اقتباس:
المشاركة الأصلية كتبت بواسطة فيصل1432
اشكرك على الموضوع الرائع...
انا اعاني من الرهاب من 14 سنه تقريبا وحالتي والله حاله ... وصابر الحمدلله على ما صابني...
انا دايما اخاف الانتقادات خوف غير طبيعي ويسبب لي هالشي توتر وخوف وتعرق ولا اركز ابدا
و دائما ما اكون منطوي غير اجتماعي ابدا اذا تكلمت (خاصة بالاجتماعات والعزايم) تكلمت كلمه او كلمتين... واشوف الناس اللي يسولفون واحسدهم واتمنى اني مثلهم اتكلم بكل ثقه ... احيانا يجيني دافع بالانتقام من اللي سبب لي المشكله هذي ... انا سمعت ان شدة الاب الزائده تأثر على شخصية الابن ... احيانا احقد على ابوي واتمنى انه مو ابوي و احيانا اتمنى اني ماطلعت على هالحياة...
استخدمت وما زلت استخدم اوروركس وسيروكسات من فتره طويله ولله الحمد تحسنت جدا من ناحية الخوف والاترباك والتلعثم لكن اعاني من اعراضها السلبيه من خمول و وكسل وشرود وانعدام بالتركيز !!!
والعلاج السلوكي منقطع من فتره طويله بسبب طول المواعيد !!! فيه امل اتعالج بدون دكتور ؟؟؟؟؟؟؟
ارجوكم والله مستقبلي مظلم ... من خلصت الثانوي من 10 سنوات وانا ماقدرت اكمل الجامعه ... دخلت ثلاث جامعات ولا كملت دراستي ... دائما احس بخمول وعدم تركيز وشرود ذهني مااقدر اركززز...
مع العلم ان الاعراض كانت اخف قبل مااستخدم الادويه اللي ذكرتها... بس خلاص قررت اني اتغير بإذن الله و مازل املي بالله كبير...
|
حياك اخوي فصيل ..
و تو ما نور المنتدى بتواجدك و الاكيد اننا نراح نستفيد من خبرتك ..
اخي الكريم الي عجبني فيك عزيمتك ( القوية ) ما شاء الله تبارك و الله لو غيرك
كان يأس من زمان و هذة نقطة ابغاك تحطها في راسك دايما ..
انت انسان ( صاحب عزيمة ) ...
ثانيا اخوي فيصل نعم التربية القاسية قد تضعف الشخصية و لكن ثق تماما ان ابوك
يعتقد ان هذا افضل شيئ و هذا افضل ما عندة فاعذرة و سامحة كلنا بشر و نخطئ
و لا تنسى ان أبأئنا تربوا بطريقة مختلفة .. و انا متأكدة ان لوالدك اسباب و ظروف
جعلتة هكذا الانسان لا يكون قاسيا لانة .. والله ودة يكون قاسي ..
حاول ان تبرر له تصرفاتة و تقدم كل الاسباب الممكنة له .. اتعلم لماذا ؟ ..
ليس من أجلة بل اجلك انت الشعور بالغضب و الالم و الحسرة ... صدقني شعور
مرهق جدا .. ضع طاقتك في العمل على ذاتك و طورها و احسن اليها ..
.....
الي احب ابشرك فية انه ممكن تتغير ...
و هذا يمين اقدمة لك ... ( و اللــــــــــــــــه ممكن تتغير ) .. طيب من وين جايبة
هالثقة يا ريم ...؟؟
لاني انا مريت بالمريت فية و الله احس بالي تحس فية ...
الاضطراب و التوتر و خفقان القلب و التعرق و و الارتباك ...
تصدق اخوي فيصل اني جاني وقت كنت و الله كلمتين على بعضهم ما اقول ..
فما بالك ان اتكلم و افتح مواضيع و اناقش و اقول راي .... يالله كانوا هذة الاشياء
من الامور الصعبة جدا علي .... بعدين قلت طفح الكيل لازم أتغير ..
وراح اقول لك طريقتي بشكل عام...
هنا حابة اقول لك .. لو افترضنا ان واحد حاب يتعلم سباحة و راح عند واحد يعلمة
جاء المدرب و قالة ( يالله ابو الشباب .. اسبح ) .. ايش تتوقع راح يقول له الولد
( سلامات يالحبيب و شلون تبيني اسبح و انا ما اعرف ياللوح ) ..
طيب ايش المفروض يكون ؟..
المفروض يكون من المدرب الي ناوي يعلم الولد السباحة انه يعلمة شوية .. شوية
مو يغرقة و روح فيها ( تأبيدة ) هههه..
و هذة كانت طريقتي ( التدريج ) ...
و فيه نقاط كثيرة و تمارين كثيرة ممكن تساعدك .. ان شاء الله ..
اذا كنت مستعد تتحمل ( قرقي ) الواجد فانت يا خوي فيصل تأمرني أمر و راح
اساعدك بكل الي اقدر علية ...
الله يوفقك و يحفظك اخوي ( صاحب عزيمة ) ...
على فكرة فية موضوع مثبت للاخت نوفا ايش رايك يكون ( قرقنا ) هناك علشان برضوا
الدكتور رعد يتابع معنا ...
(: