نفساني - عرض مشاركة واحدة

06-03-2016, 02:29 AM

‏بقولكم سالفه منتشره هاليومين ،

صايرين بعض الأستشاريين الأسريين يقولون كلام للمراة عشان تحسن وضع أسرتها !

‏يعني مثلاً .. أغلب نصائحهم الي يشددون عليها ،،،، هيا

حبي نفسك 😳
ودللي نفسك
واذا بتستمرين مع زوجك عشان بس عيالك راح تندمين بعدين !
‏فلازم تستمرين مع زوجك لأنك تحبينه ومرتاحه معاه واذا كنتِ ماتبينه خلاص لا تستمرين !
قولو والله !

تهدم بيت عشان تجد نفسها وتحب نفسها !

‏أصلاً بالقران مذكور ان الزوجين بينهم مودة و رحمة ما قال حب !!
وبعدين الأم لازم تضحي عشان العيال يعيشوا ب جو أسري صحي !

ما هذا الكلام الجديد !!!
‏قومي خربي بيتك بعد 20 سنه زواج وخمس عيال عشان تجدين نفسك وكيانك وخرابيط !
اذا الزوج أعوج المرأة السنعة تصبر عليه و تعدله!
هذا الي تربينا عليه

‏الحين اذا الوحده بذلت طاقه وجهد في بيتها وتغاضت عن عيوب زوجها وطلعت جيل طيب الاخلاق وعيال شهاداتهم عاليه صارت أم اهملت نفسها !!
ترا خرابيطكم ..‏كلام كبير وخراب بيوت !
ترا والله وجود الأم بصالتها نور البيت .. صلاتها قدام عيالها أثرها كبير !
متابعتها لمستلزمات بيتها بركة البيت !
‏انا أقول تعوذي من ابليس وقابلي بيتك وعفي نفسك عن مشاغل الحياة الي ما منها فايده وكلكم راع وكلكم مسؤول عن رعيته !
قصي لعيالك قصه
‏اطبخي لهم طبخه وخليهم يشاركونك فيها .. خذيهم لمشوار وونسيهم فيه وخلي الموضه والحياة الألكترونيه الوهميه تولي وقابلي بيتك لأنك عامود البيت !
‏الله يثبتكم ويرزقكم العقل الرزين الي يميز بين الحياةالصعبه الي في منها أمل وبين الحياة المستحيله !
للأسف الأغلب حياتهم معقوله ولا عاجبتهم
‏جددي من نفسك بكتاب او بتمرين او بدورة عشان بيتك !
وسالفة وجودي وكياني وإبداعي خليها حق مابعد ما عيالك يكبرون وتنتهي المسؤوليه !

‏ولا تطالعين حياة غيرك المزيفه !
ماتعرفين ماذا خلف الكواليس !
ضمي عيالك بحضنك واحميهم من الخدم و رفاق السوء والاجهزة المدمرة !
انتي ????? لهم
‏الخدم مهمين بس وجودهم ما يلغي وجودك !
تعوذوا من إبليس وانتبهوا لبيوتكم واهتموا بتغذية عيالك وتنظيم وترتيب بيوتكم و زيادة العبادات من‏ قيام ليل وقراءة قرآن والدعاء بصلاح حال زوجك ودائماً رددي اللهم رده لبيته رداً جميل .. وربي ماراح يضيع جزاء من أحسن عملا !

وشكراً 😘😘
،،،،