نفساني - عرض مشاركة واحدة

17-04-2024, 08:39 AM

بسبب قطوه غضبت على كل القطو

ما ادري من هو أو هي اللي تسوي ككه في الدرج ، المرة الأولى قلت يمكن حشرانه و دخلت البيت و الدرج و لا عرفت تطلع يعني بالعربي تغاضيت و سامحت ، شلت الككه و رميتها في البراحه

المره الثانيه إلا أشم الريحه و قلت في نفسي سوتها مرة ثانيه و شلت من راسي انها دخلت بالغلط و شلت من راسي إنها ما عرفت تنقز السور و شلت من راسي إنها كانت حشرانه ، الفعل متعمد و ليش ما ادري . شلت الككه و حذفتها بالبراحه

المره الثالثه سوتها و طبعا السواه هذي في أيام متقاربه ما هي بعيده عن بعض شلت الككه و جاء وقت الغضب و غضب غير محدد سويت تحديد للكل كل قط تشوفه عيني أجننه أهبل فيه حتى يقولون و يفكرون ما عاد يطمرون السور

😄😂 حتى البسه اللي خليتها تولد في الدرج و طبعا كان الوقت قيظ و رطوبه و العايله ما هم موجودين مسافرين للديره فخليتها تولد ورغم انها ما هي أليفه بس ارتاحت للمكان و ارتاحت لي و انا ارتحت لها و رحمتها كانت حامل و خليتها تولد في الدرج لين ما بدوا عيالها يخرجون أكرمكم الله فاستخدمت معها أسلوب الطرد و فهمت السالفه و راحت بعيالها لأنهم ستة أطفال و كبروا و بدوا يخرجون و أنا كنت وقتها تعيبين شوي باليالله أشيل حيلي فكيف أشيل حيل شي ثاني و شي طبيعي مثل ما البسه تطرد عيالها لما يكبرون في سن معين بل بعضهم تاكل بعض عيالها فكذلك أنا قلت دامكم تسوون كذا بعيالكم و خصوصا طرد الأم لصغارها في سن معين فكذلك أنا أطردكم لأسباب وجيهه 😂 سبحان الله يا ذي البسه أبغاها تتألفني و حاولت بس ما قدرت و سبحان الله دايما تشوفني أو بمجرد ما تقرب من الباب تتذكر الموقف و تحن و تشتاق للدخول للدرج و تشمشم و تموي ، هذا يعني إن بعض الحيوانات عندها مخزن في المخ للذكريات . الزبده ما طلعت هي اللي سوا الككه و ما ادري للحين من هو ذاك القط و غضبي اللي كان على الجميع يروح و يجي 😂

سكون النفس معجب بهذا