المشاركة الأصلية كتبت بواسطة سعادة منسية

انا ف الشغل عرفت صدفة بطريقة غير مباشرة حد لمحلي ان واحد معايا ف الشغل هيتقدملي بس بعد ميخلص موضوع الجيش وان هو مش هيدخل لأن عنده مشاكل صحية وكانوا واثقين من كدة
المهم انا اتعلقت بالشخص دا جدا وكان بحس منه اهتمام وكان بيحكي علي الجيش بس عمره ما فتح سيرة الارتباط لأنه خجول جدااا بس كان بيحصل صدف غريبة بتاكد أن هو من نصيبي قعدت ادعي ربنا من شهر 12 يارب لو خير قربه ولو شر ابعده ..داومت علي البقرة واستغفار وقيام ..والجيش كان لسه هيقدم
المهم كل ما ادعي ألاقي قلبي اتعلق اكتر بس مفيش تقدم ف الموضوع لحد ما جيه وقت كنت مضايقة وصليت وقعدت ادعي ربنا يارب انا راضية مش عايزة اتعلق.كان يومها قلبي مش متعلق بحاجة نمت ربع ساعة شوفت رؤياف اولها كنت مبسوطة جدا وكان في علامة ان هو نصيبي بس آخرها أن كان حزين لأنه رايح الجيش وانا كنت مضايقة جدا ف الحلم بس قمت مبسوطة برضو حسيت ات ربنا بيطمني لحد ما جيه يوم الصدمة واكتشفت أن هيروح الجيش هو جاله اكتئاب وحاول كتير أن يخرج منفعش انا جالي اكتئاب اكتر لأن كنت مستنية أي رد فعل منه قبل ميروح مفيش .. انا اكتئبت واتكسرت بقول حتي لو رجع واتقدملي حساه سابني واتكسرت كنت مستنية أي رد فعل وكنت هصبر معاه
يارب الحكمة ..بقول ممكن أكون وهمت نفسي بس انا كنت مع ربنا جدا الفترة دي ويقيني كان كبير