|
اغرق ولا احد حولي ساعدوووووووووني يااهل الاختصاص
عندي مشكلة واعتقد انها أزلية
حقيقة مدري من وين ابتدي واعذروني لو طولت بعرض المشكلة بس عشان
تصير الصورة واضحة نوعا ما .. وبرضه اعذروني لو كانت الافكار مب مرتبة
لان النفسي له دور .
انا فتاة ابلغ من العمر 23 سنة جامعية
اعاني من مضايقات شديدة من الاهل وخصوصا الوالد من زمااااان
يعني من جد احس اني مهانة بدرجة فضيعة من بد كل اخواني بشكل كبير
مايشوفني الا يهاوشني على الطالعة والنازلة ودايم يقول اني عوجاء ومااعرف
وغبية حتى لو سويت له اشياء حلوة مستحيل يمدح
فقط يدور الزلة عشان يهاوش وكل شئ يحط عليه مشكلة حتى لو شئ تافه
من قلبي اكره اشوفه وانفر من القعدة معه واتهرب كثير عند كمبيوتري
دايم يحطمني وبحياتي ماعمره ابدا مدحني او حسسني انه يحبني ككل اب وبنته
هذا الشئ خلق مني شخصية مهزوزة وضعيفة الشخصية ولا لي كلمة
ولا لي حق اصلا افتح فمي بكلمة ، حتى امي احسها تعاملني كني خدامة
مستحيل تجي تسولف معي او تشوف وش اهتمامتي او حتى تاخذ رايي بشئ
ماتناديني ولا تسأل عني الا لاصار عندها شئ بالبيت تبيني اصلحه تنظيف غسيل
طبخ ولو اعترضت ياويلي وتحلطم واحيان كثير تدعي علي واخاف وتقولي كلام يوجع القلب
تعبت واحس نفسيتي دمار ،، والله العظيم على كثر المدح اللي يجيني من اللي حولي
وقد ايش يحبوني الناس مااحس بنفسي بل بالعكس احسهم يجاملوني ويكذبون علي
واني مااستحق احد يحبني لان اقرب الناس لي وهم اهلي يحسسوني اني اسوأ بنت بهالدنيا ووجودي غيرمحبب
والله لو وحده بمكاني لاتكون انحرفت من زمان بس الحمد لله ماسكة نفسي مرة
وقد مااقدر اكتم مشاعري واقسو على نفسي عشان مااغلط رغم انه هذا الله العالم وحده يتعبني كثييييييييييييييييييييييييييير بس اقول بيني وبين نفسي وعد الله الصابرين خير وادعي ربي دايم ...... والقهر مدري وش الذنب اللي اسويه مدري ليش طايحه من عيونهم .
للعلم انا الكبيرة والله لااعتراض بس من جد اتمنى اني مب الكبيرة
الحاصل ان اختي اللي اصغر مني بسنتين يعاملونها عكسي تماما
ابوي يحبها مرررررررررررة ومايحب يفقدها ابد وحتى لما يناديها يدلعها
ياخذ رايها ومايحب احد يغلط عليها مرة مرة يهتم فيها وحتى لما تصير نايمة لحد يزعجهها
والكلمة الاولى والاخيرة لها من جد حاجة تعور القلب
طيب ليش كذا مو كلنا بناته ، الفرق الوحيد ان اختي هذي لسانها طويل واذا بغت شئ تاخذه بالغصب وتهاوش ومع هذا مايبونها تزعل ،، واقسم بالله العظيم يعني ماتشوفها
تزين لهم شئ بالمعاملة معهم زود عني بس مدري ليش مايلتفتون لي ،، اوكي الغلا والحب من الله ماقلنا شئ ومب غصب يحبوني
زيها بس على الاقل يحسسوني اني لي مكانة وتقدير عندهم ... حتى امي تحب تاخذها معها لاي مكان
وتشاورها وحتى لو قالو اخواني الاصغر لامي أي حاجة قالت ارجعوا لاختكم طبعا اللي هي اصغر مني ،، تعاملهم معها وكأنها هي الكبيرة وانا البزر اللي ماعندي سالفة . حتى اخواني طايحين تجريح بالكلام والقهررررر اني ماقدر ارد عليهم لسبب بسيط مالي لسان واني الكبيرة لازم اكون اعقل منهم ولا احب المشاكل اكتم بقلبي واسكت
هذا نقطة من بحر والا الفروقات بالتعامل بأشياء كثيرة
كثير افكر واشك واقول شكلي منب بنتهم حتى شئ يلاحظونه الناس
وكثير انسأل من قريباتي بطريقة معاملة اهلي لي بس اضحك وكانه ماعمري لاحظت ولا اهتميت وانا الله وحده يعلم اللي بداخلي .
عندي اخو عمره 19 وبنت اخر العنقود عمرها 15 يعني كلنا 3 بنات وولد
اخوي وبما انه الولد الوحيد طلباته مجابة ومرررررة يخافون عليه
واختي الصغيرة هذي مرة مرررررررررة قوية وتاخذ حقها بالقوة وغصبن عنهم
وفارضة روحها غصب ..
والمشكلة مايقدرون يعارضونها لانها الصغيرة والمدللة ومراهقة يراعون مشاعرها
مدري ليش انا اللي ضايعة بالطوشة محد معبرني .... احساس كريه وقتل بطئ يوم تحس الوحدة انها غير محبوبة من اهلها .... والمشكلة من كثر مااقسى على نفسي اخنق دموعي لاتطلع واحيانا مقدر اسيطر على نفسي وادخل الحمام اكرمكم الله وابكي شوي واطلع بسرعة وانا ماطلعت اللي بقلبي عشان مايحسون اني متأثرة لاني مااحب ابين لهم اني مجروحة ومكسور خاطري احب أمثل انه عادي ومب أي شئ
يهزني وانا داخلي العكس 360 درجة ..... يمكن لاني الكبيرة تربيتهم لي تجربة يتعلمون بي لين طلعت كذا والله صرت اشوف روحي اني ولا شئ ..... تعبت من السكوت والكبت اخاف يجي يوم ويكون انفجاري عنيف ،،،،،، بالاضافة الى انو عندي
ألم بالصدر مررررررة فظيع وكأنه سكين تطعن فيني من 3 سنوات تقريبا ولي 9 شهور
يجيني احيانا بين فترة وفترة مغص شدييييييييييييييييد فجأة كانه حديد يضغط على بطني بقووووووووة
لدرجة مقدر اتنفس ويخف بالتدريج ... ولااقدر اقول لاهلي لانهم ماراح يهتمون لي .
اتمنى من احد المختصين مساعدتي وكذلك بالدعوات الصادقة لي لكل من مر على مشكلتي يمكن توافق وتستجاب دعوة احد فيكم لاني والله يعلم كم انا محتاجه لدعواتكم بأن ربي يحنن قلوبهم علي شوي ويعوضني ربي خير ،، اذوق التعاسة
بكل معانيها . فهموني ...
|