المشاركة الأصلية كتبت بواسطة مستكفّة

مشكلة زوجي ما يحب يقول لي انه متألم اوقات اشوف في يده حرق و اعاتبه انه ما قال لي
و اوقات في الليل اقوم القاه يبكي من الم معدته والله لو ما اتفقده وانا نايمه في الليل ما يعلمني
يشهد الله وحده اني اعامله على انه طفلي اكثر من انه زوجي الحمدلله وهو حاسس بهالشي خاصة انه يتيم والدين
رغم انه مقصر كثير كثير و مزود لي كآبتي الا اني احن عليه و ما ارضى عليه النسمة تقلقه
موضوع اليد و الرجفه هذه ملفته جدا مو رجفه عادية لدرجة ما يقدر يمسك شي حتى لما اكون معه لوحدي
ترى ما يحب الزحام و لا الخروج في النهار ولا يخرج الا نادر و يكون في الليل و مو اكثر من ساعة المهم ما يكون في ناس
ما يروح مولات ولا يروح منتزهات ولا اماكن عامة ابدًا غير مستشفيات معينة و يرتبك مع الزحمة
ولو في زحام بالطريق وهو بالسيارة ينفعل و يعصب و يضيق خلقه بشكل حاد
لدرجة ممكن يسقط على الناس و يخبط سياراتهم وانا معاه ..
زوجي فيه كثير أشياء مو طبيعية الله المستعان بإذن الله بأساعده يتخلص منها و أولها العلاج عند الشيخ
اللي كل مره نحدد موعد يحصل شي بيننا و نتزاعل و يروح الموعد مو راضيه تتيسر الروحه للشيخ ربكم يجيب الفرج بس