قصة شفائي من الوسواس و نوبات الهلع

قصة شفائي من الوسواس و نوبات الهلع

السلام عليكم كيفكم اخواني و اخواتي
انا بكتب لكم اشلون تعافيت من نوبات الهلع و الوسواس ولله الحمد و المنه و ان شاء الله بعد يارب انتم تتشافوون

بسم الله الرحمن الرحيم
اول شي انا كتبت بموضوع اشلون بدت معي نوبات الهلع والوسواس واللي م شاف الموضوع هذا هو

http://www.nafsany.cc/vb/showthread.php?t=69463

طبعآ اول شي احنا سافرنا ب ثاني يوم رمضان و انا طول هذاك اليوم ضايقة بي الدنيا خايفة من السفر و كل م اسمع طاريه اضيق زيادة
ركبت السيارة قريت دعاء السفر بتوتر خفيف مشينا و انا احاول اسلي نفسي بأي شي عشان ابعد عن الخوف و الوسواس مره يروح الخوف و مره يرجع يعني على خفيف و الحمدلله عدت السفرة على خير لما و صلنا بيت خالي ارتحت اشوي لما رحت عند خالي و اندمجت مع البنات و خالاتي و سوالفهم و الخوف و الوسواس يروح و يرجع بس انا كل م جاء اشغل نفسي بأي شي و كذا لما بديت اضحك و اطلع اسولف مع اني قبل م كنت ابي اضحك و لا اسولف و لا اطلع اشوي اشوي لما راح الخوف بس كان في اشوية توتر ووسواس خفيف لما جاء طاري اننا راح نسافر عند جدتي و تمسك معي الحاله من جديد ههههههه مع ان المنطقة اللي ساكنها فيها جدتي قريبة من المنطقة اللي ساكن فيها خالي يعني تقريبا 200 كيلو بس مدري مسكت معي خوف ووساوس الله لا يعيدها من ايام المهم رحنا عند جدتي و ارتاحت نفسيتي اشوي و استمرت الحياة ماشية قبل كنت اخاف اقعد بروحي و اسكر النور عند جدتي كان الوضع عادي و لا في خوف بس يوم خلصت الصيفية و اهلي يبون يرجعون الدمام قلت انا ياربي وش اسوي خايفة اني ارجع و ترجع لي الحالة لان انا بس طلعت من الدمام ارتحت اشوي و حاولت في امي انها تخليني عند جدتي لما وافقت قعدت عند جدتي و ارتحت و اجد عندها و نفسيتي تحسنت بشكل كبييير و قبل اسبوعين رجعت الدمام و انا اللحين و لله الحمد تعافيت و راحت كل اعراض الخوف و مااخفيكم الى الان تجيني وساوس خفيفة جدآ بس اني اسوي اللي براسي عشان ابعدها

انا حابه اقولكم شي ترا الخوف والوساوس شي وهمي و الله العظيم لو بيصير لنا شي او اننا بنموت الله لا يقولة كان صار ذا الشي من اول نوبة هلع ووسواس بس كله من ابليس اعوذ بالله منه
و اي شي تخافون منه سووه لان هذي الطريقة الاولى بتخطي الحالة

في اخر كلامي م اقول الا الله يشفيكم و ترجعون مثل اول و احسن وتعوضون كل ايامكم اللي راحت بالخوف والوساوس و الله يوفقكم ان شاء الله بحياتكم اميييين

المصدر: نفساني

الحمد لله اختي على شفائك .. الله يديم عليك الصحة و العافية

لما كنت اقرا تذكرت معاناتي و خوفي من السفر لكني كنت اتحدى ذلك بالتوكل على الله و الحمد لله سافرت و ما صار شيئ

الوسواس مجرد وهم لكن احنا الي نعطيه اكبر من حجمه

الله يشفينا جميعا يا رب