الرهاب عندي متوسط .. اشكر الأخ اللي ذكر اسم العلاج .... يوم من الأيام

الرهاب عندي متوسط .. اشكر الأخ اللي ذكر اسم العلاج .... يوم من الأيام

السلام عليكم
معاي الرهاب متوسط إلى خفيف .
لم استخدم أي علاج نفسي .
مدة الرهاب معي اكثر من 10 سنوات .
اجتماعي اسولف أحضر المناسبات .

المشكلة الرئيسية
يوم أكون إمام المصلين سواى بنزهة او بمطار .
تجيني رجفة تزداد ضربات القلب وتعرق
كان الهروب الحل واتاخر وترقب الوضع من بعيد

أما المواقف الاجتماعية اسولف واضحك ومستانس ولله الحمد.

متى أكثر موقف حسيت اني مريض بالرهاب الاجتماعي
قبل 8 شهور بالضبط .

القصة :-

انتقلت من مدينة تبوك إلى محافظة بحكم عملي .
استأجرت شقة وكان صاحب العمارة شخص كريم.
اتصل علي وقال واجبك بالضيافة ما اخذته .
وحدد يوم عشان نقدم لك الواجب لأنك ضيف علينا
حلفت عليه مايسوي شي لكن رفض وقال هذا واجبك
وكل المستأجرين بالعمارة سويت لهم مناسبة عندي .
وبعد إلحاح وإصرار استجبت لدعوة .
وقال لي حدد يوم
وكأنه يقول حدد يوم عشان اذبحك فيه 😂
قلت خذ راحتك انت اللي حدد .
قال يوم الخميس القادم ...كنت بقوله هلا بالخميس😂
المشكلة أن اليوم السبت يعني باقي 4 أيام
هنا صرت احسب كل دقيقة .
وكانت عدة أسئلة تقلقني !!!!

هل الحضور قليل او كثير ؟
اتمنى يكون قليل عشان أخذ راحتي
فعلا عرفت وقتها أن معاي مرض اسمه الرهاب
لأني انا اضيف وليس كالعادة من ضمن المعازيم.
الضيف راح تكون بصدر المجلس.
الضيف راح تكون بالواجهة . أكثر شخص تطرح عليه الأسئلة.

مافيه حل خلاص لازم أحضر !!!!

مضت الأيام وتبقى يوم واحد فقط
ويوم الأربعاء اتصلت جارتنا على زوجتي .

وقالت زوجتي : جارتنا ام فلان
تعزمني على العشاء بكره اللي انت الضيف فيه .
وتقول عازمين كل ربعهم واقاربهم وكل الجيران وكل حارتهم

هنا قلت بداخلي ..الله لا يبشرك بالخير
قلت لها الحمد لله عشان مايصير إسراف بالنعمة .

وقول بداخلي .
وش ذا الورطة ..اللي ماحسبنا حسابها .

ياليت لو اعرف أحد بالمحافظة هاذي اقوله يجي معي ...لكن ما اعرف أحد جديد هنا .


ويوم الخميس صرت احسب الثواني
وبعد صلاة العصر اتصلي علي قريب متقاعد صاحب شهادة عليا ومتحدث مميز.
قال انا عندك بالمحافظة ..
حسيت أنه ملك نازل من السماء .
قلت له الله جابك .
جاري مسوي لي عشاء تحضره معي
قال بما انك انت الضيف راح نحضر سواء .

كأني ربحت جائزة المليون وقتها .
وهاذي المناسبة الوحيدة اللي خفت منها .
انتهت القصة .

العلاج
قبل يومين
الهدف ..حل مشكلة الإمامة بالصلاة.
طرحت المشكلة هنا بالمنتدى
وردوا على الاعضاء باستخدام علاج الاندرال
ولله الحمد ابشركم صليت أمام جماعة صغيرة
صلاة المغرب بدون رجفة وتعرق وبثقة
حب الاندرال 40 ملجم

أخذت حبة وحدة باليوم

ودواء غير نفسي يعالج سرعة ضربات القلب
ولا راح استخدم غيره

الآن اليوم الثاني
الله يشفي كل مريض
وآسف على الإطالة .

المصدر: نفساني

انا شغال على اللوسترال… والله المستعان

راجع الطبيب الافضل