|
طريقة مختصرة للتعامل مع الوساوس
نظراً لأني امتلك شخصية وسواسية فأنا أقرأ في هالمجال كثير
بحاول اختصر بعض الطرق اللي تفيد مع الوساوس
(متأكد كثير من الأعضاء هنا كتبوا مواضيع مفصلة اكثر ...لكن هالموضوع اتمنى يكون إضافة)
الوسواس عبارة عن حلقة يدور فيها الموسوس و الحل انا نكسر هالحلقة ...كيف؟
الحلقة عبارة عن :
- فكرة وسواسية
- الوسواس يلح عليك
- مناقشة الفكر (هنا تكبر الفكرة لأنك عطيتنا قيمة)
- البحث عن تطمين (مثلاُ الموسوس يسال شخص قريب منه عشان يطمئنه)
و تستمر الدائرة
النصائح اللي يقولونها الاخصائيين النفسيين:
- لاتناقش الفكر الوسواسية ولا تجادلها ولا تحاول استخدام المنطق معها لان بهالطريقة تعطيها قيمة و ترجع لك كل مرة
الحل:
تسخيفها (يعني تقول لنفسك ماراح أفكر فيها لانها وساوس تافهة)
إلحاح الفكرة الوسواسية لو تجاهلناها يستمر من 10 دقايق الى نص ساعة بعدها يختفي. و الكويس ان الفكرة بترجع مستقبلاً بشكل اضعف و نكون اكتسبنا ثقة اكبر بتجاهلها و كسرنا حلقة الوساوس
انا الطريقة هذي جربتها و كانت ممتازة ....يمكن مشكلتي حاليا أني عندي مركب (قلق - وسواس - نوبات هلع) و مع ذلك هالاسلوب يخفف هالشي معي
أتمنى لكم و لي جميعا الشفاء يا رب
|