نفساني - عرض مشاركة واحدة

25-04-2010, 03:56 AM

مازال نفس العدو... ومازال خبيث
أبونا مات وسابْهُولنا... وَريث
ومهما يلف ويدور.. راح يغور
وإسأل عِندنا بيوت السويس
حلاوة روح... وحياة الحسين!!
أنا المصري
كريم العنصرين

***
بقت رايتك خلاص رمز لجهادك
بقت رمز المقاومة في بلادك
ولبنان كلها بايتة في ضميرك
خلاص صَبَح الجهاد ماءك وزادك
لغير المسلمين والمسلمين!!
أنا المصري
كريم العنصرين

***
بلاد الأمريكان إحنا وصهاينه
وصمتي ع اللي حاصل... كلُّه معنى
مازال الحلم لم فارق دمايا
علي رغم اللي عاشُه طعنة طعنه
يالبنان الكرامة... لا تلين
أنا المصري
كريم العنصرين

***
ويالبنان ما تِطْفيش نار نضالِك
رجالك... حتى لو ماحناش رجالك
بحور الدم ما تغرّق حقوقك
ولا تكسر مجاديف احتمالِك
حبيبك... بس مش قادر أَعِين
أنا المصري
كريم العنصرين!!

شعر : عبدالرحمن الابنودي