حكايتي مع المهدئات

حكايتي مع المهدئات

السلام عليكم ورحمة اللة وبركاتة,,,, وبعد
اخواني الاعضاء/المستشارين ....... تحية عطرة

بصراحة انا عندي علم بالموقع والمنتدى من قبل سنتين وللاسف استخدمتة بالشكل الخاطئ كيف ؟ راح ان شاء تقروا قصتي كاملة وان شاء الله انا معتمد على الله ثم على جهودكم والرد على قصتي بالكامل .

انا بدأت معرفتي بالهدئات تقريباً من قبل 5 سنين بس ماكنت احسب انها هاوية في حال افرطت في استخدامها واعتمدت عليها.بصراحة انا ندمان على كل شي سويته ويمكن ما اتعلمت شي من اخطائي الا في هذة اللحظة اللي قاعد اكتب لكم فيها .والله مادري من وين ابداء بس انا شاب زيكم بس الفرق اني أستخدم عموم المخدرات والمسكرات من 9 سنين طبعاً كانت مرحلة وشوط عدى عليا كأنه يوم وزي ماقلت انا بستخدم المهدئات لي 5 سنين بس .بالنسبة لمشكلتي ماعرفت اني واقع في مشكلة الا في الاونه الاخيرة وعلى قولهم بعد ماوقع الفاس في الراس .المشكله بصراحة ماهي في المقطع الاول (استخدام المخدر وشرب المسكر ) قد ماهي في المقطع الثاني اللي هوه العقاقير بحيث انها غيرتني مليون بالميه انا خسرت عملي اللي هوه مصدر رزقي بعد الله وطبعاً اهلي اللي هما سندي واصحابي حتى اصحابي اللي كانوا يشاركوني فرحتي ونشوتي خسرتهم .بعد فترة من استخدامي للمخدرات والمسكر الله يبعدكم عنه بدأت احس انها ماصارت تديني نفس النشوة .طبعاً الشيطان زينلي المهدئات كمساعد عشان اوصل لنشوة المخدرات زي الايام الاولى وبالفعل والله اقول كفت ووفت وفي نفس الوقت دمرت حياتي بالكامل .لاخذ العبرة والحيطة اخواني استخدمت الريفوتريل2 مج و الزناكس0.5 مج و الراهيبنول 1 مج و لوكستينيل3 و6 مج و الفاليوم 10 مج الازرق والابيض وانا سليم 200 % وماني بحاجة لها طبعاً كنت اقرا منتدياتكم ودخلت على الصيدليه وقريت يمكن اصير دكتور نفسيه من كثر ماقريت كل مرض نفسي وايش طرق العلاج فيه والادوية المستخدمة .بس ركزت على الريفوتريل والزناكس لدرجة انه وصلت اني اخذ 15 حبة ريفوتريل و15 زناكس في يوم واحد مع العلم اني بحشش بشراهه وكنت ما احب اروح عملي الا وانا بهذه الحالة الين ما احد الشباب طبعاً بلغ جميع اللي في العمل اني بسوي كده وكده .طبعاً انا اتماديت عناداً وزي ماقلت المهدئات غيرت شخصيتي 100 % .في يوم صار شي عمري ماسويته في حياتي والله زي ما اقلكم طبعاً رحت العمل وانا في حالة الله يستر والله اني ما احس من كثر المهدئات فاقد الاحساس 0% واللي صار ماعرفتة الابعد اسبعوين من المشكلة طبعاً سويت شي مخل بالامانة في العمل ومحد عرف من زملائي او شافني الا الله والله مو لاجل شي ولا حاجة مادية دفعتني بس مادري هوه حب انتقام كان بينتابني او هلاوس كنت بسوي اشياء غريبه بس لقيت نفسي في دوامة وفجاءة لحظة صحوه الا وانا بصراحة ياجماعه بمعنى الكلمة حرامي تخيل موظف دخله 7 او بالاصح 8 الاف بالشهر وما عنده اي مسؤوليه يكون حرامي ياجماعه ما اتحملت نفسي وبصراحة طلعت من العمل وانا في قرارة نفسي ان هذا اقل شي ممكن اعاقب فيه نفسي .انا اليوم قاعد والحمد لله لي اكثر من شهرين وما بستخدم شي صح اني مبسوط بس زعلان على نفسي بالله عليكم لو احد مر بنفس الشي كيف كان راح يتصرف ؟ طيب انا كان ممكن احل المشكله في العمل بس يمكن كبريائي ويمكن عشاني عمري ماخنت امانتي طلبت الاستقاله من العمل وطبعاً اخذتها والحمد لله انحسبت لي خبرة بحيث ممكن ابداء حياة جديدة واتعلم من اخطائي؟ ايش الخطوة الثانية المقبلة اللي ممكن اسويها مع العلم يمكن المصروف الزايد كان هوه سبب المشكله ؟ايش سبل النجاح المفتوحه امامي مع العلم اني متعلم ومثقف واعرف اعالج نفسي قبل كل شي ؟ ممكن تحطوا كل الخيارات الا مراجعة عيادة نفسيه ليش؟ والله كل الادوية اللي قلتلكم عنها كنت باخذها بوصفة انا وصلت لدرجة اني اقدر اخذ من اي طبيب نفسي اللي انا ابغاه مو اللي هوة يوصفلي اياه .بصراحه اهلي قالولي حاجات ماعرفتها الا وانا بالعامي صاحي وفايق نفس الشي اصحابي وكل من كان يعرفني .انا اليوم بكامل قواي العقلية لقيت اني مابسوي شي وطبيعي اميز الصح من الخطاء الحلال من الحرام .مع العلم اني ماعندي اية امراض نفسيه.والله ياجماعه المرض مو عيب لو نقول مرض لعرفنا المشكله وحليناها بس اتوقع اني حتى اللحين ماحليت مشكلتي كامله.برايكم ايش الحل افيدوني والله يرفع ويدفع عنا وعنكم البلاء....

المصدر: نفساني

اخى العزيز :
عليك ان تنسى هذه الفترة من حياتك وتعيش حياة جديدة منذ الفتره التى قررت فيها ان تتوقف عن تلك الاشياء الضارة و يجب ان تتعلم من تلك الاخطاء ولا تكررها مرة اخرى
وشىء رائع انك تعترف بخطأك وايضا شىء رائع ان تدرك سبب ما كنت فيه
فالحل فى يدك انت حيث يبدو انك شخص عنيد وعندما تصر على شىء تنفذه
وعليك ان تتصالح مع اهلك وتعترف لهم بخطأك
تقبل مرووورى
عليـــــــاء

أخى / لا للمهدئات
مرحباً بك معنا فى المُنتدى ....
وكما قالت لك الأخت علياء : إنس اللى فات وابدأ من جديد مع الإستفاده
قدر الإمكان من الماضى الذى يبدو أنك ــ ولله الحمد ــ غير راضٍ عنه ...
وفقك الله لما يُحبه ويرضاه .....
اسامه

لا للمهدئات ،،

مساء الخير ،،

اخي لي عوده ،، وسنرا هل ستنصت وتفهم وتعي

ام ان الموضوع لمجرد الاطلاع ،، لان الكثير ،، وقعوا

تحت اختباري والكل مجرد يكتب ،، ولا يريد الاصغاء ،،

لذلك سنرا ماذا سيدث قريباً

لنا عوده ،،

see you

تحياتي لك ،،

~ عنوان التفاؤل ~