نفساني - عرض مشاركة واحدة

15-11-2014, 04:40 AM

تاخذني الغربه من الامس لليوم
واتوه بين ايامها والاماني

وابحث عبث عن بسمه انسان محروم
يمكن الاقي للسعاده معاني

وانزف واصبر واستسقى جروحي غيوم
لين السنا بتتحضر في كياني

وانا انتظر يتنفس الصبح ويقوم
ليت الصباح المنتظر مانساني

ينفض بي الظلمه ويقعد بي النوم
ويسيح في كاس الظلام وملاني

الوقت يرمي عذقي المثمر هموم
واعطيه من عذق كثر مارماني

عمر الامل ماغير شي مقسوم
عمر الحزن ماسد باب التهاني

عذر البحر ماقال للخايف يعوم
عذر الشواطئ ماتحب الموانىء

امسح بكفين الامل دمعه اللوم
وان جف حلمي غيم حلمي سقاني

وان مر حزني يوم جاء للفرح يوم
وبالابتسامه صرت اساير زماني

مافيه احد محروم لو كان محروم
مدام يقدر يبتسم لو ثواني

مما اعجبني

المصدر: نفساني