اضحك من قلبك

اضحك من قلبك

=

واحدة سودانية بتسأل شيخ بيفسر الاحلام انا حلمت بعربية مليانة فحم قالها متقلقيش دا عريسك واخواته
عالم جاب ذبابة وضربها وقال لها طيري، فطارت، ولما قص جناحها قال لها طيري، ما طارت
فاستنتج العالم وقال ان الذبابة اذا قصصت جناحها لا تسمعك.
- واحد لقى صاحبه بيجرى قاله بتجرى ليه .. قاله أصل مراتى بتتوحم على ترمس وأنا خايف للواد تطلعلوا ترمساية فى وشة.... فرد عليه وقال له ماتخافش، مأنا أمى كانت بتتوحم على أسطوانة وأبويا مجبهاش... جرالى حاجة.... جرالى حاجة......جرالى حاجة.
- واحد غبي اشترى تكيتف ولما جه يركبه فى الحيطة ركبه بالمشقلب وبعدين جه شغله قال أوففففففف .. أوفففف الله .. يكون فى عون اللى بره.
واحد غبي حب يوصل بلده بسرعة ركب القطر وقعد يجرى فيه.
- واحدة بتقول لجوزها اطرد السواق بتاعنا كان هيموتني مرتين في حادثة قال لها خلينا نديه فرصة ثالثة.
غبي حب يعاكس واحدة لابسة جزمة بيضة فقال لها نهارنا زي الجزمة.
- قائد مشهور بالقسوة فقرر عمل استعراض لجنوده، فوقف أمام جندي وسأله: ما اسمك فقال: أحمد يا سيدي، وماذا تمسك بيدك ؟.. فاجاب بندقيتي يا سيدي.. فرد عليه: ليست بندقيتك بل هي زوجتك وعرضك وشرفك.. ثم انتقل الى الجندي الذي يليه: ما اسمك ؟.. كامل يا سيدي، وماذا تمسك بيدك ؟.. فأجاب: زوجة أحمد يا سيدي..!
الاستاذ لتلاميذه : مين يعرف اسم حيوان بيطير ؟؟؟ .. الطالب: الفيل يا استاذ! ..الاستاذ: غلط يا ابني ايه الغباء ده، انت ابوك بشتغل فين ؟؟ .. الطالب في المخابرات.. الاستاذ: الفيل ممكن يطير بس لو يشد حيله شويه!!!.
مره اتنين مجانين اتفقوا انهم يهربوا من المستشفى واحد قال للتانى لو لاقينا الصور عالى نهده لو لاقيناه واطى يبقى ننط من فوقيه.. التانى قاله ماشى.. راحوا مالاقوش صور خالص قالوا يخساره المهمه فشلت.
- مرة واحد غبى ماشى فى الشارع قابل قرد فمشي بيه.. قابل عسكرى مرور.. سأله أودي القرد ده فين.. العسكرى قال له.. وديه جنينة الحيوان.. تانى يوم عدى الرجل بالقرد العسكرى قال له.. مش قلتلك وديه جنينة الحيوان قال له.. ما أنا وديته امبارح النهاردة بقى هاوديه السينما.
- مرة واحد مجنون كان بيكتب جواب فدخل الدكتور عليه قاله بتعمل ايه.. قاله بكتب جواب لنفسي فقاله الدكتور.. بتكتب فيه ايه فرد عليه المجنون وقال.. يامجنون هو لسة جالي عشان اعرف.

- مرة اتنين مجانين واحد فيهم رسم اسد على قلبه.. التانى قاله انت مش خايف لياكلك قاله لا انا رسمته من غير سنان.

- عجوزة شافت اسد خافت.. قالها ماتخافيش انا مش بأكل نواشف.

المصدر: نفساني

بما اننا فى منتدى نفسانى فالواحد لازم يحاول على الاقل يضحك

يارب تعجبكم

-واحد بيقول لصاحبه الدنيا ما فيهاش أمان...سرقت محفظة أبويا لقتها محفظتي

-محشش رايح يخطب جابلو له كوب شاي فيها ورقة ليبتون

قال ياخبر ابيض من اولها حجابات ؟ ؟ ؟ ؟

- غبى راح للصيدلية قال للصديلى هات ابرة من اللي بتاخدها مراتي

قاله الصيدلي اسمها أيه ؟ ؟ ؟؟

قالو اسمها مديحة

- واحد الدغ فى حرف الـ (ر) وبيتكسف جدا لما يشترى شاورمة يقول للراجل هاتلى شويمة فبيقوله هاتلى واحد كفته وخلاص وهو زعلان جدا .. طلعله عفريت قاله تطلب ايه ؟ قاله نفسى اقول شاورمة صح .. قاله خلاص قولها بكرة بس هتكون مرة واحده بس .. راح المحل وبيقول للراجل بكل عنطزة بقى هاتلى واحد شــاورمة .. قاله ايه ؟؟؟ قاله هات واحد كفتة الله يحرقك

- مرة واحد بيعدي الشارع مع صحابه خبطته عربية ومش عارفين يقولوا لمراته الخبر ازاى ..شالوه وراحولها البيت فتحتلهم الباب واحد منهم قالها : جوزك ضيع كل فلوسه عالقمار.. قالتله : إلـهي ينشل البعيد !! .. قالها: وباع البيت .. قالتله: إلهي يبيعوا عنيه !!! قالها: واتجوز عليكي على فكرة .. قالتله: إلهي يدخلوا عليا شايلينه !!.. الراجل قال : بــس .. خشوا يا شباب

- قـصيدة شـعر صـعيدى :- وبحبك كيف ماخابرش .♥♥♥♥. وعلى فراجك ماجادرش .. من كتر الشوج خسيت وآني كنت تخين وبكرش .. والحب يابوي بهدلني .. مرمطني جوي وخرشمني .. وغرامك بيغرمني وماعادش معاي ولا جرش .. شومة حبك بطحتني .. وجاموسة الشوج نطحتني .. والهوى جحشته رفستني .. وآني يابوي ماصابرش.;

- واحد كل يوم يعدى على مطعم ويسأل الطباخ عندكوا كيكة الطماطم ؟ فيقوله الراجل لاء فيجى تانى يوم يسأله عندكوا كيكة الطماطم؟ فالراجل يقوله لاء .. ويجى تالت يوم يعمل نفس الحكاية .. فالراجل زهق و قال لما اعمله كيكة طماطم و امرى لله .. جه تانى يوم وقاله عندكوا كيكة الطماطم ؟ فالراجل قاله ايوا يا سيدى .. قاله : يععععععع بتاكلوها ازاى دى ؟؟؟

- اتنين حراميه دخلوا شقة بليل .. صاحب الشقة صحى فجأة فواحد منهم استخبى فى البلكونة والتانى استخبا فى الحمام .. شوية وصاحب البيت دخل البلكونة ومسك الاولانى وقاله انت بتعمل ايه هنا ؟؟؟ فالحرامى قاله استنى بس هفهمك .. أأ..أأأ...أنا من سلاح الطيران فى الجيش وكنت بحارب اليهود بالطياره لكن صاروخ جه فيا فنزلت بالبراشوت في البلك...ونة دى ... الراجل قاله : ايوه أهو انت كده بطل ، مش التاني اللي نايملى في البانيو ويقولى ضفادع بشريه

صعيدى راكب طيارة وعايز يروح الحمام فخبط علي كتف المضيفة وهو محرج جدا وسألها هو التاوالات منين ؟ قالتله: نعم ؟ قالها : هو التاوالات منين ؟ قالتله تقصد التواليت ؟ قالها إيوه ... قالتله من الناحية التانية ... فراح خبط عالكتف التاني وسألها : هو التاوالات منين

ليه كوبرى القبة اتسمى كدة ؟؟؟ ">

ها؟؟

مين يقول؟؟

تؤتؤ غلط

عشان المهندس اللى كان بيبنية كان واقف علية فاوقعت السجارة منه فقال أوبااااااا

-بيقولك كان فى مسابقة اللى هيدخل يسرق اى حاجة من شقة الراجل العجوز وميحسش بيه هياخد مليون جنيه المهم الراجل العجوز كان عنده قطة دخل الامريكى يسرق وهو خارج وقع الكرسى فقال العجوز مين? رد عليه وقال نيووووو قال العجوز دى القطة مش مهم راح داخل الفرنسى يسرق وهو خارج وقع الكرسى فقال العجوز مين رد عليه وقال نيوووووو فقال العجو...ز دى القطة مش مهم دخل الصعيدى يسرق وهو خارج وقع الكرسى فقال العجوز مين قاله انا الجُطة.