خـــــسرت ...!

خـــــسرت ...!

السلام عليكم

أنا أعاني من خوف ووسواس وهذا الشي بدأ عندي من أصبت بعين ، وبعد أخذ الأثر والرقية الشرعيه تحسنت الحالة شويه لكن ماشفيت تمام .. لكن ماقدر أدخل الدوام، أحس بكتمه على صدري ، جبرت عمري ، مره مرتين ثلاث بس ماقدرت

وانا الحين طلعت من الدوام بسبب الحالة اللي أعانيها .

اللهم لك الحمد والشكر ، وعسى أن تكرهوا شيئا وهو خيرا لكم .. أتمنى من الله العلي القدير أو يوفقني في أمور أخرى وهو على كل شي قدير ..

المصدر: نفساني

وعليكم السلام ورحمة الله وبركاته
لابأس عليك أختي طهور ان شاءالله وقدر الله وماشاء فعل
تذكري أن كل أمر المؤمن خير
اصبري واستمري على الرقية الشرعية
والمداومة على قراءة سورة البقرة والاستغفار
وحاولي ماتسترسلي بالافكار انشغلي عنها بما يفيدك في دينك ودنياك.

اختي واثقة بالله ، الكل لامني على ترك الوظيفه، ولكن محد يحب يقطع رزقه بيده، الظروف أقوى عني ، ولكن أنا صليت استخاره كذلك ، وبتوكل على الله في أموري ... الله يشفيني يارب وإن شاء الله الأيام اليايه تكون حلوة.

أختي الكريمه ،،، الرقيه مثل الدواء لا بد من الاستمرار الى أن تخرج العين ويتم الشفاء بإذن الله ،،،،،

ان شاء الله اختي اميره بستمر على الرقيه، اليوم طلعت اغير جو بما انه الجو بديع، ولكن حسيت بعدم الراحه والخوف والوسواس وحاولت اسيطر على مشاعري، فصديقتي قالت ان مع العسر يسرا لا تأيسين، يوم رجعت البيت اختي قالت لي لاتخلين الشيطان يكون اقوى منچ ولازم تهزمينه، لأنه هو وصل للي يبغيه، فأذكري الله باستمرار عشان يتعب ، وهو اللي يمل

اللي جال في خاطري هالوقت ( الساعه 12 وربع ليلا ) لازم احب نفسي واهتم فيها، أدلع نفسي، اشتري اللي خاطري فيه وأرجع أسوي

الشغلات اللي كنت أحبها، هذا كله طبعا مايحقق لي السعاده، لكن قلت خلني أكسر الأكتئاب والخوف والوسواس اللي فيني، لي متى

نسكت على حالنا ! خلنا نطلع من اللي نحن فيه، محد بيحس فينا، بس نحن نعاني وساكتين على الوضع، الله المستعان