المشاركة الأصلية كتبت بواسطة ظل امرأة

في كمان رسالة عالقة لقيتها في الجاكيت🤭
ان شاءالله تكون رسالة اطمئنان الك
بعرف صار عندك خوف من الغياب
او بالأحرى من ردة فعلي بعد ما تغيبي وترجعي
لانك متل شباط ما عليكي رباط
هيك بتقول ستي 😄
مشان هيك فضلتي البعد والصمت متل ما بتقولي
حتى ما حدا يتآذى...
ان كان عليي انا حررتك من هالقصة ومن هالموضوع
انا كل مافي الأمر حبيت اشيل الحواجز
لأننا في وش بعض..مو حلو نضل اغراب بعد ما كنا احباب
يعني غيبي وقت ما بدك..وارجعي وقت ما بدك..
أعترف أني ما كنت اتقبل غيابك قبل
كلو منك علقتيني فيكي لدرجة فكرتك ما بتقدري بدوني..
وانا عاملتك على هالاساس من كل قلبي واكيد بتعرفي
خلص بالنسبة الي اللي فات ما رح يتكرر ابدا
وانا فعلا بعد كل شي صار..صرت اتقبل كل شي بقناعة تامة
مع حفظ الود والاحترام..❤