|
|
||||||||||
الملتقى العام لكل القضايا المتفرقة وسائر الموضوعات التي لا تندرج تحت أي من التصنيفات الموجودة |
|
أدوات الموضوع |
21-08-2002, 02:31 AM | #1 | |||
عـضو أسـاسـي
|
أ. القحطاني
السلام عليكم
كيف الحال استاذ وكيف حال الجدة المهم أ.سليمان اقول مافي طريقة استرخاء للعجّـــــازين غير الطريقة اللي ذكرتوها قبل إللي هي عملية الشد واللإرتخاء والله اتعيجز اسويهـــــا أتثاقلها لا وبعد ثلاث مرات في اليوم يعني مافيي أمل أتقيد فيها فمافي طريقة أسهل تنفع للعجازين مثلي :D المصدر: نفساني
|
|||
|
21-08-2002, 06:41 AM | #2 |
عضو
|
لمياء العجازه والكسوووووووووووووووووووووووووله مره مره مره:D
انتي ترى ماهو ابكيفك ادورين طرق استرخاء اجوزلك 000 هذا اللي موجود عاجبك ياهلا ويامرحبا ماهو عاجبك انتي حره:D ترى امزح معك لاتزعلين 0 يالله سلام عليكم وخروا عن عباتي عشان امشي :D |
|
21-08-2002, 09:17 AM | #3 |
عـضو أسـاسـي
|
الصلاة استراخ للعجائز ، ولمن لهم نفس المواصفات !!!
أهلا اختي الفاضلة لمياء ....
صباح الخير .... جدتي تبلغك السلام .... وتدعو لك بالثبات في دينك ، ودراستك .... جدتي إذا توترت ..... إذا تأخرت عليها ، وقلقت عليّ ... هرعت إلى الصلاة ، وألتفت في " جلالهـا الوردي " وأطالت السجود ..... فأتي ، واجدهـا قد غفت .. فلا أجرؤ أن اوقضهـا ... فأسحب فراشيء لأنام بقربهـا كي تفيق وتجدني ... فأصحو ، وإذا أجمل أبتسامــة أراهـا في حياتي مرسومــة على شفتيهـا .. فاسترخي انا طوال يومي .... اتذكّــر أن لك جدة .... حاولي اقناعهـا بالمبيت عندكم ، فوالله سيكون لحياتك طعم ، ولون أخر .... إن اعيتك الحيلة اعرتك جدتي . :) |
|
21-08-2002, 12:42 PM | #4 |
عـضو أسـاسـي
|
الأفعــــــــــــى
قولي الله لايبالانا الحين أنا شايلــــــــة هــــــم تدرين ليش ؟؟؟؟ عشان غرفتي بروح أرتبها الحين.....تقولين عزبــــة زيــــــود ...والله لو الود ودي مارتّبتها بس أمي بتزعل علي .....والمشكلة بعد تبغاني أرتبها أنا لحالي تعذييييييييييييييييييييب إهئ أهؤ أهأ :9: ____________________ أ.سليمــــــان عندي جدة من أروع مايكون بس عندهـــــا عزة نفس بشكل أقولها يا يمه تعالي في بيتنا تقول : هـــااااااااو منتب صاحية الله لا يخليني من بيتي ورجيلي ((اللي هو جدي )) ... المهم يا أستاذ سليمان يعني تقصد إن الصــــلاة هي إسترخاء العجازين ..تصدق إنك صادق أنا إذا سجدت معد ودي أقـــــــــــــــوم :D لا عاد من جد أ. سليمان مافي طريقة إسترخاء على الماشي ما تأخذ وقت تخبر محدثتك بزنس ومن :D |
التعديل الأخير تم بواسطة لمياء ; 21-08-2002 الساعة 12:46 PM
|
21-08-2002, 01:24 PM | #5 |
عضـو مُـبـدع
|
لميـــــــــاء يحبيلك إنت وغرفتك تسمينها عزبة زيود
أنا عارفة ابوي وش يسمي غرفتي // يقول كنها سيارة منقلبة = يعني حادث وأمي جنونها إذا بغيت أرتب غرفتي لاني ماأكتفي بشغالة وحدة آخذ الثنتين / وتنجن أمي تقول / لازم تقومين ألآمة المحمدية علشان غرفتك شوفي أخواتك وش حليلهم / إدخلي شوفي غرفهم ؟ اقولها // يمة كم قلت لك من مرة ودي تزوني في غرفتي طبعا تقول / الحمدللة رب العالمين _____________________________ وإذا جبت الشغالات وبدو الله يستر يرتبون أنا اجلس على سريري عن بعد ؟ وأتأملهم // يقالك آراقبهم والله لو يلشون نص أغراضي مادريت عنهم:eek: |
التعديل الأخير تم بواسطة = غريبة = ; 21-08-2002 الساعة 01:52 PM
|
22-08-2002, 06:11 AM | #6 |
عضـو مُـبـدع
|
لمياء0000صباح الخير
ممكن لوسمحتي000000أتكلم000 لمياء ودي اقول لك ان الحال من بعضه بعدانا ماخليت تمرين استرخاء الا وجربته ودحين في شيء اسمه 000اسمه الله يعطيني على اسمها00ايوه تقنية الاكسندر ودي اصبح على الاستاذ الكريم القحطاني اولا وانشاء الله يكون كويس واسئله عنها ؟واذاكان ممكن يعطينا معلومات عنها000 استاد سليمان آمانه سلام خاص لدكتور محمد التويجري والدكتور عبدالله السبيعي واختنا الحبيبه الاستاده اماني:p لمياء الا على طاري الغرف تري خويتك مطروده من غرفتها لها اسبوع ونص تقريبا من يوم دخلت المنتدى عندنا ضيوف من النوع الثقيييييييييل:16: ويازينها وزين حوستها تقول امي انت رجالك بيردك علي من اول يوم:3: ولين الحين ملازم الجامعه في الادراج كسل بعيد عنك0لاتروح تزعل علينا الافعى نسيت مأصبح عليها وعلى الحبيبه غريبه وين الناس؟؟؟؟ استاد سليمان ترى ضروري تشوف لنا دبره في الاسترخاء ,الله لايوريك انا ابدع فيه وما لقيت الا اني ابكييييييييي وافضي كل الي برأسي ولوبكيت منهنا لين بكره انا ماعندي مشاكل000000 بسم الله علي لاتحسدوني !!!!!!! على العموم اتمنى ان صدركم يتسع لي زي ماأتسع لي المنتدى وانشاء الله ماأكون دخلت عرض في موضوعك يالمياءاذا كان كدافالعذر والسموحه من تفاحة المنتدى الحبيبه لمياء0 وان شاله ماكون ثقلة عليك استادي العزيز وان كان حصل مني شيء فأنا ااااسفه وبالله ماتنسى توصل السلام تراه آمانه:) وتقبلو محبة واخلاص ابنتكم الموجوده بكم دائماً000 000000000اساهير الحزن :31: معاًيداًبيد0000000000وبعد حُلكت الظلام يظهر الفجر0:37: |
|
22-08-2002, 11:42 AM | #7 |
عـضو أسـاسـي
|
هع هع هع هع هع هع نيا هااااااااااهااااااااااااهاااي
يمــــــــــــــــه يمــــــــــــــه (( لحظه تراني قاعدة أنادي أمي )) مامــــــا مامـــــا (( ندلّع شوي:D )) تعالي إقري شوفي البنات كلهم مثلي غرفهم حوســـــــــــــــــــــــــــه إي والله دائما تقول لي خليك مثل بنات خلق الله يحبون الترتيب والنظام ..أقولها وش درّاك إن بنات خلق الله كلهم يحبون النظام ...تقولي أنا أشوفهم وشحليلهم و غرفهم ... .هع هع هع يالله يمـــه اقري اقري شوفي البنات وغرفهم كلهم مثلي أصلا البنت اللي ترتب غرفتها هذي الأيام بنت موضة قديمة (( ترقيعة محترمة صح :D )) ياحليلكم والله يا غريبة وأساهير أمي خلاص معاد لها وجه تقوللي إنت أعجز بنت في العالم ..الله يعين زوج بياخذك ..أساهير كلو سوى سوى .. غريبة خلاص بيتقطع بطني من الضحك .....أجل لو تشوفيني أمس والله ترحميني أقول ميد الخدامات تعالوا رتبوا معي يقولون (( مــــامـــا كلام مافي إدخل غرفة لمياء )) وقعدت أترجّاهم وأغريهم وبأعطيكم هدية يقولون (( كلاص لمياء ماما كلام لا إيس فيه إنتي إبغى نوم بس إنتي مافي رجل مافي يد)) يقطع أشكالهم فشّلوني إي والله لو تشوفوني امس أقطّع القلب قاعدة أكنس وأمسح وأرتب لا وتجي أمي وتقولي إيه تسنّعي يالمياء أكنسي السيسان زين (( السيسان تعني الزواية التي يصعب الوصول إليها :9: تعذ يييييييييييييييب )) المهم ......لحظه .. لحظه ((وانشاء الله ماأكون دخلت عرض في موضوعك يالمياءاذا كان كدافالعذر والسموحه من تفاحة المنتدى الحبيبه لمياء0 )) أساهيييييييييييييييييييييييييييير:mad: ترى بأسطرك الحين وش ذا الكلام إنا خوات ومابين الخوات رسميات لو سمحتي ...تخشين عرض تدخلين طول حلالك بلالك ...:D |
|
22-08-2002, 11:48 AM | #8 |
عـضو أسـاسـي
|
أ. القحطاني معليش ترانا حريم يعني لازم نتفرّع في السواليف ....
المهم ياليت تفيدنا بالإسكندر اللي تقول عنه أساهير (( :3: الإسكندر كني قارية ذا الإسم في التاريخ )) المهم دبرنا يا أستاذ سليمان ....الله يعافيك |
|
25-08-2002, 02:35 AM | #11 |
عضو نشط
|
اخواتي الفاضلات
في الكثير من الاحيان اقرا مواضيع وردود فيها الكثير من التفاعل بين اعضاء المنتدى وبصراحة استحى ادخل معاهم في ردودهم(احس اني ما لى داعي) بس ترى ما عندي شي اقوله :o :o :o وسلامتكم :rolleyes: ود الاحبة:rolleyes: |
|
25-08-2002, 04:18 AM | #12 |
عضـو مُـبـدع
|
تفاحه0000بالله إش رإيك وبعد حمراء يالله أنبسطي :D
لاتقولين ما تحبين التفاح الأحمر بعدتري:2: أقول لمياء000 تريك راعية الأوله ,كيف أرحب في بيتك,وإلا تري ماعندي مشاكل أبدا" أرحب"""""""""""""""""""""والاأستنى بكره0 يالله أنا اليوم وإنتِ بكره لما تقومي من النوم000الله على القافيه حركااااااااااااااااااااااات;) ود الأحبه تريني أدور مواضيع لمياء دواره كني مضيعه قطو,أستانس وياها وأنا أقول ((حب الله من جمع ضيفانه))الله يسعد جدتي ذكرتوني فيها الله يحياك ويحيي كل من جاء0تفضلي ولك كل الداعي 0 :3:ماكني أخدت وجه يالمياء0 أساهير |
|
25-08-2002, 06:37 PM | #14 |
عـضو أسـاسـي
|
اساهيييييييييير يا الغالية إنتي اقلطي في أي وقت المكان مكانك بس عاد لا تنسين صب القهوة عليك (( أدري غثيتكم بالقهوة بس أنا مدمنة قهوة يعني :D )) ولا تنسين البرحي لان القهوة ماتحلى إلا بالبرحي ...
وترى التفاح مع الموز حركة سمعتي ياموزة ;) _________________________ ود الأحبة وش دعوة تعالي تعالي اجلسي معنا .....موزة ياموزة تعالي صبي القهوة لود الأحبة وقدميلها البرحي ....بس موزة لا تنسين تمسكين الدلة باليمين والفنجان باليسار لا لا لا قصدي الدلة باليسار والفنجان باليمين لا لا لا ياربي وش قالتلي أمي بأي يد أمسك القهوة ؟؟؟ما أدري نسيت... أصل أمي توها أمس معطيتني درس في صب القهوة ..بس ياويلي شكلي بحل الواجب غلط :D _________________ غريبة أنا أقول لأساهير بأسطرك لأنها حاطة كلافة وحواجز ورسميات بيننا فيوم سطرتها تكسرت كل ذا الحواجز صح ياموزة ؟؟ غريبة ترى إذا حطيتي رسميات بيننا أ ترى موزة هي اللي بتسطرك ....:12: |
التعديل الأخير تم بواسطة لمياء ; 25-08-2002 الساعة 06:41 PM
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|