نفساني - عرض مشاركة واحدة - تجمع مرضى الفصام وثنائي القطب اسأله وتبادل خبرات

19-07-2020, 11:07 PM

اقتباس:

المشاركة الأصلية كتبت بواسطة رهاابي

في حال وجود الناس معي اسمعهم يشتموني او ينتقدوني او ناويين شر او يقللون من قيمتي .. الخ

و انا اتنرفز و ممكن يكون لي رد فعل

هذا قبل

اما الان اسمعهم و لكني اتجاهل ما يكون فيه سؤال او رد مني اصوات وهميه اتجاهلها لكن لحظتها اتنرفز و بعدين اهدأ و اقول يمكن صدق او وهم

الاصوات هذي اكيد كلنا عارفين انها من الاختلالات الإدراكية الي ممكن كلنا نمر فيها ، طبعا هي مو حقيقيه ابدًا ابدًا لكن صعب احيانا نقنع انفسنا ان كل شيء يصير مو حقيقي . انا قبل كنت أعتقد ان الإحساس مو احساسي كنت اعتقد ان احساس مثلا السعاده او الحزن الي جواي مو احساسي هذا احساس احد عائلتي او صديقاتي لأن لو أفكر فيها اكون جالسه ماعندي شي فجأه يجيني شعور واحساس قوي غريب ف كنت صعب اقنع عقلي انه مجرد وهم ، لكن العقل البشري مُعقد جدا جدا العالم ما اكتشف الا اقل من الربع في العقل البشري وكيف يعمل !
ف ممكن فيه اشياء بالعقل للأن العالم يجهلها تخزن معلومات او أحاسيس غير مهمه ولا يُطلقها العقل لكن ممكن يتعارض تخزينها مع الأشخاص الي مصابين بالذهان ف يصير العقل يُخرج و يُطلق سراح هالأفكار الغريبه والهلاوس والأحاسيس كأنها من اشخاص نعرفهم لأن صعب عقلنا يجبرنا نقتنع ان هذي مجرد عقل باطني او من افكارنا . ف تصير تطلع هالأفكار والأصوات بعقولنا وكأننا نسمعها من الاشخاص حوالينا وطبعا بالأخير كل الي نعيشه وهم .

شعور صعب ان نصف حياتك مبنى على وهم لكن اذا اكتشفنا المرض كيف ينشأ وكيف تخرج هالهلاوس بينحل جزء كبير من المرض الي نعيشه ، الله يشفينا ويشفي جميع المرضى