|
|
|
 |
|
 |
||||||||
|
||||||||||
 |
 |
 |
||||||||
| ملتقى أصحاب الرهاب هل تعاني من الرهاب ...؟ لست وحدك في ذلك!... |
 |
|
|
أدوات الموضوع |
04-05-2011, 08:23 PM
|
#1 | ||||
|
عضو جديد
|
خجل ورهاب
السلام عليكم
اتمنى تكونوا بخير مشكلتى انى خجوووووله جدا جدا اتكثف حتى انى اتعامل مع بنات ف سنى او اصغر !! مابلكم بالرجاله؟؟ المهم.. وصل الموضوع لحد الرهاب مابحبش اتعامل مع اى راجل او اللى فـ جنسي بشتغل بس شغلى يكون فيه بنات بس بتأقلم بصعوبه مش بحب اكون ف مكان مكتظ بالناس بحس انى اقل من اللى موجودين جدا اعراضي لو ف عز البرد ممكن اعرق بغزاره سخونه فـ جسمى رعشه وشي وايدى لو حد كلمنى وجاملنى ودحكنى مش بعرف ادحك بدحك دحكه سفره كامجامله بحس ان الناس بتاخد بالها منى دايما لاااايمكن اكل وخصوصا الشرب لما اقرب الكوبايه على شفايفي اترعش جدا ومش اعرف اشرب وارفض الشرب خوفا ان حد يشوفنى ويقول عليا مش طبيعيه الكلام ته وصل وانا بين اهلى لا بعرف اكل ولا اشرب ممكن اكل لوحدى حتى معملتى ليهم بقت صعبه بقيت بعاملهم زى الاغراب بقيت نرفوزة وعصبيه معنديش امل ف بكره ته غير الجواز خاصه انى عديت الـ24 سنه بلييييييييييييييييييز ياجمااااعه قولولى على دوا كيماوى او اقراص عشان اعرف اهدى نفسي وبالتالى كل حاجه تتظبط داخليا فاتتظبط خارجيا اسفه عـ الاطاله المصدر: نفساني
|
||||
|
|
08-05-2011, 07:50 AM
|
#4 | |
|
عضو نشط
|
بصى يا سلمى دى كلها اعراض الرهاب الاجتماعى
بصى انا كنت اعانى منها بشدة لدرجة لو بتكلم مع حد ابص فى السقف او فى اى حتة الا وشه وكنت نفس الكلام اتعرق بشدة حتى فى عز البرد و كمان احيانا اتلعثم حاليا اتعالجت من معظمهم بس لسه فاضل حبتين المهم انا بدات شوية شوية و مفيش علاج هيتم فى يوم او شهر وبلاش يأس لكن انتى لما هتلاقى نفسك بتتغيرى شوية شوية هتاخدى ثقة تكفى لتغييرك من باقى الاشياء غير السعادة اللى هتحسيها وبالنسبة لموضوع الزواج ما اجمل الزوجة الخجولة و انتى بمثابة زهرة فى عيون كثير من الرجال لانك تقريبا معرفتيش اى حد قبل كده مع العلم بالشىء الخجل المرضى مش ميزة و الحياء هو الميزة ليس معنى ذلك ان اى بنت تعرفت على شاب فى حياتها باحترام انها وحشة لا طبعا لكن انتى عارفة هنا فى مصر انت بذلك زهرة و مميزة و انا كمريض رهاب اعرف انكى لن تكونى خجولة مع زوجك يمكن فى الاول بس وبذلك هو لن يجد مشكلة الحكاية فى خارج المنزل بصى بالنسبة للرهاب انتى محتاجة ايجابية كبيرة وصراحة مع نفسك وتدريبات و تفكير بصى مثلا انا كنت ببقى بخجل من كتر العرق وكنت بحس نفس النظام ممكن يفتكرونى مش طبيعى وده طبيعى لكن لما غيرت طريقة تفكيرى بمعنى ليه فاكر انهم هيقولوا انك مش طبيعى ؟ ليه متقولوش انهم هيقولوا انك محرج او شىء زى كده واى كان انا بكل الاحوال بقيت بشيل معايا منديل وبمجرد ما بحس بالسخونة وبعدها العرق بمسح العرق وكان انا لوحدى فى المكان ودى كسرت جوايا عقدة القلق من العرق بالتدريج وكذلك الشعور اللى بحسه والعرق على وشى مثلا تانى انا عالجت ازاى موضوع انى مش بقدر ابص فى عين اللى بكلمه ببساطة بدأت اقول بص فى عينه مش شرط وشه كله و دى معناها انك شخص واثق ووو مرة مع مرة مرة صح مرة لا بدات اتغير المهم هنا نقطة انى دايما كنت بقول لنفسى " انا مش هفضل كده على طول مسيرى هيجى يوم واتغير" ودى كانت امل كبير والامل شىء مهم جدا وكمان لما بلاحظ انى بتغيير كنت ببقى سعيد وببقى عاوز اغير تانى وثالث لحد ما عملت قانون رائع لنفسى *-انت اتغيرت كتير ولسه بتتغير و هتتغير وده بيدينى دفعة وثقة بالنفس كويس وبالطبع عندى وبمر بتصرفات ومواقف مش اللى هىه بس بالقانون ده بقدر اقدر احافظ على توازنى ويخلينى ميأسش وممكن ادى امثلة للصبح انا بقالى كتير بغير فى نفسى انا بس هديلك الطريقة واى سؤال انا موجود اولا اعرفى ايه اللى بتحسى بيه تقبلى ذلك ونفسك و ثقى بان الشخص الخجول اللى بيتعالج من خجله بيقى انسان كويس وبيكون عنده خبره جميلة وبيفهم الناس اكتر قانيا اتدربى مع نفسك ودى سكة كبيرة مثلا نوع من التدريب عن طريق الخيال هتقوم على كرسى او ع السرير و تريحى نفسك ع الاخر وبعديين تتخيلى نفسك مثلا وسط مكان مزدحم و ان الاعراض بدات تظهر عليكى وهنا يبدا التدريب هتحاولى تهدى نفسك او تبتكرى اسلوب يخليكى اثناء التخيل ده انك بقيتى كويسة نقطة انتى لازم تتخيلى الموقف بجد بصعوبتة وكل المواقف المحرجة بس لازم لازم تعملى نفسك بتتخطيها مش زى سوبر مان :D حسب قدراتك قدرات الانسانة الخجولة مش معنى كده ان الحل لازم يكون فيه خجل لا بس لازم تحسى انك فى الواقع فعلا و تتخيلى الحل المناسب وسط القلق اللى هتكونى فيه ومش هيخليكى تعرفى تتصرفى كانك طبيعية مثال لانى عارف انا خرفت فى الكلام :D انا مثلا كنت بممشى بخطوات سريعة جدا وملبوخ و عمال ببص هنا وهنا بربكة تخيل الموقف بحزافيره واكثر وبعدين تخيلت وقلت ما انا ممكن اشغل نفسى بالاستمتاع بالطريق فبدا اهتمامى وانا ماشى فى الطريق "فى التخيل" بدل من ملبوخ لشخص يستمتع بجمال الاشياء من حوله مثلا باترينه محل او عربية جميلة وفى نفس الوقت بتخيل السلبيات اللى ممكن اقابلها وبضع لها حلول والطريقة دى ناجحة وفى طريقة اخرى رائعة برضه انك تتخيلى الشكل اللى عاوزة تكونى عليه وتبداى تحطى نفسك فى الموقف البايخ و لازم يكون فى التخيل انك بتتصرفى بالشكل اللى انتى عايزاه ممكن اثناء تخيلك عقلك يرفض الفكرة بمعنى هههه حتى فى تخيلك هتتصرفى بلبخة ممتاز اوى اوى عند بعند وهتحاولى تتخيلى نفسك بتنفذى الشكل اللى انتىى عايزاه ومن طرق التدريب مثلا انك تبصى فى المرايا وتقولى انا واثقة من نفسى وتتخيلى نفسك بالشكل والمعنى ده وتكرريها كذا مرة عموما الطرق كتير محتاجة تدريب يومى والنتايج عمرها ما هتبقى من يوم وليلة بس لو فضلتى ايجابية وعاوزة تتغيرى يوم ورا يوم هتلاقى نفسك بتتغيرى وحاولى تلاحظى التغير البسيط ده عشان تشجعى نفسك بيه حاول دايما تتدورى على كل حاجة حلوة فيكى وتغيرى كل حاجة وحشة بدون ياس او استسلام وانا تجربنى كبيرررررة بس كفاية كده انا كتبت رد طويل اوى werw; وعلى فكرة انا عمرى قريب من عمرك 23 سنة يعنى الكلام ده مش صعب عليكى شكرا واتمنى للكل حياة افضل :) yoo0ssef |
|
|
|
|
08-05-2011, 01:39 PM
|
#6 | |
|
V I P
|
أهلاً بك سلمى معنا ....فى منتدى نفسانى ..
أرجو أن تضعى مشكلتك هنا http://www.nafsany.cc/vb/showthread.php?t=65806&page=8 ...حتى يجيبك دكتور رعد إن شاءالله |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
