(( قـــصة حـياتي ))

(( قـــصة حـياتي ))

السلام عليكم

أنا عضوه يديده وبما اني عضوه يديده اتمنى اول شيء أني أفيدكم وتستفيدون مني واول موضوع لي بيكون عن قصه حبي تقدرون تقولون واتمنى انكم تساعدوني وتقولون لي شو الحل ؟

أنا بنت اماراتيه عمري 17 سنه الحمدالله اصلي . واسوي كل شيء علمنا نبينا محمد صلى الله وسلم لكن مشكلتي اللي مااقدر أتخلص منها هيي (( الحــب )) أنا أصغر وحده ف البيت لكن مش المدلله عادي أمي وأبوي يعاملوني مثل مايعاملون خواتي والحمدالله أهلي مو مقصرين معاي ف شيء ...

بأختصار

أنا تعرفت على واحد يوم كان عمري 13 سنه يعني صغيره واصلا ماكنت أعرف شنو حب والولد كان عمره 14 سنه يعني أكبر عني بسنه وحده كان أول واحد اتعرف عليه وهو نفس الشيء لكن كان يعرف بنات لكن يكلمهم يوم أو يومين بعدين خلاص ...

كنت صريحه معاه ف كل شيء . أسمي . عمري . كلمته عن حياتي وحياة أهلي .. استمر هالتواصل بينا بس ف التيلفون لمدة سنتين وكنت أشوف الولد مرات من بعيد يعني يخطف من بيتنا الصبح يوم أسير المدرسه بس ماكنا نطلع مع بعض وجذي وحتى يوم نكلم بعض نرمس ف حدود وبعد مامروا هالسنتين صارت مشكله كبيره وايد وايد وأهلي عرفوا اني أرمس هالولد وطبعا صار هوامش وضرابه ف البيت لأن نحن مب النوع اللي عادي عدنا البنت تكلم ولد وطبعا أنضربت ووووو ......الخ وبعد هالضرابه طبعا أخوي شاف الولد وكلمه وقال لا لايقرب صوبي ولايتصل ...ألخ المهم وبعد هالفتره ماكلمت الولد لمدة 8 شهور ...ولكن كنت ف هالفتره أفكر فيه وايد وايد لأني حبيته من أول مره لأني كنت حاطه ف بالي أول واحد بحبه يمكن يكون زوجي ف المستقبل وكنت أعزه وعمري ماخنته أو كلمت غيره بهالفتره وبعد هالثمان شهور ردينا لبعض والولد صارحني بكل شيء للعلم أنا ماكنت أبغي أرجعه أكلمه لأني ماابغي أخسر نفسي ولا أبغي أخسر أهلي ولا أبغي أسوي شيء غلط ... والموضوع بالأساس ان هو مايقدر اي يخطبني وأنا لين ألحين أكلمه وهو يكلمني ونحب بعض وايد وايد حاولنا نترك بعض بس ماصار بس كل اللي بينا تيلفونات ماشي طلعات وجذي والولد لين ألحين مايدوام يكمل دراسته لكن ان شاء الله هالسنه بيقدم ع شغل وأنا هذي آخر سنه لي بالمدرسه .... والله تعبت أحيانا أحس عمري مليت من الدنيا ولكني أحاول دوم اني أتركه لأن أدري الحب مامنه فايده ..

ولكن هو يحبني وقلت له من قبل حتى لو كنت تحبني خلي هالشيء بينك ويوم بتكون نفسك ذيخ الساعه يصير خير ..... وهذي القصه بختصاااااااااااااااار وألحين صار لنا تقريبا 4 سنوات مع بعض ..

فما أدري شو الحل ؟؟؟

هل أستمر معاه والا ؟؟؟؟

وأشكركم وايد وبصراحه منتداكم عيبني وايد واتمنى أني أكون عضوه وضيفه خفيفه ع قلوبكم


والسموحه من الجميع

المصدر: نفساني

شكلكم مب فاهمين قصدي
لأن محد رد

اختي العزيزة طمطوم

اولا شئ فكري في مستقبلك صدقيني الحياة امامك ..

وبعدين فكري في الزواج ...

لما كنت في سنك لم يكن لذي الوعي الكافي لمعرفه ما هو الحب بل ان الحب من الاشياء المحرمة ولكن بعد ان كبرت اكتشفت ان الحب احساس وشعور جميل ولكن بحدود المسموح ...البعض قد يرفض ويقول ان الحب ماليه حدود ..وانا ارى بأن كل شئ له حدود ...كيف نحب او متى نحب او ما هو الحب ..

خلنا نكون واقعين الحين انتي عمرك 17 سنة لما تزوجين ...بتكون لك حياة جديدة ..بيت واسرة ..هل تستطيعين ان تتحملين هذه المسؤليه ؟!

بسئلك انتي متحمله مسؤليه نفسك ؟! تقدرين تتحملين مسؤلية اطفال وزوج واسرة ؟!

ماهي طموحك ؟!

شوفي كل هذه الاسئلة جاوبي عليها واذا وجدتي نفسك وبصراحه تستطيعين لا بأس ..

والقرار النهائي يعود ايظا لك

تحياتي لك

أختك

آآآه

بائعة الهموم مرورج أسعدني

تبين الصدق هيي أقدر لن طبيعتي اتحمل المسؤليه ف البيت لن كل شيء علي وبما ان احنا من عايله وايد كبيره تخيلي ماعدنا خدامه ف تقريبا أكثر وحده تستحمل المسؤليه ف البيت أنا بدون مجامله

وطبعا فاهمه قصدج

اما عن طموحاتي فهاي المشكله بعد

ع العموم أشكرج أختي

والله لايحرمني من ردودج

عزيزتي طمطوم

قرات مشكلتك وهذه المشكله كثير من بناتنا بعانون منها
الحب في سن المراهقه
فمن وجهة نظري
طالما الحب استمر معكم 4 سنوات وما زلتي تحبيه ويحبك
شجعيه على ان يكمل تعليمه ويتوظف وبعدها يتقدم لك
هذا اذا يحبك وباقي على حبه لكِ

شعاع الخير

مرورك أسعدني

من ناحية التعليم دوم دوم أشجعه وهو بعد يشجعني ويحمسني

مشكور أخوي ع الطله الطيبه

يا هلا بك يا طمطومه الحلوه

اعتبريني اختك الكبيره حيل

وخذي مني هذا الكلام : عزيزتي انتي صغيره بالسن على تحمل مسئولية زواج حبيبتي ما ينفع اننا نطلع من الابتدائي الى الثانوي على طول لازم نمر في مرحلة المتوسطه صح ولا انا غلطانه ؟؟

عزيزتي انا افهم شعورك واعرف ان حبك حب نظيف لم تلوثه الحياة بكذبها او بتعقيداتها لذلك انصحك انك تتخذي من حبك هذا دافع لك للنجاح عشان نفس اولآ وعشان الشاب هذا ثانياً وارسمي لنفسك خطه لمستقبلك واسعي لتحقيقها


انا ما اطالبك بانك تدمري حياتك بانجرافك وراء عاطفتك ولا اطالبك بأنك تنسيه لا لا عزيزتي انا اطالبك انك تضعين زواجك من هذا الشاب هدف من اهداف حياتك

وضعي لنفس اولويات لهذه الاهداف

الاهم فالمهم

اقصد ان اهم شي في عمر بنت بعمرك هي الدراسه فقط وبعد ان تاخذي شهادتك تستطيعي انك تفكري بالاهم بعد الدراسه وهو الزواج وساعتها اذا كان هذا الشخص موجود وما زال يحبك ويتمناك ساعتها تستطيعي الزواج منه

تقبلي تحياتي عزيزتي الحلووووه طمطوم

اختك العوده ........ نسرين الرياض

طمطوم انا مع نسرين بكلمها انتي باعتقادك الزواج لعب وحب وبس لا الزواج شغله اكبر من كذا ولازم تعيشي سنك لان هذه السنه الي بتتركيها لن تعود عيشيها وخليك من الزواج والحب الان اتمنى لو تعود بي الدنيا ساعات لاعيش لحضه ضيعتها فكيف انتي

هلا أختي نسرين الرياض


كلامج وايد حلو وأعتز به نزلتي دموع من عيني

اشكرج ع هالكلام الطيب

وانشاءالله راح أحاول آخذ على كلامج

لاتحرميني من ردودج

يعطيج العافيه

إختي العزيزة:

مشكلتج كبيرة بالنسبة لج لأنج مريتيها و مريتي الصعاب الي فيها,

بس هذا ما يعني ان مالها حل بالعكس لها ميت حل وحل

و أنا أوافق كلام الأخت نسرين الرياض يوم قالت ان ما يصير

ننتقل من الإبتدائية إلى الثانوية لازم نمر بالمرحلة المتوسطة

وهني نفس الشي ما يصير انج تتعرفين لولد فقط لمدة أربع سنوات و تطيرين

للزواج لا لازم تكملين حياتج وبعدين تفكرين شو بتسوين في سالفة الزواج

و أكيد انتي مرة سويتي غلطة و ندمتي عليها و خاطرج لو الزمن يرجع لورى علشان

تصححين الغلطة بس بعد ما يفوت الفوت ما ينفع الصوت ففكري قبل لا تسوي و مب

تفكرين ثانية أو ثانيتين و تقولين خلاص فكرت لا خذي الوقت كله لج لأن بعدين ما في

شي بينفعج صدقيني و أنا اختج:

[fot1]عبير القلوب[/fot1]

و بالتوفيق...