المشاركة الأصلية كتبت بواسطة ابو عبدالله40

السلام عليكم ورحمة الله وبركاته نكمل الحلقه الثانيه من القلق والاكتئاب
بعد مامل منى القلق والاكتئاب وبعد ما خسرت من الاموال اللى مالها داعى ( معدل 400الى -500دينار شهرى )قررت انى اضع حد واغير من حياتى بنفسي لان ماحد حاس فينى وانا اللى اضر نفسي بنفسي ولو تعاطفو معك الناس او الاهل يوم بيملونك اليوم الثانى
وضعت لى برنامج وهو لا للفراغ ارجع من الدوام واشغل نفسي فى اى شى ( تصليح ليتات البيت -تصليح دورات المياه -ترتيب حديقة المنزل - زرع الاشجار والورود- تصليح اعطال السياره الخفيفه بنفسي-غسيل السياره من الداخل والخارج ....... الخ المهم صار ماعندى وقت للتفكير فى اى شي اللى العمل اللى اقوم فيه )حسيت بالتعب بعد العمل بس تعب جسدي مو نفسي بس مرتاح من داخلى لانى شلت التفكير بالمرض والقلق واعجبتنى فكرة العمل فصرت اعمل اى شي يطرى على بالى حتى لا اقع بالفراغ وافضل شي انك تزرع الاشجار والورود بنفسك تحس بانتعاش الشغله الثانيه صلة الارحام حطيت لى برنامج لزيارةارحامى من عم وخال واخ واخت وصديق وحلفت انى ماتكلم عن المرض عندهم وما اتكلم عن اى شي فيه تشائم وعلى فكره ماكنت اطول عندهم ساعه وحده او نص ساعه وامشي على طول حتى لا يملونى كثر ماهم مالينى واكثر اللى ازورهم بعد فتره كانو يشجعونى بغير قصد ويقولون ماشاء الله عليك انت متغير سمنان ووجهك ابيض والعطر اللى انت حاطه حلو ......الخ وكان هذا يشعرنى بالاعتزاز والفرح وفى مره من المرات واللى كانت نقطة تحول كبيره فى حياتى انى سافرت الى الخارج لوحدى مامعى احد وجلست شهر هناك وخلال هذا الشهر تعرفت على جيران ( اجانب طبعا مايعرفون اى كلمه عربي) وكبار بالسن يعنى تقول فوق الخمسين وكنت اعزمهم بالمطعم بين فتره واخرى وصار بينا نوع من الالفه واحسبونى مثل واحد من اعيالهم حتى اتى ذالك اليوم وسألت والدهم وقلت له اشوفك دايما مبتسم وماتزعل ليش؟ وقال لى انا فى حياتى ما انتظر غدا شنو يصير لى اعيش ليومى فقط ما اتعب راسي بالتفكير هذى الكلمه اللى هزت مشاعري وهزتني كلى وقلت بنفسي هذا مسيحى يقول الكلام اشلون انا المسلم ( رفعت راسي للسماء وقلت يارب عليك اتكالى واعتمادى )ومااخفى عليكم احدث نفسي احيانا واقول انت فى غربه ومحد يعرفك بالبلد هذى لو يحصل معك كذا او كذا لو تمرض او تموت من يرجعك الى بلدك من يهتم فيك ويدش القلق والشيطان براسي بس كنت اقول حتى لو يصير الشي هذا مو مهم المهم انى مانهزم من القلق وادرى انه قلق ووسواس وانا متوكل على الله وبعد شهر وانا بالمطار راجع لبلدى ضحكت على نفسي قلت شوف اللحين انت راد لبلدك وماحصل اللى فى بالك يعنى انت موسوس مامت ولا مرضت ولا صار فيك شى لا تصير ضعيف وتستسلم خلك قوى وكانت سفرتى نقطة تحولى الثالثه
الاولى اشغال وقت الفراغ
الثانيه صلة الارحام
الثالثه السفر والترويح عن النفس
رديت الى بلدى وانا مشتاق الى اولادى وبناتى وزوجتى واهلى ومرتاح نفسياّ نسيت كل شى وما اخفى عليكم كانت تاتينى بين فتره واخرى حالات من القلق بس مو مثل اول لانى عرفت اللى فينى قلق فا ما القى له بال اطنش اذا حسيت بشي كنت اشتغل اطلع برا ازور اى واحد من اقربائي او اصدقائى
وطبعاّ يوجد مساعدات فى بعض الاحيان من خلال العلاج النفسي بس مو بكثره مثل اول يعنى كل ست شهور مره زياره لمعالج نفسي او فحص تحاليل نظرا لكبر السن بلوغنا فوق الاربعين كل سنه مره واحده للأطمنأن لا اكثر ولا اقل وعسي الله لا يغير علينا انا الان فى اتم الصحه والعافيه
ونصيحه للاخوان اللى يعانون مثلى جربو عشبة سانت جونز راح ترتاحون بس لا تكثرون منها خلوها مره ومره او حبه كل يومين هى مافيها خطوره او ادمان لانها طبيعيه وكل شي طبيعى لا تخاف منه بس لا تكثر منه