ثقل لساني ... ساعدوني

ثقل لساني ... ساعدوني

السلام عليكم
انا حالتي من 1431هـ وانا كثير الوسوسة في الامراض والموت
اوقات مبسووط واواقات اي عارض صحي يتعبني

المهم انا اليوم كانو عندي عمال بالبيت بعملون بوويه .. وانا كعادي اي ريحه اشمها احس تجيني كتمه ( مادري وسوسة او فعلا مي حساسية بالصدر )
لدرجة اهرب من العطور والروائحه جميعهااا

المهم طلعت اوصل العمال لبيتهم واول ماركبت السيارة حسيت لساني في الاخير اللي قريب الحلق كانه نشف او ثقل ماني عارف اوصف وحاولت ابلع ريقي مو قادر وحاولت وحاولت يالله بلعته
بس من لحظتها الى الان وانا اكتب لكم احس كل ثانيه ودي ابع ريقي الحمدلله ابلع الريق عادي بس ليه احس ان اللسان كانه يصير ناشف في الاخير واحس لازم ابلع ريقي واحس اخاف قبل لا ابلع ريقي اخاف انه ماقدر
طبعا من ساعه الحاله معي والى الان

ارجوووكم ساعدوني ...ارجووكم

ممكن اروح دكتور بس اخاف منهم

المصدر: نفساني

ماتشوف شر إن شاء الله
أعتقد تعاني من إلتهاب الجيوب الأنفيه وإحتمال حساسية في الصدر

أنا أيضاً إذا شميت البخور والعطور والبويّه والغبار وريحة عوادم السيارات أحس بكتمة وإختناق وإنقباض في الصدر وطلع سببها إلتهاب الجيوب الأنفية بعد الكشف وأخذت أدوية لمدة اسبوعين وخفْت الحالة ولله الحمد والشكر والفضل والمِنْه

إكشف على الجيوب الأنفية

قدامك العافية إن شاء الله

على فكرة .. إذا داومت على العلاج لمدة اسبوعين متواصله بتحس بالعافية وبإذن الله ماراح تأثر فيك الروائح

أنآ حسيت زيك قبل تقريباً اسبوع الحمد لله الحين مآحس بشيء دآومت على العلآج وسرت آخذ عسل + قشر رمآن + مره + حبه سودآء واربع ايآم والحمد لله رآح ثقل اللسآن وعلى فكره كنت احس بدوخه وعدم اتزآن طلعت بالشمس ربع سآعه والحمد لله خفت كثير عن اول .. الله يشفيني ويشفيكم جميعاً

مرهم جروح انا فعلا اعاني من التهاب جيوب انفيه
يعني ربما هيا اللي مسببه لي مثل الاختناق بالحلق .. وكتمه ..
بس انا بسبب الوسوسة اي شي يوسوس فيه ويتعبني ....
الله يعطيك العافيه على الرررد الله يرحم والديك

مهلوعه للابد ..
اشكرك على الررد يبدو انها كلها حالات نفسيه وهلع ووسوسة .. الحمدلله على كل حال

البارح رحت للمستشفى بالقوة ... وقالي السكر والضغط سليم ومافيه شي هذا شي نفسي
وطبيعي يكون كتمه بس لاني اعاني من الوسوسه هيا اللي مخليه الحاله زايدة عندي

طبعا بالاضافه الى الجيوب الانفيه اعاني من القولون ايضا وممكن هو مسبب لي كتمه

يمكن مرض ربو

سلامتك اخي،، لاتدع الخوف والتردد يبعدانك عن العلاج قد تكون حالتك بسيطة جدا وتزيد منها بالوسوسة، عليك التوجه لطبيب وعمل الفحوصات اللازمة لتتاكد انها مسألة عضوية او نفسية وتأخذ العلاج المناسب وستتحسن بإذن الله وترتاح من هذه الحيرة.

طول الاسبوع الماضي كانت الحاله شبه متحسنة ثقل اللسان ماحسه
لكن اللي متعبني كان كتمه وضيقه احس ودي الله يكرمكم ودي اترررع احس براحه

مع العلم اني اعاني من القولون وايضا جيوب انفيه هل بسبب البرد ربما يتعبني ..
احس اتوتر بمجرد ماحس بشويه ضيقه واجلس اقلق بشكل كبير

كنت قبل ساعه خارج البيت وحسيت انه مرة مو قادر احس بيروح النفس وبيغمى عليه لكن قلت بطنش حتى ارجع للبيت
والان رجعت للبيت واحس انه اهدا من قبل بس مازلت قلق

مرحبا بك في عالم الوسواس الذي غيبني وغيب حياتي السابقه ..ساهديك نصيحة لم اطبقها انا ..نصيحتي لك اهرب من وساوسك قبل ان تفقد السعاده في هذه الحياه وهون من تفكيرك السلبي ولاتلقي له بالا