المشاركة الأصلية كتبت بواسطة حجر الصوان

بسم الله عليج ،،،الله يحفظج يا حبيتي ما فيج الا العافيه لا تخافين اخر رمضان واول رمضان تسلط عجيب من الوسواس
وانا اتذكر موصوع وسواسج قبل وبرد اكرر عليج مره ثانيه الوسواس يا اختي يضرب القيمه العليا عند الانسان مثلا اذا كان الانسان قيمته العليا الحياه والسعي فيها والبناءوطلب الرزق يجيبله وسواس الموت واذا كان الموسوس قيمته العليا الجمال والنظافه يجيبله وسواس انه قذر ومش نظيف واذا كان الانسان قيمته العليا صورته الاجتماعيه وشرفه ونزاهته يجيبله الوساوس الجنسيه والحل هو يا عزيزتي اول ما تجيك الفكره لا تتعاطين معها وتفعلين طقوس مثل الخوف والدفتر اللي كتبتي عنه في موضوع اخر او التلفون اللي توثقين فيه كله وقفيه لانه كذب انتي ما سويتي شي يا حبي هذا مجرد وسواس اول ما تجيك الفكره القبحية اسمحيلها تأتي ولا تقاومين وتقبلي وجودها وبكل برود سوي اي شغله ثانيه واذا ما عندج شغله ثانيه ابقي على حالج بس لا تسوين ردة فعل طبعا التطبيق جدا صعب وممكن تزيد الحاله بس طاف اكبر طاف استمري انتي كتبتي مره انه كنتي تبين تروحين المحل عشان تتأكدين انج ما سويتي شي من خلال الكاميرات هذه فكره وسواسيه قولي عادي وين المشكله انا ما سويت شي وهذا وسواس ولو صبعت فالمحل مثلا بعد عادي باختصار اصدمي الفكره انج مش خايفه منها والطريقه هي التجاهل
بالنسبه للرقية ارجعي للرقية الشرعية الواردة عن النبي صلى الله عليه وسلم المعوذات اواخر البقره الكرسي سورة الفاتحة كلها خير والبقره ايضا ولا تخافين ابدا
كل ما فهمتي حالتج واستوعبتيها كل ما اتمكنتي من الامر وسيطرتي على الموقف كل ما انغمستي فالفكره الكاذبه كل ما صدقتيها وخفتي منها وكل ما حاولتي اتقاومينها كل ما راح تزيد ،، خلي الفكره الخايسه القبحيه الشنيعه تأتي عادي وتروح على راحتها لا تسوين اي ردة فعل
لو حسيتي انك بتين تسوين طقوس خلاص مره مش قادره مثلا فالبدايه اجلي الطقس خمس دقايق عشر دقايق وهكذا

الله يعافيج يا حبيتي واكرر واوقول نوع وسواسج صح يقهر بس سخييييييييييييف جدا وعلاجه سهل باختصار هذا وسواس ولستي انتي انتي انسانه نقيه وطاهره