالمفاصل وفعلاً ابوي عنده التهاب بالمفاصل ..
عموماً بغيت اسألك وش اسم الدكتور اللي في مستشفى فخري لأني ابحث عن اي طبيب كويس ويخاف الله في الشرقية لأن بيني وبينك صعبه اضرب مشوار للرياض لأن عيادة مطمئنة هي الأفضل وجربت رحت لهم من قبل لكن انا يبيلي متابعة.. بالنسبة لقصتك مع بدايتك للرقاة انا فعلاً حدث معي نفس الشي بس ماكنت اتشنج كان يجيني تسارع نبضات قلب واحس اني مكتوم لأني اكون انتظر حالي حال المتواجدين واقول اكيد الحين بيصيرلي مثلهم, وانا كنت اروح عند الشيخ ابو حبل, على فكره كويس انك تكتب اسماء المشايخ مادمت واثق من نفسك وكلامك .. الشيخ ابو حبل ممتاز لكن الله يهديه عطاني عسل فيه خلطة ويسميها خلطة الكبد , وهالخلطة سببت لي جفاف لأن الله يعزك كان يجيني اسهال شديد يومياً لمدة شهر ونهاية الشهر ماكنت اكل كويس وتسببت في نقص البوتاسيوم وجاني تسارع شديد في القلب وحرارة ودخلوني عناية مركزه وحوسه ولما قلتله قالي هذي نكسه وحاول تستمر, وبيني وبينك بكل امانه لما استمريت معه قبل هالنكسه كنت احس بإرتياح لكن بعد مانتكست شوفني الحين طلعت من شغلي وصارت تجيني دوخه وعدم توازن وتعودت على دوا القلب يهدي النبضات, والحين جالس ابحث عن طبيب نفسي متمكن .. عموماً اتمنى لو تذكرلنا اسم الطبيب اللي في مستشفى فخري, وجزاك الله خير |
|
|
|
|
14-10-2012, 03:37 PM
|
#22 | ||
|
عضو نشط
|
اقتباس:
اول مايجيني المريض اناظر فيه اذا واضح عليه الاكتئاب اقوله ياخي انت تحس بضيقه صح وتحس بعد بصداع صح وبعد تحس بضعف تركيز وعندك الالام في المفاصل وعندك ارق ماتنام عدل وبعد عندك الالام في الرقبه و اوقات تجيك الالام في جهة صدرك من يسار وتحس قلبك مقبووض طبعآ مريض الاكتئاب تمر عليه هالاعراض او ع الاقل جزء منها وشي طبيعي بيقول هذا اكيد مخاوي ولا وش دراه بالاعراض الي تجيني واذا جاني واحد يشتكي من الخوف. بقوله انت تحس في احد وراك يراقبك صح وبعد اوقات تحس كأن في صوت يناديك صح واحيانآ وانت نايم تفز من نومك خايف ومفجوع صح. طبعآ اكيد واحد من هالاعراض مرت عليه واكيد بيقول هذا شكله مخاوي ولا وش دراه عن الاعراض الي تجيني طيب انا اتحدى اتحدى اتحدى اذا في احد سمع الشيخ رشيد يصرح ويقول ويعلن بصريح العباره انه مخاوي جن. مافي احد سمعه يقول هالكلام. طيب من الي قال انه مخاوي ؟ طبعآ الناس الي يتعالجون عنده وليه قالو عنه مخاوي ؟ لانه يعدد لهم بعض الاعراض الي تجيهم وهذا شي طبيعي جدآ الحين انت لما تروح دكتور باطنيه وتشرح له اعراض معينه عندك مايقولك مثلآ معاك قولون او مشتبه بجرثومة معده ويبدا يسوي لك تحاليل. طيب ليه شك ان فيك هالمرض ؟ لانه دايم تمر عليه نفس حالتك وصار فاهم هالاعراض وغير كذا هو دكتور طيب دكتور المسالك او اي دكتور لما تمر عليه وتقول له احس بوجع في رجولي واحس رجولي تنتفخ من تحت. وش بيقول لك ؟. ع طول بيسوي لم تحاليل املاح لان الاملاح هاذي اعراضها نفس الشي مع الشيخ رشيد وباقي المشايخ الي الناس يقولون عنهم مخاوين جن هم مع الخبره والسنين صارو يعرفون اعراض كل شي وكل مايقولون ل شخص انت فيك كذا قال بس هذا شكله مخاوي وقامو الناس يتناقلون هالاشاعه والله يالشيخ رشيد لو يطلع في قناه تلفزيونيه انه ل يستحي انه يقول مخاوي جن لانه يدري ان الناس الفاهمه الواعيه بتضحك عليه انت تقول الشيخ ابوحبل ممتاز صح ؟ طيب والعشبه الي مع الخلطه ماجابت لك جفاف وبغت تذبحك ؟ ياعزيزي هذولا ناس جهله لا علم ولا ثقافه ولا تجارب ولا بحوث الطب ماينتج علاج الا بعد بحوث علميه دقيقه وتجارب ومع ذلك بعض الادويه تطلع فيها عيوب وتسحب من الاسواق ويجيني ابو حبل ولا غيره يسوي خلطات ومدري وشو. طيب افرض ان خلطته ملوثه وتجرثم دم المريض من المسؤل ياعزيزي في واحد عنزي عطته عجوز خلطت اعشاب للقولون جابت له الفشل الكلوي قسم بالله فيه رجال راح ل عجوز تعالج بالادويه الشعبيه ومعروفه مرره خاصه اهل قطر يعرفونها مره. والرجال معاه سكر عطته عسل مع خلطه والرجال متعلم وفاهم راح للمختبر وعطاهم العلاج بعد نص ساعه قالو له هذا عسل مخلوط معاه علاج السكر الي يباع في الصيدليه ههههههههه ذكيه هالهعجوز تدق حبوب السكر وتطحنها وتحطها مع العسل وتبيعها وطبعآ مريض السكر بيحس بتحسن واشتهرت هالعجوز هههههههه بلا رشيد بلا ابوحبل بلا رويس الي مايجيني بتجارب علميه وبحوث وشي متعوب عليه مستحيل اقتنع فيه ولا كان كل الناس علمأء حتى البنقالي الي ينظف الشوارع مع احترامي الكامل للبنقالي لان مهنته شريفه ومافيها عيب انا عدوووو الجهل هات لي بحوث وعلم وجهد وتجارب. خاصه التجارب وبعدها اقتنع بكلامك اوما سالفة قصر الثوب وطول اللحيه واستأجر لك بيت واجلس استغل الناس وشخص حالاتهم وعلاجهم وانت جاهل مامعاك حتى ابتدائي واجلس دبل عليهم الاسعار وتبيع عليهم سعابيلك هذا شي مستحيل اقبله لاني احترم نفسي وعقلي الي وهبه لي الله الايمان مو بتقصير الثوب ولا تطويل اللحيه الايمان الحقيقي مخافة الله ومراقبته في كل تصرفاتك وافعالك والايمان في القلب الرسول صلى الله عليه وسلم قال الا ان في جسد ابن ادم مضغه ان صلحت صلح سائر جسده وان فسدت فسد سائر جسده الا وهي القلب الايمان ياعزيزي في القلب مو في المضهر ياما شفنا وسمعنا عن قضاه سرقو اراضي وزور صكوك اراضي وياما شفنا قضاه مارسو الرذيله مع الشغالات وانا اسف ع هالكلام لكن هاذي الحقيقه واعتقد انكم فاهمين وش اقصد ومن الي اعنيه قاضي معروف لحيته لين نص بطنه وثوبه لين ركبته الي حاب اقوله ان الايمان مو بتقصير الثوب ولا بالحيه ولا بالمظهر بشكل عام اخوي ابو تركي فيه بنت اعرفها قسم بالله انها كانت تنحاش مع الباب ويلحقونها اهلها مت شدت مافيها من الالام وهلع وكانت تجلس بالايام ماتنام واخذت علاج نفسي وتحسنت بشكل بسيط او متوسط وفي رمضان الي فات راحت ل دكتوره اسمها مها الباشا في مستشفى المانع مدري الخبر او الدمام واحد منهم. وصرفت لها علاج والحين والله العظيم انها تقول انا افضل مني قبل حتى اتعب تقول احس بسعاده مررره ومبسوطه واحس اني طبيعيه ميه بالميه اسئل الله انه يتم عليها الشفاء ويجعله ملازم لها طول عمرها ويخلي لها عيالها ويصلحهم ويديم عليها نعمة الصحه. وارجوكم جميعآ انكم تدعون لها ان الله يديم عليها نعمة الصحه ولا يغير عليها لانها من جد عانت كثير في حياتها والحمد لله انه سبحانه عوضها ورجع لها صحتها وعافها اسف ع الاطاله واتمنى الشفاء للجميع |
||
|
|
|
14-10-2012, 11:02 PM
|
#23 | |
|
عضو فعال
|
لا حول ولا قوة إلا بالله
والله مآسي؛ كنت أظن إني لوحدي إلي عانيت من المشايخ وأفكارهم سبحان الله الرسول صلى الله عليه وسلم علمنا المعوذات للرقية ودعاء بسيط وصحابي لما رقى كانت رقيته بالفاتحة أما احنا نجيب ونحط ونقرأ آيات وسور ونبتدع باختيارها وناخذ خلطات تقربنا من الموت وترجعنا يا خوي حالك وحال ابو تركي ارحم من حالي؛ انتو على الاقل هالمشايخ وصلوكوا للطب النفسي أم أنا ما كان فيني إلا العافية وهم حطوا فيني المرض النفسي بعد ما اتقنعت اني مو بقادر اتزوج واحصل على وظيفة بسبب السحر خاصة انو كان عندي الكثير من الدلائل الي تشير على وجود سحر وبدا هالمشايخ يقرون علي لمن اقتنعت بكلامهم ووقعت ضحية وهم المس ليمن صارت حياتي كلها يشاركني فيها جني نصراني والخوف سيطر علي ودمرلي حياتي وحياة امي وابوي واخواني الي وصل فيهم انهم تمنولي الموت ولا بشفوني اتعذب هالعذاب والأساة أني كنت اضربهم وسبهم بحجة ان الجني هو الي يعمل كذا ومرة ضربت الشيخ الي يعالجني !!! والخلطات الي عطني اياها الشيخ سببتلي نزول شديد بالضغط كادت تموتني لوما فضل الله ثم متابعة الوالدة لي تدرون وش الي ساعدني للخروج من عالم المجانين هاذ بعد فضل الله ومنّه شيخ راقي قلي انت مصاب بوهم المس انت انسان طبيعي وعلاجك انك تبتعد عن الرقية والرقاة !!! (وصراحة مثل الشيخ نادر وجوده وهو مؤمن أن 90% من الي يتعالجو من الامراض الروحية هم مرضى نفسيين ونيجة قناعاته ذي تحارب من الرقاة ومنع من المشاركة في المنتديات الرقية لان افكاره ما ناسبتهم وتخسرهم كثير طبعا) ومن هنا بلش الاكتئاب معي لاني اكتشفت اني كنت غبيييييييييييييييييييييييييييييييييييييييييييي وما قدرت اواجه اهلي واكيد افتكروني اني كنت ابالغ او اكذب او اني فشلي رميتو عالسحر والمس ومهما اشرح معاناتي ما أقدر اوصلكم 1% منها لكن ذكرت عسى يا خوي يا بو تركي تعيد حساباتك مع الذهاب للمشايخ وتسأل أهل العلم منهم أحسن ما تحط نفسك بدوامتهم وما تقدر تطلع منها وبعتذر منك يا خوي محتري الفرحة لان شعبنا موضوعك لموضوع ثاني وبنصحك اتفكر فعلا بالزواج لانه يمكن خفف عنك اكتئابك لكن لازم تعرف تختار الزوجة واهم شيء تكون صاحبة دين الي تعينك عالطاعة وتصبر عليك مهما صار وضعك (وان شاء الله ما يصير الا للأحسن) وترى مو كل الحريم سعادتهن تكون بالسفر وشمات الهوا لا، فيهن الي سعادتها تكون بس تشوف زوجها سعيد والشي الثاني ان تعجبك بالشكل يعني ما تكون ملكة جمال ولكن لازم تكون بعينك جميلة. يعني هذول أهم شرطين ويا خوي محتري ابسألك سؤال. سألت نفسك كيف رح تكون نفسيتك بعد كذا سنة وانت من غير عيلة ولا أولاد؟ يا خوي لازم باسرع وقت تاخذ الدوا وتتزوج لان هاذ السبيل لتحسين مزاجك ترى انت مشكلتك ما تبي تتزوج واني مشكلتي اني مو بقادر اتزوج يعني هالنفسيات تلعب فينا يمين وشمال وتحركنا مو احنا الي نحركها هاي هي مشكلتنا الاساسية وبالنسبة لموضوع الشيوخ المخاويين فالحذر كل الحذر من المستعينين بالجن والشيخ عبد العزيز بن باز افتى بأن "الاستعانة بالجن أو الملائكة والاستغاثة بهم لدفع ضر أو جلب نفع أو للتحصن من شر الجن شرك أكبر يخرج عن ملة الإسلام والعياذ بالله سواء كان ذلك بطريق ندائهم أو كتابة أسمائهم وتعليقها تميمة أو غسلها وشرب الغسول أو نحو ذلك إذا كان يعتقد أن التميمة أو الغسل تجلب له النفع أو تدفع عنه الضر دون الله ." { فتاوى اللجنة الدائمة فتوى رقم 321} |
|
|
|
|
14-10-2012, 11:20 PM
|
#24 | ||
|
( عضو دائم ولديه حصانه )
باوزير
|
اقتباس:
والحمدلله إنه ما يطول لكن الي مثلي يدرس راح يلا حظ إنه عنده ضعف في التركيز وراح يتعب كثير في الدراسة تخيل تبغى تجي مثلا تحفظ وجه في القرآن بسبب ضعف التركيز هذا ماني قادر أحفظ انت اتوقع انك لا تدرس عشان كذا ما لاحظت ضعف التركيز |
||
|
|
|
14-10-2012, 11:43 PM
|
#25 | ||
|
عضو فعال
|
اقتباس:
أنا كنت بعاني من كثر النسيان وقلة التركيز وصعوبة بحفظ القرآن وسرعة نسيانه واستمريت عليه لفترة وحسيت بتحسن لكن ما اعرف هالتحسن صحيح ام توهم (انا ما استمريت عليه) لو احد من الي جربوه ايأكد كلامي أو ينفيه بس حسب معلوماتي انه افضل علاج للنسيان وعدم التركيز |
||
|
|
|
14-10-2012, 11:57 PM
|
#26 | ||
|
عضو نشط
|
اقتباس:
حسبي الله ونعم الوكيل الله يعوضك عن كل الي راح ويكتب لك الاجر اخوي ممكن اعرف انت ليه رحت للراقي ؟ وش كنت تعاني منه ؟ وليش صدقتهم ان فيك سحر ومس ؟ وليش المس كان نصراني ؟ ليش اختيار الديانه النصرانيه بالذات |
||
|
|
|
15-10-2012, 12:38 AM
|
#27 | |
|
عـضو أسـاسـي
|
اخوي محتري الفرحه الشيخ ارشيد العنزي مايسألك وش فيك هو من تجلس عنده يقولك وش فيك والعالم الله, عموماً ماعلينا ...
الحين خلونا بموضوع الدكاترة النفسيين لأنهم مخبصين نفس الشي, الحين انت وش تنصح اروح للي في فخري ولا عند مها الباشا اللي بالمانع ؟ لأن انا ياطويل العمر عندي هلع يجيني تسارع واخذ حبوب اسمها كونكور تهدي نبضات القلب واتمنى اني اوقفها لأن قالولي لازم توقفها مادام مافيك شي والمشكله تعودت عليها وعندي وسوسه من الأدوية حاولوا يعطوني دوا اندرال قالولي ازين من الكونكور بس اخاف اخذ اي دوا والكونكور بالقوة اخذه, وعندي وسوسه من المرض يعني كل يومين اجلس اقول انا يمكن فيني مرض بالقلب ومو مكتشفينه وكل الدكاترة اللي رحت لهم شكلهم سباكين ومايفهمون, طبعاً لاتلومني لأن اول يوم لمشكلتي كانت بسبب ابرة ضغط, ارتفع عندي الضغط شوي وعطوني ابرة ضغط في طوارئ مستشفى المانع في الخبر لازم اذكر الاسم عشان الناس تنتبه من الطوارئ حقتهم كلهم هنود ومايعرفون يسون للمريض شي, انا مو مريض ضغط والمفروض مايعطوني ابرة للضغط, فجأه صارت نبضاتي تدق بسرعه واحس بيغما علي ومكتوم وكأني خلاص بموت جابوا ابره ثانية وغزوني فيها لين ضبطت اموري الحمدلله, ودخلوني عناية مركزة وحوسه وقالولي كان فيك قلق وتوتر واصلاً السبب من الابرة لكن كنت اجهل هالأمور شوي, المهم بعد شهرين لما استخدمت علاج الشيخ ابو حبل كان يجيني كل يوم اسهال الله يعزك بسبب العلاج لاحظت ان اموري زانت لأن كنت احس بعدم التركيز نوعاً ما, لكن فجأه جاني خفقان بالدوام وحرارة بالصدر وو إلخ وودوني مستشفى اسمها بروكير في الخبر اللي جنب الظهران مول وطبعاً الطوارئ حقهم دلع وقالولي مافيك شي لكن بندخلك عناية مركزة نتأكد اكثر وكذا, المهم طلعوني ثاني يوم وقالي الدكتور مصطفى حجاج هذا اللي جاب فيني العيد قال انت كان عندك نقص بالبوتاسيوم بسبب الاسهال الله يعزكم, ولكن فيك قلق وتوتر قلتله طبيعي قلق وتوتر من الشي اللي جالس يصير فيني, قام قالي هذا دوا القلب اسمه كونكور تاخذه فترة 3 شهور ان شاء الله ونوقفه واستمرينا وصرت بعد ما اخذته يجيني زي عدم التوازن انا ماكنت ادري انه من الدوا قلت للدكتور احس بعدم توازن واحس بضيق واحس اني اعرق واجد واتعب من المشي قالي انت فيك مرض نفسي لازم تروح طبيب نفسي ودلني على طبيب في مستشفى السعد خويه ناسي اسمه بس كبير بالسن وقالي وقف دوا الكونكور وكنت اخذ جرعة 5 ملجم والمفروض ماوقفه فجأه وقفته وعطاني ادوية نفسية وخلتني مدري مين انا اول كم يوم ووقفتها لأن ضيعتني المهم بعد اسبوع تقريباً فجأه وانا راجع من الكويت طبعاً رايح مع اهلي وكنت قلق جداً ومتوتر ويجيني الهلع بالسيارة والحمدلله هديت الأمور وثاني يوم من وصلنا بيتنا جاني هلع قوي خفقان وتشنجت وحوسه واهلي مطنشيني لأن الطبيب قالهم هذا نفسي ولكن لما شافوني اختنق ودوني الأمل وقابلني دكتور هناك وقال غلط انه وقف من الكونكور فجأه لازم بالتدريج وعطاني ادوية تهدي مؤقته واستخدمتها وخلتني مدري مين انا لمدة 3 ايام تقريباً واحس اني مفهي طول الوقت وابتسم بوجه اي احد المهم خلتني انسان غبي, وماعاد رحت له وبعدها جات مرحلة اني ارجع دوامي ورجعت دوامي ماقدرت ادخل مكتبي حسيت زي الدوخه واشوف الدنيا ظلام طلعت من المكتب جلست بالسيارة والا تجيني نوبة هلع قوية وبعدها جاني زي الدوخه كانت خفيفه وكلمت الدوام ثاني يوم واستقلت وبعدها صارت الدوخه ذي ملازمتني وزادت بعد اسبوع وصرت ماقدر اتحرك من السرير ولا احرك راسي ورحت مستشفى المركزي بالدمام وسويت اشعه مقطعية للرأس قالولي سليم الحمدلله, وبعدين رحت البابطين حق القلب جنب المركزي وفحصوني ماقصروا قالو القلب مافيه شي وسليم انت تحاليلك كلها تمام حولوني الأمل النفسية ومارحت وسافرت على ابها وسويت فحوصاتي في مستشفى عسير وطلعت كل فحوصاتي خلال شهر مابقيت شي الا سويته عندهم طبعاً عن طريق احد الاقارب ماقصرو بيض الله وجههم, وجابولي الشيخ احمد بن دبشان هذا واحد ملتزم مجتهد ماياخذ فلوس حتى انت ممكن تقدمله من عندك وهو طبيب اعشاب وكان يجيني ويرقيني وقالي اذا شفت ان وضعك نفسي راح اعتذر من اني اكمل الرقيه وفعلاً رقاني وصارت يدي اليمين تقلب لونها الى ازرق سبحان الله, وبعدها استمر معي لين الحمدلله رجعت اكل وانفك الانسداد اللي في بطني وقالي ترا العامل النفسي له دور بعد قال بعد مرور شهر اذا ودك تتابع طبيب نفسي ترا مايخالف لكن انا اشوف انك ماتحتاج ادوية نفسية, المهم انا رجعت الشرقية لأهلي واموري كانت زينه نوعاً ما ماعدا عدم التوازن وانقطعت عن الرقية لما جيت الشرقية لأن مافيه شيوخ ثقه ويجونك بنية خالصة لله, اغلبهم يسترزقون, ورحت عند واحد عطاني اعشاب وكانت تسببلي رجفه واقوله يقولي عادي نبي هالرجفه هذا دليل انه جسمك تفاعل معه, وقفتها بعدين وبعد شهر تقريباً جاني ارتفاع بالسكر بعد خفقان شديد مره وكنت برا البيت مع احد اصحابي ووداني المستشفى قالولي سكرك مرتفع كان 240 والبوتاسيوم نازل قلتلهم البوتاسيوم مشكلتي من اول, وسولي فحوصات عند عيادة القلب البابطين وكان السكر التراكمي 9 وسويت حمية وصار 5 الحمدلله, بس صرت بعدها موسوس واكل بحذر وما اطلع من البيت لي 5 شهور تقريباً جاني زي الرهاب اخاف اطلع وتجيني نوبة هلع ويرتفع الكورتيزول بالدم ويرفع السكر ونبضات القلب , لأن اظهرت احد الفحوصات ان عندي الكورتيزول مرتفع واتوقع السبب هو الخوف الشديد قبل التحليل والقلق والهلع , والآن جالس ابحث على طبيب نفسي عشان بس تروح الدوخه او عدم التوازن اللي احس فيه, وبرضوا الرهاب اللي جاني والخفقان اللي صار مايفيد معه دوا القلب لأن اخذ جرعه صغيره بس لما يجيني اضطر ازود الجرعه.. عموماً اتمنى تقولي وش الطبيب النفسي الأفضل بالشرقية ان كان عندك علم وهل اروح للدكتورة مها الباشا مثل ماتفضلت او الدكتور اللي في فخري اللي مدري وش اسمه لأنك ماذكرت اسمه الى الآن علماً ان فخري فيها حوالي 3 دكاترة نفسيين تقريباً اعتذر على الإطالة .. ولكن هذه هي قصتي بالتفصيل تقريباً وبالأسماء |
|
|
|
|
15-10-2012, 01:12 AM
|
#28 | ||
|
عضو نشط
|
اقتباس:
اخوي ماتشوف شر واجر وعافيه ان شاءالله اخوي اعتقد والعلم عند الله الي معاك حالة هلع لانها نفس اعراض البنت الي ذكرت سالفتها وانصحك بمراجعة الدكتوره مها الباشا والله يكتب الي فيه الخير ع فكره والله العظيم اني ماعرف مها الباشا ولا قد شفتها في حياتي لكن الله يجزاها خير ويبيض وجهها لانها كانت سبب في شفاء البنت الي ذكرت لكم قصتها ع فكره البنت تاخذ افكسور 75 و لامكتال و اندرال و امورها عال العال بفضل الله سبحانه راجع الدكتوره مها الباشا وانا واثق بأذن الله تعالى انك بعد ثلاث شهور بس من مراجعتها راح ترجع طبيعي ميه بالميه الله يشفي الجميع |
||
|
|
|
15-10-2012, 02:09 AM
|
#29 | |
|
عـضو أسـاسـي
|
هو المشكلة ان الفكسور اعراضه الانسحابية مشكلتها مشكلة,, وهذي شكلها نفس الطبيبة اللي راحلها الأخ ابوبتال العضو اللي معنا بالمنتدى ولكن ماستمر معها واستمر على نفس العلاجات عند طبيب اخر كـ متابعة فقط والحين الحمدلله ماشاء الله تبارك الله عليه تعافا ..
انا بستخير الله وربك ييسر الأمور من عنده,, الا اقول ليش ماتحاول تدخل معنا في الدردشه ؟ تفيد وتستفيد كثيييير |
|
|
|
|
15-10-2012, 08:22 AM
|
#30 | ||
|
عضو نشط
|
اقتباس:
وين فيه الدردشه وش اسمها وكيف ادخلها ؟ اذا عن طريق الابتوب مقدر ادخل لان راسي يصدع منه انا اشارك في المنتدى عن طريق الايفون |
||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
