نفساني - عرض مشاركة واحدة

12-07-2008, 12:05 AM

اقتباس:

المشاركة الأصلية كتبت بواسطة ابو عبدالله40

السلام عليكم ورحمة الله وبركاته اخوانى واخواتي اشرايكم باللى 15سنه وهو عايش مع القلق والاكتئاب شتقولون فيه واللى صرت كنز للمستشفيات الخاصه وبفضل من الله قدرت انى اتحرر من القلق والاكتئاب وان شاء الله راح اعلمكم كيف بداء وكيف ان شاء الله انتهى.

السلام عليكم اخواني واخواتي اعرض عليكم معانتى مع القلق والاكتئاب وكيف ابتدت وكيف انتهت بأذن الله
طبعا بدأت معاى قبل 15 سنه وانا كنت جالس بالبيت حسيت بضربات قلب سريعه جدا ودوخه على طول المستشفى الطوارى طبعا عملت تخطيط قلب وتحليل طلع سليم ماكوشى وطمني الدكتور بس قالى اذا حسيت بالعوار وضربات القلب سريعه تعال على طول المستشفى لا تتأخر وياااااااااااااليت ماقال لى لانى بيدت افكر وافكر حتى ماقدرت انام ذاك اليوم . اصبحت الصبح رحت دكتور خاص للقلب طبعا لانى بدية احس فى عوار جهة القلب عملت تخطيط ثانى وتحليل انزيمات قلب قالى ماكو شى بس عندك كهرباء القلب عكسيه وهذى عاديه جدا فى اغلب الناس كهرباء قلب لا يحوشك اكيد فينى شى والدكتور مايبى يعلمنى رحت دكتور ثانى خاص طبعا وهلم جراء سنه وانا كل اسبوع من احس فى عوار على طول دكتور واخر واحد طبعا قالى يمكن من المعده الظاهر فيك التهابات بالمعده وهى اللى اتسبب لك الضربات السريعه ودزنى على دكتور اخصائى جهاز هضمى وهات مناظير وتحاليل وفحوصات وعلاجات مالها اول ولا اخر صرت زين ماكو مشاكل بعد شهرين رد العوار والدوخه والكسل والخمول هاه دكتور شنو فينى انت معاك قولون عصبي ولا زم تتأقلم وياه لا حول ولا قوة ألا بالله الله يقطع القولون ( حرام ظلمناه القولون) وسنتين وانا مع القولون بس الدوخه ماراحت دايم دايخ ودوار يمكن المخ فيه شى خل اروح لدكتور مخ واعصاب ( اشدخل المخ بالقلب والقولون مادرى ) المهم رحت وهات تخطيط مخ واشعات على الراس لا لها اول ولا اخر طلع سليم المخ برأأأأأأأأأأئه يمكن اذن اكيد اذنى فيها شى يالله نروح شورانا خل نفحص فحصنا ماكو شى سليم . والله دكاترتنا مايعرفون شى انا تعبان واحس بعوار بالقلب ودايخ وعوار بالمعده ووزنى نزل وهذولا يقولون مافيك شى بس تدرى خل ارد حق القلب يمكن طلع فيه شى بعد هالسنين القلب مو لعب هذا قلب ياحبيبى وهات فحوصات مالها اول ولا اخر طلع سليييييييييم . الله يقطع القولون كل هالعوار من القولون ( مع العلم مافيه عوار بالقولون ) ردينا على الجهاز الهضمى وهات علاجات وفحوصات ( كل هذا على حسابي طبعا )بس مو مهم المهم ارتاح المعده مو لعب ياحبيبي . طولت عليكم هاه ماعليه هذى 15 سنه عشرة عمر جانى واحد من الشباب الله يطول فى عمره قال لقيت لك علاج حق القولون خوش اعشاب مخلطه ومطحونه ويبيعها عشاب يالله مشينا نشتريها صاير مثل الغريق اللى متعلق بقشه ابى الخلاص مافادت الاعشاب ؟ تعااااااااااااااااااااااال لايكون صاكينى عين ولا مسحوووووووووووور وانا مادرى المشايخ يولد المشايخ وهات ماى مقرءي وزيت وعسل وكل جلسه بالشي الفلانى ( صحيح القراءن علاج بس ما اعتمدنا على كلام الله اعتمدنا على المشايخ هداهم الله )نسيت القلب والمعده والمخ وفكرت بالعين والسحر والمس والله تعبت ليش صاكينى عين ليش ساحرينى اشيبون فينى دش القلق والكئابه ( من زمان بس مالقيت اللى يقول انت فيك قلق وتوتر )خفت من الموت خفت من السفر خفت من الناس مع العلم انى قبل شجاع ما حسب للمخاطر اى حساب سبحان مغير الاحوالوعشت على الحال حتى مل منى القلق والتوتر قال تكفى بطلع منك بشوف غيرك ورنا ناس غيرك ( مو على كيفك تطلع اصبر )طولت عليكم وانا تعبت بروح اناااام انكمل الحلقه غدا