ودق

بيانات اضافيه [ + ]

رقم العضوية : 731  تاريخ التسجيل :  09 2001  أخر زيارة : 27-03-2005 (01:28 PM)  المشاركات : 727 [ + ]  التقييم :  10

لوني المفضل : Cadetblue

مرحبا ،،،
هلا عيوني دره ،،، انا بعد احبك،،
،،،،،،،،،،،،،،،،،،،،،،
.( أخذت تنظر ‘لي نظرات ممزوجة بإبتسامة مشفقة و بعد أن أنهيت حديثي و أنا محرجة من هذه النظرات قالت لي : لا يا درة أنت حساسة هي ما تقصد كذا هي تحبك . .و هكذا مما أشعرني بالخجل . . )
ليه شعرتي بالخجل؟؟ شعرتي بالحرج من نظراتها ،، هي كانت تعبر عن وجهة نظرها بالتعبيرات الوجهيه والكلام ،، لكن هذا مو معناه انها صح وانتي غلط ،،ا
انتي خطر في بالك انك غلط ،، عشان كذه شعرتي بالاحراج ،، مو لانها هي صح او انتي غلط ،، تخيلي لو لن اللي حطر في بالك العكس ،، كيف تتوقعين بتكون تصرفك؟؟؟
،،،،،،،،،،،،،،،،،،
(قلت ليس شرطا تكون لهم فقط . . )
جميل ،، وضحتي لها وجهة نظرك ،، لانك مقتنعه باللي سويتيه .
،،،،،،،،،،،
(أحيانا تناديني بعض الصديقات و أنا شعري طويل و ناعم فتأخذه و تسرحه لي و تربطه لي . . )
ماقلتي لي وش شعورك نحو هذا الشيء؟؟
ربما يحسسك هذا الشي انك طفله صغيره،،، الحل سهل اذا كان هذا الشي يضايقك ،، قولي لها انا ابي شعري بالشكل اللي انا مسويته اهتمي في شعرك انتي .. ولاتسمحين لها مره ثانيه ،، لان الصغار هم اللي يسروحون شعورهم...وانتي كبيره ولابد يوصلهم هذا الشي منك.
،،،،،،،،،،،،،،،،،،
(غير ذلك الكثير منهن تقول ليتني أنجب فتاة مثلك فرفوشه و فيها غمازات على قول المصارية تعني الحفر التي تكون في الخدود عند الضحك . . و البعض تقول عندما أراكي أتذكر إبنتي الصغيرة و هي تبلغ من العمر 4 سنوات)
ماقلتي لي وش شعورك من هذا الكلام؟
الاولى كلامها يدل على انك تعجبينها ،، وعموما الانسان الفرفوش محبوب اكثر من الصامت ،، وهذي صفه حلوه فيك ،، وهي عند الكبار احلى من الصغار .
،،،،،،،،،،،،،،،،،،
..(و عندما أكون في مكان المطبخ الكل ينظر إلي و أنا لم أنتبه بعدها يبتمسن و يقلن كأنها تعرف تطبخ أو تسوي مثل الحريم زين إنك تعرفين . .)
شعور محبط،،، قولي ايوه اعرف تسوي كل شي ،، واذا امكن سوي طبخات واعطيهم عشان يغيرون نظرتهم ،،،شوفي دره انتي تعرفين السبب في نظرتهم لك بهذا الشكل ،،، السبب تصرفاتك انتي ،،عشان كذه اعذريهم ولا تتضايقين منهم ،، لانهم يقولون اللي يشوفونه ،،، اذن انتي السبب ،،اذن تصرفاتك هي السبب ،، خلت نظرتهم لك مرتبطه بتصرفاتك الطفوليه وارتبط هذا الشي في اذهانهم ،،، بما اننا عرفنا السبب صار حل المشكله سهل ،، صحيح يبغاله وقت لكن مو مستحيل ،،،،
،،،،،،،،،،،،،
(. و مرة كدت أن أحترق فأخذت تخاصمني معلمة هي أكبر مني سنا و كأنني طفلة و أنا معلمة مثلها .) هي ما خاصمتك لانك صغيره ما تقدرين خطر الامر لا ،، بس هذي الفكره في راسك ،،، الموقف كان خطير واثارها بشكل كبير ويمكن هي من النوع اللي بسرعه يثور ،،،عشان كذه هي خاصمتك ولا ننسى انها خافت عليك ،،،بقى في نفسك منها بعض الضيق من طريقة خصامها لك ،، اذا كان الموقف مو بعيد حدوثه اختاري وقت مناسب وكلميها عن شعورك تجاه هذا الشي وراح يتضح لك حقيقة شعورها ،،، وانتي بعد ترتاحين بدل ما تحميلن شعور الضيق لوحدك.
،،،،،،،،،،،،،،،،،،،،،،
ابوك يدللك ،،، وامك تعاملك كطفله ،،، صدقيني من الطبيعي ان تكون شخصيتك بهذا الشكل ،،، وربما انتي افضل مما يفترض ان تكوني عليه مع هذه التربيه،،،،
(أما أمي فهي تعاملني كطفلة . . أشعر أنها السبب في كل ما أعانيه من ضعف شخصيتي . . نظرتي إلى نفسي أني أقل من غيري . .و الكثير . .
مما جعلني لا استطيع برها لأني أتهمها في كل ما حدث لي من متاعب . . و هي لا تعلم ذلك أي لا تعلم أني شايله عليها في قلبي . .)
شوفي عيوني دره امك لاتقصد ان تضرك بالعكس هي تحبك كثير عشان كذه تعاملك هذي المعامله ،،، لكنها لاتعلم انها تضرك ،،،، وانتي لا توضحين لها ذلك وتكتمين في قلبك وتشيلين عليها ،، طيب وبعدين؟ ،، الى متى ؟ هي ماتعرف وش قاعد يصير فيك ،،، وماراح تعرف الا اذا قلتي لها ،،،،راح نتناقش في هذا الشيء اذا تبين.
طيب انتي قلتي انك تبكين بسبب معاملتك لها ؟؟ ممكن توضحين؟؟
عزيزتي كيف افسدتي علاقتك بربك ؟
،،،،،،،،،،،،،،،،،،،،،،
دره ابيك تحددين الاهداف اللي تبين تحققينها،،
اكتبها بشكل متسلسل وخلينا نتناقش فيها ،، ونشوف وش ممكن نسوي.
هذا غير اي شي ثاني تبن تكتبنه.