تجربتي مع السيروكسات سي ار ... ربي انت ثقتي ورجائي

ان شاء الله الصحة والعافية للجميع

برأيي الرهاب ما يتغير بعد الزواج

بس تحس بشوية ثقه لانك صرت مثل كل اللي بعمرك

يعني ايجابيات الزواج بعيده عن الرهاب


صدقت يا اختنا الفاضلة ,الرهاب ما يتغير بعد الزواج, بس انا اشوف هناك طريقة فادتني كثير حاولي تستخدميها, تعودت ابد ما الوم نفسي على شي صار , او حتى بيصير, والله هذا الشعور ريحني كثيرا , وخصوصا اننا نعلم ان تصرفاتنا السلبية ليست ارادية.

تحياتي

المشاركة الأصلية كتبت بواسطة بنت الجوري

هلا فيكم جميعا

انا بحكي لكم السالفه اللي شاغله تفكيري وجابت لي الهم

قبل فتره كم شهر كلموني بنات خالي بيجوني زياره وانا وقتها كنت خارج البيت

قلت لهم عادي ارجع البيت تعالو ورفضو وقالو خليها مره ثانيه

ومرت كم شهر وكنت في بداية استخدامي لعلاج السيبرالكس

وطبعا السيبرالكس في بدايته يزيد الرهاب والخوف اضعاف مضاعفه

وتخيلو انه في هالوقت السيء جداا كلموني بنات خالي بيجوني زياره

رحبت فيهم رغم اني تعبانه نفسيا بس اعتمدت على اختي انه تكون معاي

كلمت اختي وقلت لها ابيك تجين عندي البيت وقلت لها السالفه وللاسف طلع عندها ضيوف وماتقدر تجيني

رحت اتجهز ونفسيا احس مره ماني قادره كل شوي القلق يزيد ويزيد واشتغل الوسواس والافكار السلبيه كلها

وصرت اتعرق بشكل سريع واحس كانه بتجيني اغماءه بديت ادوخ واحس غثيان

كل هذا لاني وقتها كنت استخدم السيبرالكس وهو مزود لي اعراض الرهاب بشكل لا يوصف

بعد كذا خفت على نفسي واتصلت على بنات خالي واعتذرت عن الزياره وحاولت انه ما يبين على صوتي

هذي هي السالفه ولكن :

كل ما اتذكر الموقف احس بمشاعر سيئه جدا

امي واختي يلوموني ويستغربون من تصرفي كل ما جات سالفه فيها بنات خالي يذكروني باللي حصل

خصوصا انه بالاجازات فيه زواجات وراح التقي فيهم

يقولولي كيف بتلاقيهم بالمناسبات وانتي مسويه هالتصرف معاهم

يلحون علي انه اسوي لهم عزيمه كتصليح للي حصل

انا من الموقف اللي حصل صارت لي عقده

صرت اكره الزيارات بزياده

وحاليا ما يمر يوم بدون ما افكر بالموضوع

اخر شي قلت لا يكلف الله نفسا الا وسعها

ما راح اسوي شي فوق طاقتي واللي يصير يصير

وما علي من كلام الناس ونظرتهم




ايش رايكم بالسالفه

ولو انتم مكاني كيف تتصرفون

يا اخت بنت الجوري نحن رجال وحصلت لنا مواقف اكثر احراجا مما حصل لك ومع ذلك طبعا هنا اتكلم عن نفسي ,,, مع ذلك انا من ست سنوات قررت ان اي موقف يحصل لي مهما كان محبط لن يؤثر فيني لان ما يحصل هو شيء رغما عني وقضاء وقدر قدره العزيز المقتدر وبكذا ارحت كثيرر اي موقف يحصل لي بعد اقل من ساعة انساه ولا كانه حصل

بس السؤال الغريب اللي ودي اسالك اياه يا بنت الجوري

انت الان تقولين ان السيروكسات افادك واصبحتي غير رهابية ولا ترتبكين بالكلام مع احد وان تكلمتي تضعين عينك بعين من يكلمك بكل جراة وقوة يعني السيركسات ازال رهابك

اذا كيف ما تقدرين تعزيمهم وتطيبيين خاطرهم ؟؟؟ هذا يعني انكِ لا زلت رهابية ولم يساعدك السيروكسات بشي

سؤال انتظر اجابته منك

كنت سأسأل نفس السؤال

السلام عليكم

كيف الحال, بنت الجوري, هاي يومين مابينتي, نتمنى ان يكون المانع خيرا. نحياتي

هلا فيكم جميعا

نتيجة السيروكسات معي مو ثابته خصوصا اني جمعت بين علاجين اثنين هم السيروكسات والمسيجور
واذا يوم نسيت اخذ المسيجور تتغير الامور واصير كاني ما اخذ علاج ابدا يعني يرجع الرهاب

الشي الثاني حتى اذا انتظمت باخذ العلاجين ما فادوني بخصوص الشجاعه والاقدام قبل الموقف
بالعكس احس بتردد وخوف قبل كل موقف
هالشي ما كان فيني قبل العلاج
بس لما اجبر نفسي واروح للمناسبه اتفاجأ من نفسي
اتكلم واحكي مثل الناس بدون اي رهاب
فيه بعض الخجل بس هالشي طبيعه فيني واعتبره عادي
بس ما احس برهاب ولا ضربات قلب ولا نوبة خوف ولا صعوبه بالكلام

اللي تاعبني هو التردد اللي قبل كل موقف
وذكرت هالشي من قبل
وايضا عندي الرهاب يميز بين الناس يعني مع الاقارب يزيد اكثر ما ادري ليش

كذلك لما يكون التردد والتوتر اللي قبل الموقف قوي اعرق كثيييير
هالشي ما كان فيني قبل العلاج
وكذلك لما كنت استخدم علاج السبرام زمان ما كنت اعرق ابدا حتى لو اتوتر جدا

عموما النتيجه مو هي اللي اطمح لها
فيها تذبذب وتقلب وقصور عن ما اتأمله

المشاركة الأصلية كتبت بواسطة بنت الجوري

هلا فيكم جميعا
بس لما اجبر نفسي واروح للمناسبه اتفاجأ من نفسي
اتكلم واحكي مثل الناس بدون اي رهاب
فيه بعض الخجل بس هالشي طبيعه فيني واعتبره عادي
بس ما احس برهاب ولا ضربات قلب ولا نوبة خوف ولا صعوبه بالكلام

اللي تاعبني هو التردد اللي قبل كل موقف

ماشاء الله , التردد قبل الذهاب للمناسبة شي عادي , المهم عند الذهاب كانت اموركي طيبة, الحمد لله والشكر, ان شاء الله دوام الصحة والعافية , بس يمكن لو تستقرين على علاج واحد فقط افضل, تحياتي

,نورتي اختنا بنت الجوري

ابي اسالك سؤال

انتي بعد استخدام السيروكسات بشهر او شهر ونص قلتي ان العلاج افادك واصبحتي تكلمين بجراة وبدون خوف حتى قلتي انك تضعين عينك بعين من يتكلم معاك متعمده لانك رايتي فائدة ممتازة من العلاج


السؤال ليه اضفتي علاج اخر مع السيروكسات اللي هوا السيجور ؟؟؟ ليش اضفتيه دام السيروكسات كان قايم بالغرض ؟؟

فعلا امر محير ,,,, وحتى الاخ ملك الرهاب يقول انه استخدام علاج وانه شفي بعد العلاج وبعد فترة رجع وقال اضفت معه علاج اخر ورجع الرهاب


ليش تضيفوا علاجات اخرى دامكم احسستوا بتحسن ؟؟؟

المشاركة الأصلية كتبت بواسطة الشاعري

ماشاء الله , التردد قبل الذهاب للمناسبة شي عادي , المهم عند الذهاب كانت اموركي طيبة, الحمد لله والشكر, ان شاء الله دوام الصحة والعافية , بس يمكن لو تستقرين على علاج واحد فقط افضل, تحياتي

معاك حق الافضل علاج واحد لكن اكتشفت اني ما اقدر استغني عن المسيجور

اذا تركته يرجع الرهاب

المشاركة الأصلية كتبت بواسطة لا تنسى ذكرالله

,نورتي اختنا بنت الجوري

هلا فيك اخوي

ابي اسالك سؤال

انتي بعد استخدام السيروكسات بشهر او شهر ونص قلتي ان العلاج افادك واصبحتي تكلمين بجراة وبدون خوف حتى قلتي انك تضعين عينك بعين من يتكلم معاك متعمده لانك رايتي فائدة ممتازة من العلاج

لم اقل اني اتعمد ان اضع عيني بعين من احدثه انما قلت انه حصل بشكل عفوي ولاحظت اني لم ارتبك بل بالعكس اشعر بثقه
والى الان يحصل معي بشكل عفوي كبقية البشر دون اي تعمد


السؤال ليه اضفتي علاج اخر مع السيروكسات اللي هوا السيجور ؟؟؟ ليش اضفتيه دام السيروكسات كان قايم بالغرض ؟؟

فعلا امر محير ,,,, وحتى الاخ ملك الرهاب يقول انه استخدام علاج وانه شفي بعد العلاج وبعد فترة رجع وقال اضفت معه علاج اخر ورجع الرهاب


ليش تضيفوا علاجات اخرى دامكم احسستوا بتحسن ؟؟؟

سأجيب وبصراحه

في بداية استخدامي للسيروكسات كنت استخدم حبوب نسائيه (( هرمونات ))

كنت استخدمها من قبل السيروكسات وكان لها اثر معه يشبه اثر المسيجور

لكني لم استمر باستخدامها اوقفتها لعدم حاجتي لها واختلف الاثر واصبحت ابحث عن مدعم

وفكرت باستخدام المسيجور لانه لي تجربه سابقه معه واعرف عنه صفة دعم العلاج

في هذه الدوامه ظلمت السيروكسات

ولا اعرف ما العمل

النتيجه جيده ولكن ليست هي ما اطمح لها

حاليا استبدلت المسيجور بالدوجماتيل كمدعم

وان شاءالله تضبط الامور :)

عندي سؤال لك يا اخت بنت الجوري.

الحين أنتي متى تاخذين السيروكسات بعد العشاء أم متى
وهل لازم أضبط وقت تناول الدواء ؟ يعني مثلا انا الحين متى ماتعشيت اذا خلصت آخذه
مثلا مره اتعشى الساعه 12 اخذه بعد العشا ومره اتعشى الساعه 9 واخذه . وكذلك

هل لازم اضبط الوقت للتناول ؟ يعني مثلا كل 10 ساعات اخذ حبه وكذا

اللهم اشفنا واشف جميع مرضى المسلمين

اخ شقران ,,, اذا انت تاخذ الحبة مرة وحده باليوم ليلا

خليها بعد العشاء زي ما انت تسوي

ومش مشكلة تاخذه الساعة 9 او الساعة 10 او الساعة 11 عادي اهم شي تكون متقاربة على الاقل اربع ساعات

يعني مو يوم تاخذه الساعة 10 مساءااا وتجي اليوم اللي بعده وتاخذه الساعة اربعة الفجر ,,,, ايضا هكذا لا مشكلة

ولكن الافضل تكون بين ثلاث او اربع ساعات معينه

الا في الظروف الطارئة ,,, يعني مثلا في يوم خرجتن المغرب من البيت وما رجعت الا الساعة 3 الفجر ؟ كيف يعني ما تاكل ؟ لا تاكل ولا مشكلة ويفضل بعد وجبة خفيفة

وشكرا

قدامكم العافية يارب ..