ابو علي313

بيانات اضافيه [ + ]

رقم العضوية : 38628  تاريخ التسجيل :  05 2012  أخر زيارة : 23-08-2014 (08:12 PM)  المشاركات : 282 [ + ]  التقييم :  10

لوني المفضل : Cadetblue

ياخي صدى الريح بخبرك شي،
انا عانيت من الإكتآب والرهاب والوسواس، وأول دواء عطاني الطبيب رحت قريت النشرة ماله وشفت الأعراض الجانبية ترس نصف صفحة!
خفت اخذ الدواء لكن بعد ما يأست من الدنيا قلت بخذه ولو قتلني بعد بستريح،،
تخيل شو صار؟؟..... بعد ثلاثة ايام صار تحسن بنسبة 80%!
استجابتي للدواء كانت سريعة في البداية،، والأعراض الجانبية اصغر من انها تذكر ( جفاف بسيط في الفم احيانا - زيادة الشهية (ايجابي لي) وامساك بسيط احيانا)
يعني ياصديقي خلي في بالك ان النشرة يذكروا فيها كل عرض جانبي صار حتى لو نادر ولو اطلعت على الناس وتجاربهم بتشوف في الغالب اعراض خفيفة وممكن الواحد يتحملها بسهولة وتختفي عادة بعد مدة،،
ولعلمك الاعراض الجانبية تختفي بعد ترك الدواء ( يعني التأشيره حقها تنتهي مو اقامة على طول ) --- يعني صراحة خوفك من الدواء ماله مبرر ابدا،،
انا اجربت اربع ادوية نفسية ولا شكيت من اعراض مزعجة!
تريبتيزول، سيروكسات ( مضادات اكتآب)
ديباكين ، لامكتال ( مثبتات مزاج )
الحين على لامكتال والحمدلله الخوف الاجتماعي خفيف مع ان علي ضغط حياتي ( تركت الجامعة سنتين - بدون وظيفة والناس تسأل) لكن اطلع واروح واجي مستشفى مجمع تجاري اعراس، يعني الخوف بس قبل الموقف ( مو موقف سيارة :) ) وبعد ما ادخل الموقف اتأقلم بسرعة واحس بإطمئنان نفسي ( ما احصل مخالفة :) )
،،
قصتك قريبة جدا مني ( كنت جريء ادخل الامتحان واتمسخر وما اخاف وغيره وبعدين بالعكس) -- لايكون عندك نفس اللي عندي؟! ( عندي علة نفسية كلها اكشنات :) )

بالمناسبة اذا صار لك تحسن سريع وقوي رد علي بخبر ضروري لازم انبهك على حاجة بسيطة ( شي مهم جدا بالنسبة لعلاجك )

بصراحة قصتك مع الزواج جميلة، اتخيل نفسي مكانك واضحك على نفسي ، شخصيتك حلوة وودي نشرب شاي مع بعض يوم من الايام بمناسبة شفائك من الرهاب ( بس لاتتمسخر علي وإلا بتشوفني مو اقل عنك ف المسخرة :) )

شد حيلك يا صديقي وريح بالك ترا الادوية هذي رحمة من الله سبحانه وتعالى علينا ف اسعى للعلاج وعلى الله التوفيق وبجد والله اكرر ماله داعي للخوف من الادوية وبدون مجاملة وعلى المثل اسأل مجرب ولا تسأل طبيب،،

بالتوفيييييييييييييييييييق وننتضر اخبارك الحلوة،،