نفساني - عرض مشاركة واحدة

15-06-2008, 11:14 AM

آها انت فهمتني بالخطأ خوفتوني الله يهديكم كالعاده لاحد يفهمني ولا انا افهم نفسي مش لازم احد يفهمني
اشكر الجميع للردود
اانا ماتجيلي هلاوس سمعيه هذه افكاري فقط تلح علي وتؤمرني وانا كنت احكيها لكم مجرد اسلوبي الزفت خخخخخخ
جاتلي مره فقط الهلاوس لما سمعت بنت صغيره تؤنبني وتقولي انا اختك انا اختك فقط
اذا حالتي ليست صعبه اليس كذالك؟
والبصريه مجرد خياااال لاني ارى صور قتل بالنت فاتخيل من امامي مثلها واتخيل نفسي اقتل وهكذا مجرد خيال وانا
يمكن ماذكر كل شئ او مادري انا ماقدر افكر دايما تفكيري مجمد وببلاده لذالك ربما لاافهم نفسي او اذكر مابي بالضبط واحيانا وانا اتكلم للدكتوره اقطع لها بعض الاشياء الي جهزت اقولها لها واقول لامافي داعي بتفهمها من نفسها
دكتور محمد هذه اجوبتي على اسألتك
- كم عمرك يا اختي الفاضلة ؟
19
- كم لك تعاني من هذه الحالة ؟
اكثر من 4شهور تقريبا
- هل حاليا انتي تخضعين لعلاج طبيب تفسي ؟
لا
- هل ما زلتي تتعاطين دواء معين ؟ اذكريه وحددي جرعته وكم مرة في اليوم لو تكرمتي ؟
لا لكن افكر الاربعا عندما انتهي الاختباررات ارجع للسيروكسات 20ملجم نص حبه
- ماهي الأفكار التي تتراود على ذهنك بشكل قوي ومستمر في الوقت الراهن
( حددي فقط اكثر واقوى 5 افكار )
بشكل عام افكاري تختلف عن الافكار الي تجي قويه لما اشوف سكين او شئ كذا وبذكر هالافكار القويه
اولا اتخيل نفسي اني بفقد السيطره على نفسي كمن يغضب ويضرب دون مايحس
اتخيل نفسي امسك السكين واطعن مثلا قبل امس كانت امي واتخيل الدم وشكلي وانا مفجوعه وامي ماتت وفقدتها وانا متعوخف جدا من فقدها رغم بعدي عنها! واخواني والناس حولي موقفهم ! وانا بنجن !
اتخيل نفسي بالسجن او سجن الاحداث الي يعملون جرائم لاهلهم وكيف لااحد بيفهمني اني مافيني شئ واني طبيعيه واتخيل حالي وحيده ولا احد بيسمعني بالسجن
تجيلي افكار مثلا وانا ماسكه السكين ليه ماجرب اقطع يدي ولا مثل ذيك روايتي الي كتبتها العام ليه ماجرب اقطع شرياني او شئ كذا يلا معليه بجرب ماراح يصير شئ واقرب السكين بعدين احس بحالي وابعدها على طول
على فكره ماعرف ليه السكين بالذات مافكر بطريقة ثانيه ربما الخنق نسبه ضئيله
ساعات اني انا اصلا قاتله وماينفع اهرب من حقيقتي واني اصلي هذه شخصيتي بس انا اتضاهر باني طيبه!
اما افكار الانتحار تجيلي افكار واو وناسه بنتحر خلاص اذا جينا نسافر او ولدت عمتي وجاو ناس باخذ حبوب الريسبيدال والبنادول وكل الحبوب الي عندنا واكلها وانتحر
وافكار حول كرهي للحياه وانها مضلمه ولازم افتك منها ومش ثادره اعيش اكثر وهي مش متقبلتني الحياه نفسها ولا انا متقبلتها ومالي مكانه افكار اكتئابيه
لااعرف اغلب افكاري تخيل او رغبه باخذ هذه السكينه وطعن الي امامي,,هذه افكار زي ماقلت لاتجيلي طول الوقت ساعات زي الان اصحى من غفوتي لكن اشعر اني بداخلي بقتل بنتحر بفقد السيطره على نفسي بتعب وبقتل او انتحر
- ماهي مشاعرك اتجاه افكارك ..... هل تصدقين بها ؟
لا لااصدقها ,لكني الان وبعد اخر موقف حصل اشعر اني خلاص لازم اجيب حل اخاف افقد السيطره بنفسي لاني ساعات مافكر بشكل واقعي اكون بغفوه
واول كنت اصدقها تماما واقول ايوه انا قاتله ولا زم اتاقلم على الوضع وكذا لكني الان ماعدت افكر كذالك ربما افكر بين اوقات بعيده بشكل بسيط
- ما هي مشاعرك اتجاه والدتك ؟
احبها واشعر بحنين اليها لكن ساعات اكرهها من الاكتئاب الي يكرهني بالكل
- هل لك ان تصفي لي بإختصار البيئة الأسرية التي تعيشين بها ... ؟
مادري قالوا السبب بطفولتي اني كنت متعلقه بامي كثير بعدين ولدت بعدي اثنين فكنت دايما ابكي ومتعلقه بها كثير بعد مادخلت المدرسه صرت مرحه ونسيت شوي همومي ومخاوفي اثناء الطفوله المبكره من الناس ايضا لاني كنت احس انها بياخذوني عن امي وكل صوري حزينه وعروفه اني كنت صياحه ومن دخلت مرحلة المراهقه وامي واخواني تغيرت معاملتهم لي وضلموني كثير وكرهت اهلي وتشوشت علاقتي بهم بس بعدين انعزلت عنهم وارتحت كثيرا والان انا منعزله عنهم من سنوات امي دايما توبخني وتهاوشني لكن غالبا مااخلي علاقتي بها كطنازه اي دايما امزح واتطنز على كل شئ ماخلي شئ جدي لانها لما تتكلم جديا تجرحني وكنت سابقا مرت على اوقات ابدا ابدا ماجلس جنبهم الان افضل ربما لان الكمبيوتر وضعوه بالصاله لكن لما يجلسون يجتمعون ماجلس معهم اخاف واتضايق والان بعد اشتريت لاب توب فصرت اجلس بغرفتي ,, انا ماجلس جنب اهلي بس مثلا زي لما اكون عالنت ابوي دائما لما يشوفني معصبه يمزح معي مزح ثقيل وانا دايما معصبه واعصابي متوتره فاثور واغضب واصرخ واقوم عن المكانامي دايما تهاشني وتوبخني وساعات تكون علاقتي معها زي ماقلت خفيفه مجرد اني كلا اتطنز واخذ الامور بسخريه وبلاهه اخواني لاشئ لااحدثهم لكن اختي الي اصغر مني زي ماذكرت تسخر مني بعض الاوقات لهالشئ ومجرد بيينا بعض الاوقات سخريه الحين احاول اتقرب من اخوي الصغير اشتري له هدايا وكذا
- هل تسمعين صوتا يأتي من داخلك يحثك على الضرب والتعدي .... كم مرة تسمعين هذا الصوت .
ساعات لما اعصب او تثير اعصابي بسبب الصبر ربما مش صوت ربما افكار احس برغبه قويه بالضرب او الصراخ وبالعصبيه مثلا الدكتور الي يشرح وامسك نفسي بقوووه جدا وتتعب اعصابي واسكر على اسناني بقوه وانا احاول ان اشد واضبط نفسي,وايضا لبكاء الصغير لااستحمله واشعر برغبه بضربه اي شئ يتكلم كثير او يحن ماقدر استحمله احب الهدوء والحين عمتي بتولد الله يعين ومااضرب ولدها او اسوي له شئ
ساعات افكر اضرب اختي لما تثير اعصابي بهالطريقه,, احاول اتذكر احس ان ضرب تعدي هالاشياء ماره علي بس عقلي مقفل لكن ليس صوت صوت لاتوجد اصوات او احد يؤمرني
ساعات لما اكره العالم او احس انه سبب عذابي افكر مثلا افجره ليموتوا واموت معهم خخخخخخ
- هل تسمعين صوتا في داخلك يدعوك لممارسة امور غير اخلاقية - اضطهادية - دينية ؟
لا
بس افكر استخدم مخدرات وليس اسمع صوت او احد يؤمرني
- هل تشاهدين امامك دماءا على وجوه من تريهم ..... ؟ كم مرة يتكرر لك ذلك
لما مثلا الحادثه او وقت الافكار الي كذا مثلا رايت امي مطعونه انا طاعنتها ودم لكنه مجرد خيال ..واحيانا وانا جالسه بلحالي اتخيل صور امام وجهي ربما نفس الصور الي اشوفها او غيرها لقتل او دماء كم مره مااعرف هي مجرد خيال اشاهده امامي لااشاهد صور واقعيه
اما الي ذكرته وقتها اتخيل احد بجنبي جثه او شئ كذا فهو زي لما يخاف الطفل بالليل ويتخيل الاشياء باشكال اخرى او اشباح يعني لما التفت شفته شئ ثاني مثلا منشفه بالارض ويمكن لانها معفطه غير مرتبه
- هل تشعرين في حديثك انه يحتوي على الفلسفة الزائدة في توضيح الامور؟
نعم لما اكتب يكون كلامي طويل وفلسفتي زايده اما بالصوت فلا اتكلم هكذا دائما صامته وقليلة الكلام
- هل تنطلق منك ضحكات لا شعورية بدون مبرر ؟
نعم
تجيلي اوقات كذا لكن اعتقد انه طبيعي
- هل تعرضتي لحادثة تحرش جنسي ؟
نعم وانا طفله
-هل تشعرين بتشنجات في اطراف جسدك ؟ حددي الاماكن ان كانت اجابتك بنعم
ايوه اصابع رجولي كثييير وايضا اصابع يديني او اطراف يديني ورجولي احس ان اعصابها زي تنشد بقوهه ووتتشنج

وشكرا لك