تجربتي

تجربتي

صباح الخير على الجميع
اليوم اكملت ثلاثة اشهر بالضبط من استخدامي دواء برنتلكس وحبيت اكتب لكم تجربتي لعل هنا من يسأل عن الدواء ونتائجه ويستفيد .
من شهر نوفمبر ٢٠١٧ الى يونيو ٢٠١٨ مريت باعراض جسديه ونفسيه ماكنت اظن اني بطلع منها ابدا لشدتها والمها نفسيا وجسديا من دوخه وقلق وخفقان وخوف و توجس وارق وضيق كنت احس نفسي اني بحلقه محكمة الغلق ولا اشوف فتحه اقدر طلع منها تلاشت متعتي بكل شي حتى الاكل وحتى ممارساتي المحببه اليوميه مثل الشاور والمسلسلات احس اني بدنيا اخرى كئيبه .
استخرت الله سبحانه واخذت الدواء في شهر يونيو في بداية الايام زادت الدوخه والغثيان ومعد صرت اكل ابد ومعد اتحرك من الفراش تهب وشعور بالسقوط والاغماء حتى صلاتي قصرت فيها لكن بعد العشره ايام ابتدا النور يظهر وابتدت الاعراض تخف بتدرج بطئ لكنه مفرح بالنسبه لي لأني كنت حيرانه بنفسي ومع الايام اختفت الدوخه الا من بعض ثواني تجي دوخه سريعه وتختفي اختفى الخوف نهائيا انتهى تماما الغثيان ابتدت الشهيه للاكل ترجع ابتدا المزاج يتعدل والهدوء يتسلل لروحي .
تصدقون ان امرأه تقعد ٨ اشهر ماتطب مول ولا سوق ؟ انا مرت علي هالشهور ماشفت الشارع الا للدكتور ومواعيدي بالعياده النفسيه والمشي ساعه يوميا .
رجعت لصديقاتي وابتدت الحياه تهدأ وتستقر من جديد .
الخلاصه في الموضوع واللي انا فهمته بالادويه النفسيه انها مش مسكن الم وحبه سحريه تاخذها وتشعر بالسعاده لا غلط الدواء النفسي طريقة شغله بالجسم عجيبه تحسنه بطئ لكنه ملموس يرجعك لأنت الاول لكن بهدوء عجيب وهنا مربط الفرس ان كنت ترى الايجابي اكثر من السلبي وانت اصلا شخص ايجابي راح تتناسق مع الدواء بطريقه جميله وتستفيد اكبر استفاده وان كنت شخص سلبي لاترى الا السواد فالدواء شغله معاك صعب . لاحظت كثير ممن يستخدم الادويه النفسيه انه يترك كل الايجابيات ويركز فقط على اعراض بسيطه مزعجه ممكن تمر اصلا على شخص طبيعي مايعاني ابدا من اضطرابات نفسيه ويقعد يلعن الدواء او الظروف او المرض .
الحمد والشكر لله هي الداعم الاساسي الاول وتذكر ياعزيزي انك سواء رضيت بوضعك او مارضيت المكتوب عليك راح تشوفه والدنيا ماشيه .
الله يكتب لنا ولكم الخير والعافيه التامه والسعاده

المصدر: نفساني

الله يديمها من نعمة ياالأخت الغاليه قطرات الندا و يوفقك لدروب كلها سعادة و طمأنينة و رضا و يفتح لك أوسع أبواب الرحمات و يرأف بحالك 🌹🌹🌹

تجربة فيها من الفوائد الجمّة في ما يخص الأدوية و الحالة الإكتئابية القلقة مع العلاج السلوكي المعرفي و طرق أبواب الروحانية للسعادة النفسية
لله درك من عظيمة 🌹🌹🌹

الله يسعدك يابو نجلا ويسخر لك خلقه ويسخر لك الخير ويوجهك له .
والله لولا الله ثم الدواء وانتم بهالمنتدى كان انا متخبطه وفي حيره من امري لكن سبحانه ماعطاني اخوان بالدنيا ووهبني اياكم اخوه واخوات اشعر فيهم ويشعرون فيني افقدهم وادعي لهم من كل قلبي بكل صلاة ان الله يمنحهم الطمأنينه والسعاده .
عقبالك يابو نجلا يأمر العزيز الجبار بكلمة كن فيكون ويبدل حالك الى اجمله ويشفيك الشفاء التام ويجعلك تتذكر الايام والسنين السابقه وتقول ياااه كانت ايام الله لايعيدها .
لاتستكثر على الله شي ولا تستبعد العافيه تراها حولك وقريبه منك جدا .
تحسب ربي بيخليك ؟ ابدا انت قلبك نظيف مثل الطفل ولابد يجي اليوم اللي يعوضك فيه ربي وهاليوم قريب جدا تدري ليه ؟ لانك تسعى وتسعى وتسعى وحتى بأشد حالات المرض روحك معلقه بالله سبحانه .
يووووووه تذكرت حلمت فيكم البارح انت ولوليتا والبدراني قسم بالله قمت اضحك من الحلم انت اسمك المنتصر بالحلم والبدراني اسمه المعتصم ولوليتا اسمها فريال ههههههههههههههه انت اسمر ولك خدود وعوارض والبدراني اللي هو المعتصم نحيييييف مره وقاعد بمطعم مع انه حط صورته مو نحيف ولوليتا اللي هي فريال شعرها تلفح فيه يجنن ماشاء الله وانا قاعده اسوي لكم اكل حلم غريب عجيب شلون انت المنتصر وابو نجلا ؟ مدري 😁😁😁

أبو نجلا معجب بهذا

لا بالله و جيت أسمر ههههههههههههه يا حبني للسمر الله العالم من حبني لهم جا حلمك بالأسمر لا و بعد خدود يا ويلي من حلمك 🤣😂🤣😂

أجل جاد الله على من تكلف و جعله يمد و الله رب العزة و الجلال يرد بأضعاف ما أكلتينا إياه 😅

تعالوا يالبدراني و لولو تروها عازمتنا و حنا ما درينا 😂😂😂

الله يجيب دعواتك يالأخت الغاليه و الله ثم و الله إني أغليك غلا جمّ 🌹🌹🌹

الله يعلي قدرك يابو نجلا وانت والله احس انك اخوي وما اغليت الا اللي يغليك .. وجعل قدرك عند الله اغلى واكبر وقدرك بعيون الناس عظيم يارب 🌸

تجربة ايجابية ملهمة ،، ربي يتمم عليك عافيته ويزيدك من واسع فضله .. في ختام مشاركتك اللب ! وهو الايجابية والتفاؤل عند أخذ أي دواء ، جسد الانسان وخلاياه وتفاعلها مع الايجابية أمر مهم جدا بل هو نصف العلاج .

ما شاء الله تبارك الله

ابداع يا غاليتنا وتميز وطرح مبارك

كالعادة شعلة تفاؤل وبث روح التفاؤل في المنتدي

احنا الى كسبناك اختي عزيزة وغالية ومحترمة ومثقفة وركزي على مثقفه

مدري وش اقولك يا بس والله تستاهل كل الخير

اما الحلم ههههههههههههههههههههههههههههه مانبي عزيمة في الاحلام نبي عزيمة عندك هههههه او عطينا حقنا فلوس وكل واحد يدبر نفسه ههههههه

ابو علي تسلم على هالكلام الطيب الله يبارك لك بعمرك وعافيتك .
البدراني حياكم الله عين فراش وعين غطا .. تدري اسولف بالحلم على صديقتي قالت دققي بالاسماء المنتصر والمعتصم ترى لها معنى جميل .
الله ينصركم على هالمرض ويجعل حياتكم سعاده وهناء

ماشاء الله تبارك الله
اللهم لك الحمد والشكر الله يديم عليك الصحه والعافيه والسعاده
من يوم ماشفتك بالمنتدى وانتي انسانه مؤدبه وطيبه
تستاهلين كل خير اختي قطرات
بالتوفيق

الله يرفع قدرك ياخوي يابن دايم ويفتح لك ابواب الخير اوسعها ويعطيك من السعاده والطمأنينه الى ان يرضيك ويسخر لك جميع خلقه ويعلي قدرك في الدنيا والاخره . ماقصرت الله يجزاك خير

الله يتمم عليك الشفاء عقبالي يارب

الله يتمم لك ي رب
متابع مواضيعك وكلنا نمر بالمراحل
لكن الحمد الله التحسن موجود ولله الحمد
اسأل الله العظيم رب العرش العظيم أن يشفينا